تجربتي لتساقط الشعر *شعري تساقط بسبب الصبغة * واستخدمت شيء بيسط جدا ولله الفضل والمنة توقف التساقط
بس لازم الاستمرار وتطبيق الكلام عدل مدل
روحي جيبي حزمة جرجير نظفيها زين
ضعيها في الخلاط مع شوي ماي
صفي الخليط بيطلع ماي اخضر هذا المطلوب
بيكون الاستخدام كل يوم بدون غسل الشعر
بعد ماتغسلين شعرك ويجف فرقي الشعر وبللي قطنة ب ماي الجرجير واعصريها ع الفروة بس الشعر لأ .
ومشطي شعرك عادي واليوم الذي بعد نفس الطريقة حتى تكملي اسبوع بعد اسبوع اغسليه ب شامبو خاص ب تساقط الشعر
وانا استخدمت هذا طبي وخالي من العطور والكحول
الاسبوع الذي بعد تستعملين الطريقة بس تكون 3 مرات في الاسبوع مع غسل الشعر مرتين ب الاسبوع . والاسبوع الثالث تستخدمي الطريقة مرتين ب الاسبوع ومتى ماتحبي تغسلي شعرك اغسليه مو لازم مرة في الاسبوع إلا في الاسبوع الاول
الاسبوع الرابع تستخدم مرة وحدة وتغسلين شعرك
يعني ب اختصار
الاسبوع الاول تستخدم كل يوم وغسل الشعر يكون مرة وحدة في الاسبوع
الاسبوع الثاني تستخدم ثلاث مرات وغسل الشعر مرتين او مرة على كيفك
الاسبوع الثالث تستخدم مرتين وغسل الشعر مرة او مرتين او ثلاث على كيفك
الاسبوع الرابع مرة وحدة وغسل الشعر على كيفك
يعني لو حيتي تضعينها كم ساعة وتغسلين عادي
لو حبيتي تحطيها بدون غسل برضه عادي
اهم شيء الاسبوع الاول يكون غسلالشعر مرة وحدة
وبيكون الجرجير تستخدميه مرة كل اسبوع على طول
ياليت تفهمون علي
مابقي من الجرجير لاترميه طحيه في الثلاجة يستمر صالحة لغاية اسبوع
دعواتكم لي