حرمه المصون :

احس الشغله وسواس اذا فكرتي بيصير كذا ويصير كذا سبحان الله يصير كولي واستمتعي وتوكلي على ربك هو الحافظ عاد محدثتكم تاخذ مثبتات لبداية السادس لان من الله كذا 🙂 بداية الحمل يكون عندي ضعف بهرمون التثبيت مو من اكل ولا شي المره هذي جربت الابر والتحاميل 😀 فتح معي ١سم واخذتها لمدة١٥ يوم ٦ ابر ووقفوها لي

احس الشغله وسواس اذا فكرتي بيصير كذا ويصير كذا سبحان الله يصير كولي واستمتعي وتوكلي على ربك...

غـيوم :

هذا مو شيكو مشابه له ماركة dream baby بس مره نسخته كانه هو خذيته ب ٥٠٠ وشوي ناسية كم بالضبط هذا مميزاته افضل من سرير النفاس الصغير منها يكفي النونو لعمر ٩ شهور اوفر لك فيه خاصية هزاز تتحكمين فيها تقفلينها او تفتحينها يعني مايهز دايركت مرتبته مريحة وكله قماش دار مداره وفيه جزء شبكة عشان تشوفين وجه البيبي ووضعه بدون ماتقومين وهالشبكة فيها سحاب بس تفتحينه وتشيلين البيبي وانتي بالسرير مايحتاج توقفين وتنفع للاطفال اللي فيهم ارتجاع او يستفرغون كثير ماتحاتين انه يشرق لا سمح الله لانه فيه خاصية ميلان بالدرجة اللي تبينها مثل سرير المواليد بالمستشفى قواعده تدخلين ثنتين منها تحت سريرك وتثبتينها يصير ملاصق لك رجوله بس ثنتين منها تتحرك عشان اذا تبين تبعدينه من سريرك وتقومين ويضمن ثبات النونو مع حركة الناس مايمديهم يحركون السرير بسهوله فيه ناموسية ومعاه شنطة تدخلينه فيها اذا خلصتي منها للنونو الثاني او اذا تبين تسافرين فيه شكله لفتني مو مثل اسرة النفاس المستهلكة والمتعودين عليها ويمديك اذا حابة تضبطين فراش على حجم السرير تحت النونو ويكون لونه ازرق او وردي او ابيض باسم النونو كحركة يعني .... توتو حبيبتي اي بنتي باذن الله معاي لكن غرفتي اللي بقعد فيها غير غرفة الضيوف اللي بيزورونا ومحد يزور عندنا اول اسبوعين الا الاهل وهم عادي يجون غرفة النفاس بس ماهي طالعة للناس هذي عاداتنا بس تطلع لقرايبي المقربين واهلها واللي تبي تشوفها من المعارف مافيه اشكالية نجيبها لها بس النونو يطلع للناس بكثرة عالفاضي والمليان مو حلوة بشرتهم حساسة للتبويس جدا والناس ماتدرين بعضهم يجيك وهو مريض مزكم انفلونزا صعبة وهم مناعتهم خلقة ضعيفة .. نصيحة الاسرة اللي ملاصقة لها طاولة التغيير مررره خطرة فترة الاستكشاف من سنة يبدون ينقزون لها ويركبون عليها بسهولة من مرتبتهم اشوفها خطرة اذا تبين اخذي لك طاولة منفصلة افضل

هذا مو شيكو مشابه له ماركة dream baby بس مره نسخته كانه هو خذيته ب ٥٠٠ وشوي ناسية كم بالضبط هذا...

wtoto :

هلا وغلا وين الغيبه والله نفقد كثير بعضهم اذكر اساميهم وبعضهم اذا دخل ذكرت انه له فتره غايب اخبارك عساك بخير

هلا وغلا وين الغيبه والله نفقد كثير بعضهم اذكر اساميهم وبعضهم اذا دخل ذكرت انه له فتره غايب...

الـ ع ـنـود :

لا ابدا مو وسواس بالعكس الا حذر وصيانة نعمة وأخذ بالأسباب واذا الشي مايضر وحده يضر عشرين وحده غيرها القرفة منذ الأزل معروف خطرها ومعروفه فاعليتها انها تنزل الدم غزير مثل الحيض والتفاس وسلون اتطبب بها وانا حامل !! والتمر حتى بالقرآن مذكور في مخاض مريم يعني اصلا يسهل الولاده الحذر مطلوب والحمل نعمة عزيزة سبحان الله ماتقبل المجازفات الله يبلغنا التمام

لا ابدا مو وسواس بالعكس الا حذر وصيانة نعمة وأخذ بالأسباب واذا الشي مايضر وحده يضر عشرين وحده...