مرحبا بنات كيفكم إن شاء الله تمام...
أختي أحلام بريئه الله يعينك يارب على الحمل بها الغربه لأني مجربته بس عسى الله يسهل أمرك وأمر كل مسلم يارب..
مشكوره أختي نااااي على التشجيع الله يجزاك خير..

السلام عليكم
كيف الحال ان شاء الله بعافيه
انا حابه اسال سؤال ؟؟؟؟؟؟؟؟؟؟؟
بخصوص العبايه السوده ليش مانقدر نلبسها
لاني بصراحه مسفره بعد اسبوع تقريبا الى ملبورن ان شاء الله عند زوجي يدرس
ولما اسافر ابغي البس عبايتي السوده والبس حجاب ملون بصراحه ماحب العبايه الملونه شو رايكم عادي البسها والا لااااااااااااااااااااااااااااازم البس عبايه ملونه :(

هلا اختي نجمة السهره ممكن تلبسين عبابتك السوداء وحجاب ملون عادي بس اسود في اسود ملفت ومستغرب بس وانت براحتك انا برايي جيبي معك عبايه سوداء وعبايه ملونه وانت شوفي الوضع بنفسك وحياك الله.

مشكوره حبيبتي على ردك الطيب
بس حابه اسأل عن المدرسه في شو من تيرم عندكم الحين ؟
وهل قربت تنتهي المدارس ؟
ومتى بالضبط بتدا الاجازه الصيفيه في استراليا؟
وكم مدة الاجازه؟

هلا اختي ولا شكر على واجب.....
الان نحن في الترم الثاني ونظام الدراسه عندهم كتالي
الترم الاول يبدا February
التم الثاني يبدا July
الاجازه الصيفيه نهاية نوفمنبر الى اواخر فبراير ومن فبراير تبدا السنه من جديد
يعني الاجازه باقي عليها تقريبا شهرين ونصف من الان
مدة الاجازه تقريبا ثلاث شهور