•·.·°¯`·.·• (التجــــــمع الثـــــاني لبنات بـريـطـانـيــا ..حياكم الله) •·.·°¯`·.·•

انا عندي سؤال بما انه موضوعي مغلق

وسؤالي موجه لحرم الدكتور ولكل من يسكن فجلاسكو

أختي (حرم الدكتور) تعرفي طبيبة نسائية مسلمة فجلاسكو...ضروري
السلام عليكم ورحمة الله وبركاته...

أختي الحبيبة في احد اسألتي انتي رديتي علي وأنا اعتقد انك من اسكوتلندا ... اختي انا حامل في الشهر الأول اعتقد (مب متأكده اذا الشهر الاول او الثاني) ونزلي امس دم خفيف وسألت الدكتورة في المنتدى قالت ضروري اراجع طبيبة ... تعرفي طبيبة مسلمة ثقة فجلاسكو؟؟؟؟

بانتظارك لإني بكره الصبح مسافره ولازم اطمن وازور الطبيبة اول لأنه حملي الاول وأنا ما افهم في امور الحمل

وشكرا

هلا ام ميثانة

الله يتمم عليك حملك ويرزقك الذرية الصالحة يارب
شوفي اختي ابقولك انا ماجربت احمل هنا
لكن اسمع كثير من البنات اللي حملو هنا

الرعاية هنا مو ذاك الزود ايام الحمل
يعني المواعيد بالشهرين مرة ولايعطون لافيتامين ولاحديد

فماعتقد لو رحتي المستشفى بيقولون لك شئ

يعني تطمني ولاتقلقين وبالنسبة للدم
عادي يختي يجي الدم
كثير من الحالات تجيها ..وماشاء الله ماضرهم

لكن عليك بالراحة وعدم الاكثار من الحركة
ولاتشيلين ثقيل ولاتتعبين نفسيتك

النفسية هي اهم شئ بالحمل
وسعي صدرك
اسمعي قران
واذكري الله وادعيه يثبت حملك

وصدقيني اعرف وحدة حملت
وجاها افرازات كثيرة ودم وكانت خااااااااااايفة
لكن الحمد لله
ماقالوا لها شئ
بس ارتاحي
لاتصعدين درج كثير
لاتشيلين شئ ثقيل
والحين بنتها كتكوته تهبل الله يخليها لها

فتطمني ياختي..وسافري وانتي مرتاحة
لان الشهور الاولى اعتقد عادي السفر فيها

وبالنسبة لسؤالك
لا والله ماعرف طبيبة مسلمة

لكن اللي عندي واقدر عليه قدمته لك
دعواتي لك بالحفظ والسلامة وان يرزقك الذرية الصالحة يارب

اختك

حروووومه

أهلا اختي ام ميثانة وحرم الدكتور

أختي حروومة دمجت موضوعك هنا مباشرة بعد سؤال الاخت حتى نحتفظ بردك ومعلوماتك القيمة ويستفيد منها بقية الاعضاء

جزاك الله خيرا

الله يثبتلك حملك ان شاء الله

اشكرك حرم الدكتورة على ردك

والله يا اختي انا ماعرف شيء فهالأمور لأن اول حمل لي والدم مستمر من أمس...

والبنات في المنتدى نصحوني ازور طبيبة تعطيني مثبت للحمل والدكتورة في المنتدى قالتلي ان الدم يدل على ضعف الحمل ونصحتني ازور طبيبه قبل ما اسافر...

وأنا سفري الفجر الساعه 4 الفجر يعني بعد 12 ساعة تقريبياً وزوجي يقول اتوكلي على الله وبنراجع دكتورة في الامارات ان شاء الله

والله انا راضيه باللي يكتبه الله لي.. لكني خايفة بكره اتندم واقول ياليتني سويت كذا وكذا...

والحمدلله على كل حال..

ويابنات لا تنسوني من دعواتكم ان الله يثبت لي حملي ان شاء الله ويرزقني طفل سليم ومعافى