ام منار ١٤١١ :

ضدك انا لازم الواحد ياخذ احتياطه ، يعني نعلمهم بس مانفلتهم، بيت فيه شباب الام مفروض تحون فطنه وماترسل عيالها الا لضروره او تكون معهم وتحت نظرها حتى لوكان الشاب خال او عم ، امانه الاطفال وحنا مسؤولين عنهم يوم القيامه استودعهم الله بس اهذ بالاسباب ، اما بالنسبه لتحرش الاب الله يكفينا الشر ، الام بتلاحظ سلوك الاب الغير سوي وبرضو الاطفال لازم الام ع قولك تعلمهم كيف يتصرفو فالمواقف الي مثل كذا اما فالمدرسه وغيره لازم يكون فيه تواصل بين الاداره واهل الطفل وبالذات الاولاد اتوقع لازم سواقهم يكون عند الباب من قبل وقت الانصراف الله يكفينا الشررررررر ياشيخه

ضدك انا لازم الواحد ياخذ احتياطه ، يعني نعلمهم بس مانفلتهم، بيت فيه شباب الام مفروض تحون فطنه...

ام باسل 00 :

ياحبيبتي انا ماقلت افلتو عيالكم عند كل من هب ودب لكن مثلاً ماتضمنين تخلين عيالك عند اختك او عمتك او خالتك يعني ناس تمونين عليهم وبينكم عشره ماتضمنينهم ! مو لهالدرجه عاد لو ربي قدر يصير له شي بيصير حتى لو حطيت عيالي داخل عيوني

ياحبيبتي انا ماقلت افلتو عيالكم عند كل من هب ودب لكن مثلاً ماتضمنين تخلين عيالك عند اختك او عمتك...

أم عبدالملك٢٢ :

يا بنات والله الزمن هذا يخوف لاتقولون مافيها شي تحطون عيالكم عند الناس مهما كان أقرب قريب سواء بنت ولا ولد ينخاف من الزمن هذا أمس وحدة بملف الأشبال كان الله بعونها وربي يفرج همها وضيقتها ذاكرة فاجعتها بالتحرش والاعتداء على بنتها من الدبر البنت في حالة يرثى لها قريت قصتها وجلست أدعيلها ربي يكون معاها وترى مو بس قصتها ،، المحاكم مليانة من قضايا الاعتداء وبالذات المحارم لاتقولون لا طيبين وحنا نعرفهم وأخلاق أبد والله الشيطان مايعرف طيب ولا خلوق يجري من ابن آدم مجرى الدم وبالذات في زمن كثرة الفتن والمغريات الجنسية في وسائل التواصل والسوشيال ميديا فالشاهد من الكلام اللي قلته لا تأمنون أحد على عيالكم لاغريب ولاقريب زمن يخوف نسأل الله السلامة من الفتن ماظهر منها ومابطن وادعوا دايم ربي يحفظ عيالكم من كل سوء وشر ..

يا بنات والله الزمن هذا يخوف لاتقولون مافيها شي تحطون عيالكم عند الناس مهما كان أقرب قريب سواء...

أم عبدالملك٢٢ :

بالنسبة لي يا أم باسل أنا ما أحط عيالي عند أي أحد ولافي أي بيت فيه شباب ورجال حتى لو بيت أختي ولا خالتي ولا عمتي ولا أخوات زوجي ولا أخوانه ولا خواله ولا عمامه ولا أي مكان إذا أنا مو معاهم أبد ما أخليهم عندهم وأروح لمشوار ولا أضمن لاقريب ولا غريب حتى زوجي بنفس رأيي وأشد حرص عليهم بهذه الأمور مني من كثر مانسمع من القصص سواء بنت ولا ولد أزور الناس وعيالي معي وتحت عيني إيه أما أروح لمشوار ولا مكان حتى لو زمن يسير وأحطهم بمكان أبدا أبدا ما أسويها آخذ عيالي معي وربي خير حافظا وهذا من الأخذ بالأسباب

بالنسبة لي يا أم باسل أنا ما أحط عيالي عند أي أحد ولافي أي بيت فيه شباب ورجال حتى لو بيت أختي...

ليالي نجد1991 :

انا جالسه أفكر في وقت الولاده ... ماادري وين أحط ولدي 😩 سلفتي نفس العماره بس مدري قلت دراسه ومشغوله احس والواحد يكفيه عياله ، مع انها من اول ماتزوجت اذا جتها الولاده تحط عيالها ٣ عندي لين تطلع من المستشفى وياخذهم ابوهم وقت النوم ... بس مدري شفيني ماحبيت أحط ولدي عندها ، فكرت اقول لأهلي يجون الرياض قبل ولادتي بيوم ويارب تتيسر ويصير جدول أخواتي كويس ماعندهم اختبارات :( ماتتخيلون قد ايش شايله هم 💔

انا جالسه أفكر في وقت الولاده ... ماادري وين أحط ولدي 😩 سلفتي نفس العماره بس مدري قلت دراسه...