السلام عليكم بنات....كل عام و انتم بخير الله يجعلها سنة خير و بركة علينا
انا اليوم رجعت من السعودية .و دايخة من الرحلة بس حبيت اسلم عليكم و اجدد العهد بالغربة .آآآه ههههه الله يهون علينا جميعا..
هلا ام احمد الحمدالله على السلامة..كيفك؟ و بقية البنات ايش اخباركم؟
ما شاء الله اشوف كثروا بنات مليبورن...الله يزيد و يبارك

معليش اسفة على التاخير بس انا مو دائما ادخل النت
حبيبتي الدي اس ال هو عبارة عن جهاز يزيد سرعة النت يعني انا اشوفها عن طريق النت واشوف العامة فقط

مرحبا بنات.. عندي كم سؤال من سنين وانا ابغي اسأل بس اتعايز اكتب.. المهم اللحم المفروم.. شو رايكم فيه ما تحسون انه بعد الطبخ تكون ريحته مش حلوه.. ما اعرف ليش انا طبخته بكم طريقه لكن النتيجه واحده.. دسم ومش مقبول طعمه... ياليت لو عندكم طريقه حلوه تخلصني من ريحته تخبروني ..
السؤال الثاني اللحم المقطع كيف تشترونه يعني على اي اساس تختارونه.. لاني لما اشتريه واطبخه يصبح قاسي...
ومشكورين.. على فكره انا ملبورن..

اختي ام احمد انتي من الامارات.. صح؟؟ المهم اهنيه في ملبورن تصير احيانا تجمعات للبنات الاماراتيات لكن في هذا الوقت اغلبهم راجعين للبلاد.. والله لو تشوفين قبل سنه او اكثر كانت تصير تجمعات كبيره للبنات .. لكن اغلبهم خلصوا الدراسه وراحوا..
وانت كم صار لج في ملبورن.. يديده ولا من القدامى؟؟

نسيت اقولكم منظفات السجاد كلها مثل بعض.. لكن مره حطوا في برنامج تودي تونايت افضل منظف للسجاد.. ما اذكر اسمه بالضبط لكنه علبته بيضه وغطاته حمرا ..جربته.. زين بس ما ينظف كل شي..امس خلص ولا لو كنت بشوف إلكم اسمه..