فاتن أحمد :

فعلا ايفنت أفضل بكثير ولا تسبب غازات للطفل لأن الحلمة والغطاء تختلف عن غيرها لكن أعتقد أصغر مقاس 125 وأنا مو متأكدة لكن ابحثي بالصيدلية يمكن تلاقي أصغر وأنا أطلبها من الصيدلية الفرنسية أرخص بكثير من هنا

فعلا ايفنت أفضل بكثير ولا تسبب غازات للطفل لأن الحلمة والغطاء تختلف عن غيرها لكن أعتقد أصغر مقاس...

أولياندر :

كيفكم بنات.. من بداية التجمع احاول مااتشكى ولله الحمد كل شي يهون بالحمل عن حمليني السابقة مااتمناها لمسلمة فمتقبله والأوضاع طيبه ولله الحمد واحس اني بخير الحين لي اسبوعين انحرمت النوم انكتم كل ماانسدحت ودقات قلبي تزيد واقوم مفجوعه طول الوقت تجشؤ شديد ومستمر ثقل ثقل ثقل مااقدر انحني لقدام عشان التناول اكلي ع الطاولة حتى الجلسة متعبه مدري اشفيني احس بددددددددري حتى حجم بطني يفجع توني الأسبوع ٢٨ كيف بصير في التاسع 😭 يارب يهونها علينا جميعا واولد زي دايما بداية التاسع 💗 مجرد فضفضه لي كم يوم نفسيتي ماش وبكيت لين عورتني ضلوعي واحس زاد الثقل ووجع المعدة قمت اخزيت الشيطان وتحممت وتصنفرت وسشورت وشغلت الفواحات واحاول اهدي نفسي وجلست امشي في الصالة وكل مامريت من المرايا صورت كرشتي 😂😂😂 مستغربه شكلها عشان لبست بجاما ناعمه ومبينه التفاصيل عندي مناسبة بالعطلة وتوهقت للحين مالقيت فستان وبالمناسبة لنا احنا أهل العريس ودي بشي ناعم ومريح مو لازم مشكشك تكفي كرشتي حفله لحالها 😂 تعبت يابنات مالقيت لا في حياة مول ولا مارينا ولا العليا وكم بوتيك آخر شي قلت لهم الناس تحمل وتولد لقيام الساعة احترموا هذي الفئة 😭 ليش مو كل ماركة تخصص قطع للحوامل في كل كولكشن تنزله 💔 لقيت واحد في فيفد فيلر مثااالي لون وموديل وأنيق زي ماابغى خصره عالي يعني من تحت الصدر ينفع للحمل ولبعدين وطلعت وقت الصلاة.. بعد الصلاة رجعت قالت كان آخر قطعة وانباع وقالت اصلا منتهي من كل الفروع😭 عاد دلوني يابنات الرياض مابقى شي ع العطلة

كيفكم بنات.. من بداية التجمع احاول مااتشكى ولله الحمد كل شي يهون بالحمل عن حمليني السابقة...