حرمه المصون :

وهذا نظامي طول فترة النفاس حمستوني اكتبه🤭💓 المشروبات :هذي من اول الايام لطبيعي تستخدم عادي اما القيصري يفضل بعد ١٠ ايام.. ١/ مطبوخة (تلقونها مجمعه عند العطار جاهزه) ٢/ قشر القهوه مع زنجبيل ٣/ كسرة مره مع اشوية عنزروت في علبة ماء عند راسك تخلينها مهمه اول ١٥ يوم تدارين فيها الشمم للطبيعي، للقيصيري ماعندي فكره متى ياخذونها ٤/ حلبة مع حليب ٥/ شمر وكمون ويانسون الهوم او المردود : - مع التمر المعجونه يفضل مع سمن غنم ( كمون وشمر وحبة سودا ويانسون ورشاد وسمسم محموس وقرنفل تطحنونها مع بعض بمقاسات معينه مثلا تاخذين من كل شي فنجان وتطحنينهم جميع وترشين على التمره وتاكلينها ) - مع الحليب وهذا حيل مهم مهههم مههههههم للهواء والخوا والمويات وينظف ويشد المنطقه حيل حييل بتدعون لي بعده يستخدم بعد ٣٠ يوم وينفع للقيصري والطبيعيفنجان مطحون لكل من(زنجبيل بودرة، فلفل ابيض، فلفل اسود، ماش)ملعقة منه في كوب حليب مره باليوم.. - مع القهوه كسرة عنزروت يوميا(معروف عنه يسمونة مكنسة الرحم) لطبيعي اول يوم، للقيصري ماعندي فكره💔 - الخيوط عنايتي فيها كالتالي:ميبو بالنهار و فيوسكرت( ابو اسد خط اصفر وخط احمر) واعقم في بيتادين مركز ما اخففه والحمدلله على ١٠ الجروح تطيب وتطيح الخيوط على ١٥ يوم ولا خيط يبقى كلها تنزل واذا حسيتي ان خيوطك ملتهبه بسبب الشمم فعليك بالغفوريات وذكرت طريقتها من قبلوماحب اتشطف باعشاب لاني اخر ايام استخدمت شي ثاني بقولكم عنه - اللي هو اللبوس المهبلي او تحاميل بعد ماتطيب الجروووح وتطيح الخيوط فايدتها تنظف الرحم بعد وتشد تشششد تشششششد بتشوفون اشياء واشياء تطلع بالفوطه بعدها.. اللي ماتحب تستخدم كذا لا تسويها، انا عن نفسي استخدمها سواء دوره او نفاس تستخدم اخر ٤ ايام بالنفاس كل يومين حبة او اخر يومين من الدورة حبة وحده بس :مرة مطحونه نااااعم ملح فارسي مطحووووون ناعم تعجن بشوي عسل طبيعي اصللللي وتكورينها بشكل يشبه نوا التمر وتوزعينها بصينية وعلى طول الثلاجه واذا جمدت تحفظينها بعلبه - علاج الهوا والخوا : تستخدمون خلطة الحليب وكبو وتتعرقون بعده عشان يطلع البرد تتعرقين كيف (تدهنين باطن الرجلين والبطن والظهر بفكس وتتبخرين ب قشر بصل ومره وكمون ثم تتلحفين على طول بشي ثقيل وتحاولين تنامين واذا صحيتي نشفي العرق بمنشفه وتروشي وتدفي) واهم شي يابنات التدفئه ثم التدفئه ثم التدفئة سواء الجو بارد ولا ربيعي رجولك لاينزل منها السروال الطويل والشرابات انتبهو توطون الارض حافيين واذانكم اذا ماتحبون الشيله او الطرحه سكروها بسداده لايدخلكم هوا براسكم منهاا ولاتنسوني من دعواتكم اختكم حرمة المصون 💓

وهذا نظامي طول فترة النفاس حمستوني اكتبه🤭💓 المشروبات :هذي من اول الايام لطبيعي تستخدم عادي اما...

رومآنس :

مساء الخير شوفي بدوووشه انا عندي اختي الكبيره اكبرنا نتحاشى نعلمها اي شي خصوصاً أسرارنا لأن كل شي يوصل لزوجها بس مع اخواتي الثانيات كل شي نقوله لبعض حتى في لقروب سوينا قروب خاص فينا بدونها لأن فجأه وحنا نسولف نشوف زوجهاداخل قروبنا يسولف بأسمها كأنها هي وحنا نعرف من الأسلوب والطريقه مو حلوه ابدا يدخل قروبنا حنا حريم وسوالف الحريم نتكلم بكل شيء من دوره لأمور في العلاقه الخاصه أفكار وكذا طبعاً هي اختي الكبيره تصير سلفتي مره كنت اسولف معاهاعن سلفتي وحده ثانيه وانبها انتبهي ترى فلانه تهدر عليش وهي من زمان تتكلم عنها وكنت اتحاشى اني احذرها اخاف تقول لزوجها وتصير مشاكل بس وصلت لمرحله مارضيت عليها والله وقلت لها ونبهتها لأن اخاي الكبيره على نياتها بس زوجها فيه حقد وحسد و يسبب فتن المهم راحت قالت لزوجها تخيلي زوجها قال لسلفتي الثانيه قدام زوجها ترى فلانه متغيره عليك من اختها توصل لها كلام عنك انقهرت من الموقف وماتكلمت لها بشي وزوجها من قبل ماخلى حتى اخوه في حاله صار يطلع عليه كلام عند اهلي الا هو زوجي وفرق العمر بينهم كبير زوجي اصغر منه ب١٥ سنه صار يطلع عليه كلام كثير ان زوجي يهدر على بيتنا ويبي يغيرني عليهم ومن هالكلام الفتن لين ماصار ابوي يكره زوجي من الخطوبه تخيلو كل هذا غيره من اخوه حتى اخواتها يجي يتكلم فيهم عند اهلي وكل المشاكل اللي تصير في بيت عيالي يجي ينقلهم ويروح يقول لأبوه ان زوجي يتكلم عليهم عند اهلي وكل شي يصير في البيت زوجي يوصله لأهلي كان ينقل كلام ويسبب فتن ويكذب كأنه حرمه مو رجال بس بعد سنين اهلي عرفوا طينته وعرفوا قدر زوجي امي ماعلى لسانها غير زوجي تمدح فيه زوجي ماعمره اهتم له هالشغلات او القيل والقال حتى اهله مايتكلم عليهم بسوء قدامي وبار في امه وابوه مافي يوم طول صوته عليهم بعكس اخوه الكبير اخوه حتى امي رفع صوته عليها وهاوشها

مساء الخير شوفي بدوووشه انا عندي اختي الكبيره اكبرنا نتحاشى نعلمها اي شي خصوصاً أسرارنا لأن...