هذي طلوق رجوع الرحم لوضعه الطبيعي تستمر أحيانا خمس أيام وأحيان أقل ولازم مسكن
وتزيد مع الرضاعة الطبيعة تشد الرحم سبحان الله لفوق وترجعه بإذن الله لوضعه الطبيعي ويصاحبها طلوق مثل طلق الولادة بالألم وهذي ترى رحمة من الله سبحانه وتعالى ،،، لأن لو مارجع الرحم مكانه واشتد يضل عند الوحدة نزول بالأرحام تجلس تعاني منها سنين خاصةمع الشغل والكرف وشيل الثقيل وبعضهم يضطرون يسوون عمليات ترميم ورفع للأرحام وعضلات المهبل والعجان
فالشاهد نحمد الله عزو جل على كل حال ونصبر على الآلام بعد الولادة لأن فيها خير لنا سبحان الله وترى مالها علاقة بالطلق الصناعي هذي تجي لكل وحدة حتى لو ما أخذت طلق بس تختلف حدة الألم من وحدة لوحدة
( وعسى أن تكرهوا شيئا وهو خير لكم ، وعسى أن تحبوا شيئا وهو شر لكم والله يعلم وأنتم لاتعلمون )
أنا تجيني هذي الآلام يمكن تستمر أسبوع أول النفاس وما آخذ طلق صناعي ،، وترجع علي بعد مع أخت النفاس والله أذوق الموت لدرجة ما أقدر أتنفس
بس الحمدلله أصبر مالنا غير الصبر ثم المسكن وأحط قربة موية دافية تحت ظهري وعلى أسفل بطني وأشرب مشروبات دافية وآكل تمر والحمدلله على كل حال
هذي طلوق رجوع الرحم لوضعه الطبيعي تستمر أحيانا خمس أيام وأحيان أقل ولازم مسكن
وتزيد مع الرضاعة...
صدقتِ ،، أمس دمعتي على خدي انخنقت من سدحة السرير والبيت نفسي أخرج بس بيتي فيه درج ،، وأنا بعد النزيف اللي شفته مستحيل مقدر أغامر بنفسي وحملي عسى الله يتمم لنا على خير ويفرحنا ويبلغنا أحسن البلاغ جميعا يارب ..
الحمدلله حتى يبلغ الحمد منتهاه