كوبونات الراقية تسجيل الدخول

ام الحلوووووين
ام الحلوووووين •
مرحبا اختي العزه
اغلب اللي اعرفهم دراسين بدون انجليزي وهم يسون لكم اختبار تحديد مستوى
ولازم كورس سنه لغه قبل دراسة التخصص
وبالنسبه للمعاهد تختلف لاني انا مو في برزبن اتمنى اللي هناك يساعدونك ومافكرتي في الكليه ؟؟؟مدامك دارسه دارسه كليه ولامعهد ...وجهة نظر
وبالنسبه لغطا الوجه كلهم منقبين اللي اعررفهم وانتبهي لحجابك واحتسبي وربي يوفقك للي فيه الخير
بنت آدم
بنت آدم •
العزة العزة :
كيف الحال بنات استراليا يابنات انا احابة اسال يللي يدرسون يعني انتم قبل الدراسة كنتم ميح يعني لاتفقهون شئ في الانجليزي لاني انا ابغى ادرس وماعندي لغة الا بعض الكلمات البسيطة ايام الدراسة واحس اني ماراح امشي وصعبة اني اجلس هالفترة كلها بدون دراسة اما السؤال الثاني ابغى اعرف المعاهد يللي ممكن ادخلها عن طريق الملحقية في برزبن وتكون ممتازة والسؤال الثالث انتم وانتوا تدرسون كاشفين وجيهكم ولا كيف ؟ آآآآآآآآآآآآآآآآآآآآآآآآآآآآآآآآآآآآآآسفة على الإطالة وكلي امل انكم تجاوبون ترى باقي عندي اسئلة كثيرة بس استحيت اطولها اكثر من كذا
كيف الحال بنات استراليا يابنات انا احابة اسال يللي يدرسون يعني انتم قبل الدراسة كنتم ميح يعني...
السلام عليكم

يا هلا بنات كيفكم,, هلا أقرب الناس منورة..

أختي العزة..


يابنات انا احابة اسال يللي يدرسون يعني انتم قبل الدراسة كنتم ميح يعني لاتفقهون
شئ في الانجليزي لاني انا ابغى ادرس وماعندي لغة الا بعض الكلمات البسيطة ايام
الدراسة واحس اني ماراح امشي وصعبة اني اجلس هالفترة كلها بدون دراسة

بالنسبة لي عزيزتي فأنا حاليا أحضر ماجستير في اللغويات التطبيقية - تعليم اللغة الإنجليزية لغير المتحدثين بها -

و لغتي قبل الدراسة هنا الحمد لله قوية و خصوصا إن دراستي البكالوريوس في

السعودية كانت في الأدب الإنجليزي و اللغويات و كانت كلها باللغة الإنجليزية.

البنات اللي أعرفهم هنا يدرسون في معاهد لغة غالبا تكون تابعة للجامعات و

يحطونهم في مستويات حسب لغتهم و يطلعون من مستوى لآخر حسب تطورهم.

إذا كانت لغتك بسيطة و مدة مكوثكم في أستراليا سنتين أو أقل ما أظن تقدرين تدخلين

جامعة أو كلية لأنه صعب شوي, لكن ممكن تدخلين دروات بسيطة في مجالات منوعة

و متوفرة في

كليات Tafe

http://www.tafe.qld.gov.au/

ابغى اعرف المعاهد يللي ممكن ادخلها عن طريق الملحقية
في برزبن وتكون ممتازة

كلموا الملحقية الثقافية و هم يفيدونكم بهالخصوص.

انتم وانتوا تدرسون كاشفين وجيهكم ولا كيف ؟

أنا أدرس في الجامعة بنقابي و حجابي الكامل و الحمد لله, و ما فيه أي عوائق ما

دامك واثقة من نفسك و من دينك و من اللي تسوينه, و هنا يحترمون كثير اللي عنده

مبادئ يؤمن بها و ما يغيرها أينما كان.

و البنات اللي يدرسون في المعهد منهم اللي يتنقبون و منهم اللي يتحجبون و الحمد

لله حسب علمي ما فيه أي صعوبات.
العزة
العزة •
مشكوريييييييييييييييييييييييييييييييييييييييييين
ام الحلووووووووووين
يعطيك العافية ما تقصرين ومشكورة على النصيحة الله يثبتنا
بنت آدم (تصدقين اني كنت راح اغلط نفس غلط اول في الاسم)
جزاك الله خير والله يفتح عليك ويوفقك ويثبتك على دينه
والله ماتعرفين كيف نفسي اثبت لهم ان المسلمين ناس مافي زيهم في الاخلاق بس انا تنقصني اللغة والله اني ابغى ابكي من القهر اتمنى تكون عندي لغة عشان احاور واتكلم بس فاقد الشئ لايعطيه
انا راح اجلس اكثر امكن خمس سنوات اوسته وودي ادخل الجامعة بس انا اولا ماعندي لغة وزوجي يقول امكن الجامعة شوي صعبة واحس انه صعبة اجلس ذا العمر كله وما اخذ بكالوريوس وش تنصحوني علما باني انا ماخلصت الدراستي في السعودية يعني ما اعرف ايش اسوي بشهادتي يعني باقي لي سنة في الكلية .احتاج مساعدتكم .
بنت آدم
بنت آدم •
السلام عليكم

يا هلا أختي العزة.. الله يجزاك الخير على الدعاء..

و كثير منهم يفهمون إن عدم وجود اللغة لا يعني عدم وجود فكر , يعني ممكن

الواحد يكون عنده حجة و منطق و إقناع و ثقافة لكن ما تظهر بسبب عائق اللغة.

و للتغلب على هذي المشكلة مالك إلا تطورين لغتك بشتى الطرق بالدراسة,

بالإستماع للراديو, مشاهدة برامج تلفزيون, التحدث مع الناس.

*******************************

و بالنسبة للتحدث للناس, ممكن البعض يجد صعوبة في وجود الناس و بالأخص صعوبة

في تفهم الطرف الآخر لإختلاف الدين العادات.. لهذا من أحسن الحلول البحث عن

جماعات إسلامية و هم نشيطين جدا في مدن أستراليا, و غالبا يكون فيه نشاطات و

محاضرات و إجتماعات نسائية لأفراد هذه الجماعة.

ممكن تجدين مثل هذه التجمعات بالسؤال عنهم في مسجد تثقون فيه و في أهله.

يعني بحيث تعرفون توجه هذه الجماعة .. هل هم سنة - صوفية - شيعة - تبليغيين -

يعني مثل هذه الأشياء .. و تختارين الجماعة و تشتركين معهم في نشاطاتهم .. منها

خدمة للدين و منها راح تشوفين كثير من الأخوات المسلمات الأستراليات أو من

أصول مختلفة و يتكلمون الإنجليزية و تستفيدين من محادثتهم و يكون لهم نفس

التفكير غالباً مما يسهل التوافق معهم.

و مثل ما قلت لك مثل هالإجتماعات و الدروس راح تشوفين فيها وجه آخر لأستراليا

و قد تلتقين بمسلمات أستراليات يلبسن النقاب و الخمار الساتر و يقرأن القرآن و هو

ما لا يتخيله كثير من المسلمين الذين يأتون لهذه البلاد.

عندنا في سدني رابطة أهل السنة و الجماعة و لها فروع في ملبورن و غرب أستراليا

http://sunna.org.au/

http://www.iisca.org/branches/

لكن للأسف لا أعتقد لهم فرع في برزبن, عموما سأتصل عليهم يوم الإثنين إن شاء الله و أتأكد منهم.

***********************

و حبيبتي ما دام قاعدة 5 أو 6 سنين في أستراليا, أتوقع تقدرين تدرسين بكالوريوس

أو حتى ماجستير.

أقول لك كيف:

بالنسبة للغة

بعض المبتعثين لدراسة الماجستير هنا يجي و لغته ضعيفة جدا و مع هذا في النهاية

يدخل الجامعة بعد سنة - سنتين من دراسة اللغة.

إذا كان على تطوير اللغة فهو يعتمد على همتك في التعلم أما إذا كان عن القبول في

الجامعات فتختلف شروط اللغة :

* يعني يطلبون درجة معينة في اللآيلتس أو التوفل للي بيدخلون بكالوريوس و تكون

أقل من الدرجة المطلوبة للماجستير أو الدكتوراة.

* أو تجيبين خطاب من الكلية اللي درستي فيها إنك درستي باللغة الإنجليزية لمدة سنة

على الأقل ( إذا كانت فعلا دراستك كذا )

* أو بعض الجامعات تقبل إنك تدرسين في معهد الجامعة و تجتازين إختبار مرحلة معينة

و يدخلونك جامعتهم. و يمكن ياخذ منك سنة أو سنة و نص و يمكن أكثر لإجتياز مراحل دراسة اللغة.

*************************

إذا كنتي بتدرسين ماجستير

فلازم تكملين دراستك في السعودية ( السنة اللي بقت لك )

و انا لما جيت هنا كنت لسه ما خلصت بكالوريوس و باقي لي سنة و نص و حولت

إنتساب , بس ما أدري عن الكلية أعتقد ما فيها إنتساب؟

إش كان قسمك؟ إذا موجود هنا ممكن يعادلون لك و تكملين السنة في جامعة هنا!

يبغالها تكلمين الجامعات و كليتك و تجتهدين في إيجاد حل لهالموضوع.

**************************

و إذا بكاوريوس

و تبدأين من أول فممكن تختارين قسم تكون مدته قولي 3 سنين

و تدرسين سنتين لغة و بكذا في 5 سنين تكونين أخذتي البكالوريوس.

و غالبا تخصص ( بكالوريوس كمبيوتر يكون 3 سنين ) و ممكن تسألون كل جامعة

عن التخصصات القصيرة اللي عندهم.

مثلا عندك:

http://www.gu.edu.au/ua/aa/pccat/search/home.html

و شروط اللغة في هذا البرنامج:

550 في التوفل الكتابة
أو 213 في التوفل الكمبيوتر
أو 6 في الآيلتس.
أو 3 في ISLPR اللي تعترف فيه الجامعة.

هذا مثال و ممكن تبحثين في جامعات كوينزلاند أو برزبن الثانية بنفس الطريقة.

و قبل البكالوريوس لازم تدرسين سنة تحضيرية فيها مواد مختلفة مدتها من ترم إلى 3 أترام.

و عشان تدخلينها تدخلين دورة لغة تعترف بها الجامعة لمدة 2 إلى 5 أسابيع و تجتازينها , و ممكن أكثر.

******************************

يعني صعب التعميم لأن الجامعات تختلف عن بعضها في الطلبات و الشروط. لكن هذا

حسب معلوماتي من مواقع جامعات برزبن.

مدري شكلي طولت عليك لكن إن شاء الله تستفيدين من وقتك و الله يكتب لك الخيرة

و ييسر لك طريقها.
بنت آدم
بنت آدم •
شيء إضافي..

أذا حسيتي إنه صعب بكالوريوس أو ماجستير.. ممكن تبدأين بدراسة اللغة في أي معهد

ثم تبدأين تاخذين دورات منوعة في تخصصك أو في الإدارة مثلا و الكمبيوتر و التعليم و دورات

منوعة من كليات التيف أو كليات خدمة المجتمع إذا عندك و غالبا تكون هالدورات قصيرة يعني

ترم أو أقل و ما يكون مشروط فيها اللغة..

يعني فيه دورات مثل الكمبيوتر ما أعتقد يبغالها لغة و محادثة قوية لأن أغلبها عملي .. حتى إختباراتها تكون عملي.

وبالتوفيق