السلام عليكم
اهلين صباح الخيرات والبركات والتكبيرات لا تنسوا الأيام هذي من أفضل أيام السنة (أيام أكل وشرب وذكر لله) ..
فراوله .. لا بأس عليك.. الحمد لله عدت بالسلامة..
ام رموسه.. الله يشفيك يا رب..
انوار .. ومهاي.. والي اشتكوا من الكحة.. استخدمت جوسبان والحمد لله خففت كثير.. مع العسل والحبة السوداء .. وعصير الليمون.. الله يشفينا جميعا..
حبيبه.. اعرف دكتور اطفال يرمي علب البودرة اذا اشترتهم زوجته.. نفس الشي يقول من مسببات حساسية الصدر.. وانا اقولك انه ممكن يكون حسب الطفل ادا عنده استعداد وقابلية ضرته .. واذا ما شاء الله ما عنده استعداد برحمة ربي ما تسبب له ضرر.. بكري والثاني كنت استخدمها .. ما كنت اعرف.. اما الثالث ما استخدمتها وقت ما عرفت المعلومة.. والي حرصني زيادة ان عندنا حساسية الصدر والجيوب الانفية.. فممكن يجي من اطفااي من عنده استعداد ..
الوهم.. احنا اساسي دهن العود.. بس ما احط مباشرة على بشرة البيبي.. احط بيدي وامسح بخفيف على البشرة.. والشعر احط مباشرة عليه..
اما المسك ابي شي حلو وريحته حلوة وتبقى.. الي تفيدني اكون لها من الشاكرين..
يسرا.. هلا بك.. معليش بس انا اخالفك.. ليش تروحي زيارات للدكتورة طيب؟! على اقل الاحوال اعملي تحليل السكر الصايم .. خصوصا مع انتشار السكري.. الله يكفينا الشر يا رب..
تعوبه.. دررر.. احنا الحمد تعيدنا الصباح لحم وكبدة والذي منو.. وبالليل برضو تلبسنا واجتمعنا والله يديم النعمة.. احنا نفرح بهدايا ربنا لنا هالعيدين ونزرعها باطفالنا .. الله لا يحرمنا الفرحة..
بالنسبة للتأتأة.. الله يشفي ولدك يا رب ويفك عقدة لسانه.. لا زال عمره صغير ترا .. ومهم تطنشي تأتأته .. ما تعلقي عليها او تشغليه فيها.. وافحصي سمعه.. جت الحالة هذي لبنتي الكبيرة لما كانت بعمر الثلاث سنين .. وما بينت قدامها اي شي .. بس صار معاها انسداد في سمعها وكذا وعملنا لها عملية.. والحمد لله تحسنت كثير ..

حبيبتي كلها خطيره عالمولود الى سن سنه

اكثر من طبيب اطفال حذرني من استخدامها لمدة سنه هي والعطور والبخور وحتى البودره بمنطقة الحفاظ قال ابداا مو كويسه عشان اتجنب التهاب الصدر وهو منتشر عند الاطفال واللهم لك الحمد ولدي مايتعب من صدره لاقوة الا بالله مع اني بمنطقه صناعيه واغلب مواليده صدورهم تتعب جداا ..


تعوبة درر ياقمر ،، بالنسبه لولدك طبيعي ممكن خوف من الصراخ مع ان كل الامهات يصارخون فلاتحسسين نفسك بالذنب او خوف من شي ثاني طبيعي التأتأه بسنه لكن لاتعلقين عليها اذا جا يتكلم انتبهي تصححين له عطيه وقته لين ينطق وراح تروح بلحالها ،، الرقيه وهو نايم ارقيه مو شرط رقيه طويله واقري بمويه وشربيه وماقدامه الا العافيه لاتخافين ولاتشيلين هم ،

بالنسبه لتعطير البيبي انا تهمني سلامته قبل كل شي وريحة المواليد حلوه 💜💜
ما افكر احط له عطر نهائي يتعب صدره طبعا اخذت درس من عيال اخواني امهم مدمنة عطور وكانت بعيالها الكبار ماتمشي الا بجهاز البخار بعدها هزأها طبيب وحافظت على عيالها الجدد ومافيهم الا العافيه اللهم لك الحمد .

ليلوسا الجميله فيه مسك روز عند اجمل قديم كان ب٣٠ ريال حليوه ريحته ناعمه وفيه عطر مدري من وين لكن من العطورات الرخيصه اسمه جوفال شي زي كذا ريحته زي شامبو بيبي جونسون جميله.


الطفل معروف كثرة اللعب تخليه يتحلم بالليل ويفز
بصراحه ارحمهم الصغار لو نقارن حجمهم بحجمنا يشوفونا شي كبير تخيلي وجه وش كبره يقعد يستهبل عليك ويلزق بوجهك ويسوي حركات غبيه 😑 ماينلام الضعيف يضحك مرتاع 💔

الاطفال المواليد ربختهم تجنن اهم سي الاستحمام عشان ماتطلع ريحه الحليب انا اروشهم يوم ايه ويوم لا 
والملابس اغيرها كل يوم وأوقات كم مره باليوم وماشالله ريحتهم نظافه حتى انا مااستعنل عطور قويه اخاف علي صدرهم والبوده تسبب انسدادات في المسالك البوليه وخاصه البنات انا أبدا مااستعملها لو فيه تسلخات سودو كريم

الكمفورت خطر على الأطفال00مماتقولو غسلوا ملابس البيبي به
طيب على كذا وش اعتمد غسسول لملابسه00
انا بصراحه احب ريحة العود على البيبي خصوصا بعد الترويشه😍
ممكن يخفف بمويه وينحط على المهاد خاصة لما يجي احد يسلم على البيبي☺️

الأطفال المواليد معرضين التهاب الصدر الي هو البلغم

الام تتعب اذا اصاب طفلها بلغم لان مايقدر يرضع ولا يتنفس

عشان كذا انا استخدم زيت السمسم اذا صحى من النوم واذا جا بينام

يريحه ويفتت البلغم طبعا مع الرضاعه الطبيعية



تم الإرسال بواسطة iPhone بإستخدام منتدى عالم حواء