تذكرت شي ---

انا سأدرس وزجي في جامعة لاتروب بملبورن يابنات ماتعرفون سكن قريب او احد بيطلع من سكنه وكمان ابغى اشتري من أحد تعرفونه اثاث مستعمل يعني لم يستعمل الأثاث الا عرب وخليجيين
مين بتبيع اثاثها وراجعه لبلدها؟؟؟

اهلين بنات كيفكم جميعا

حبيت اسلم بس؟؟؟

أختي faniah
بالنسبه لرمضان الله يعيننا جميعا والله يتقبل معانات بس الله يسهل...
والدكتورات فيه ولله الحمد يمشي الحال ...
واللي تجيبيه معك (بهاراتك بس الليمون الأسود مايدخلونه يدخلونه بس بالشحن واإلا حطيه تحت الملابس لأنهم أحيان مايفتشون /القهوه محموسه حب/ الهيل/أغراض المطبخ كامل/أفياش كهرب/الملابس لك لاتكثري لبس كشخه أهم شي سبور وعملي جزمة رياضه الله يكرمك/ العبايه طبعا لون غير الأسود مثلاً بني أورمادي أو زيتي اللي تبغينه/ساعة الفجر علشان الآذان/كان تستعملي علاجات جيبيها معك مثلاًحبوب منع الحمل لأنها هنا غالية جيبي حق الشهور الجاية/مممممم ايه وجيبي معك تمر مكنوز لأنهم مودايم يدخلون تمر الثلاجه)
وإذا تذكرت شي بقولك وبعدين القهوه يدخلونه عادي وأحيان مايفتشون خير شر يعني إدعي إن الله يصرف نظرهم عن أغراضكم...
ماقلتي متى جايين لأستراليا بالنسبه للمنطقه اللي حول لاتروب بصراحه ماأدري عنها..

بنات كامبرا ممكن........
أبغى معلومات عن منطقة كامبرا ككل هل متوفر فيها كل شي من بقالات عربيه ومطاعم وهل فيها نسبة سعوديين وفي أي حي مفضل للسكن يعني يكون قريب للعرب والجو كيف زي مالبورن بارد..
الله يجزاكم خير وكل وحده عندها معلومه ولو بسيطة تفيدني الله يعطيكم العافيه........

الأماكن كلها
والله حبيبتي كان ودي اساعدج , بس الصراحة ما اعرف شئ عن كانبرا . بس الجو يقولون مثل ملبورن بس ادفي بالدرجة هههه :)

faniah

يا هلا اختي , انا اختي كانت تدرس في لاتروب , وتلاقين اهناك سكن ان شاءلله .. يعني مسألة السكن مو صعبة خصوصا ان لاتروب مو بسيتي صايرة . واما سؤالج عن اثاث مستعمل ولازم يكون من عرب قبلج ما اعتقد بتلاقين بهذه الشروط , حتى اثاث المستعمل اللي من الاجانب كلش مو حلو , يعني انصحج تشترين من محل اثاث بس تشترين الرخيص طبعا وبتلاقين اثاث بسيط باسعار معقولة .

اي سؤال انا في في الخدمة