أم خالد


أسأل الله العظيم رب العرش العظيم أن يحفظ جنينك في قرار مكين وأن يتم عليك نعمة رؤيته صحيحا سليما معافى
انتبهي يا قلبي لاتفكرين تخرجي للبيت
زوجك الحين ينسق لك مع مستشفى حكومي فيها حضانات ورعاية للأطفال الخدج ويشوف لك إسعاف ينقلونك عليه
أول شي أوصيك فيه الرقيا الحين فورا تضعين يدك اليمنى على بطنك وتقرأين من الجوال سورة البقرة كاملة وتنفثي وتمسحي على بطنك واقرأي على بطنك المعوذات ثلاثا والفاتحة سبعا وآية الكرسي وآخر آيتين من سورة البقرة
والأدعية الثابتة في الرقيا من السنة
https://d1.islamhouse.com/data...


هذا الرابط 👆👆 فيه أنواع للرقيا من القرآن والسنة هناك رقيا موجزة ومتوسطة ومطولة دائما أنا أقرأ الرقيا المتوسطة


أرجوك لاتهملين الرقيا والدعاء بيقين وسورة البقرة فوالله فيها الحفظ والحصن المنيع مع الرعاية الطبية والملاحظة واستودعي الله جنينك في حفظ المولى ورعايته


خاصية ارسال الرسائل عندك على الخاص مغلقة يا أم خالد حاولي تفتحينها من الاعدادات

أميرة
سلامة بنتك فورا الله يسعدك على المستشفى يسوون لها غسيل معدة علشان ما تأثر عليها الأدوية

أنا ولدي برمضان اللي فات كنت مشغولة بالطبخ واستغفلنا الله يهديه أبوه دايم يترك أدويته في مكان غير عالي و شرب دواء أبوه حق القلب وعلى طول وديناه وأصرينا على غسيل المعدة وسووله والحمدلله عدت على خير

أميرة وحكاية الله يسخرلكم أزواجكم ويصلحهم ويهديهم لكم ويريح بالكم بالتوفيق والسعادة

السلام عليكم ورحمة الله وبركاته
أخبااااركم جميعا وحشتوني والله بس انشغلت الفترة الماضية وراح انشغل كمان الايام الجاية ربي ييسر بس قلت اطل عليكم بهالاجازة اشوف اخباركم واتطمن عليكم
اولا ربي يعوض حبيباتي لافندر وموريو العوض الجميل ويجعل اطفالهن شفعاء لهن يوم القيامة .
ام عبدالملك حبيبتي الف سلامة عليك وعلى البيبي لاتخافي والله ان امر ربي وتدبيره ورحمته فوق كلامهم حطي أملك بربي وحده وعليك بالبقرة والدعاء والصدقة وراح تشوفي ان طفلك مافيه الا العافية.
حبيباتي اللي يشكون الضيقة قمورة وام نونا وغيرهم انصحكن بالبقرة واحسان الظن برب العباد ان كل تدبيره لنا خير وش مانمر فيه بهالدنيا هو خير لنا ان مرينا بضغوط وصبرنا لنا اجر وان مرينا بفرح وشكرنا لنا اجر الدنيا دار ممر فالحمدلله دام اهلي واخبابي ونفسي بعافية هذي نعمة من ربي نعجز عن شكرها.
حبيبتي تفاؤل نصيحة أخت خوذي الفلوس وجهزي فيها نواقص بيتك وخليك في بيتك فرزني تعاملي مع اسر منتجة تجيب لك اكلك لمدة شهر مايكلفك ١٥٠٠ ريال، الضيوف حددي لهم يوم يزورونك فيه في بيت اهلك وباقي نفاسك اجلسي فيه في بيتك وترى الحمدلله مايحتاج اذا ولادتك طبيعي انتي تقومي بنفسك بس نظمي ورتبي امورك كلها من الحين بحيث يكون كل شي قريب منك ومفرزنة بعض الاكلات واعتمدي ع المطاعم الشعبية او الاسر المنتجة لو عشرين يوم بعدها خلاص انتي تقومي بنفسك، والضيوف نهائي لاتستقبليهم ببيتك اللي بيزورك قولي في بيت اهلي واكيد بيعطونك خبر مسبق فجهزي نفسك وروحي العصر لاهلك واستقبلي ضيوفك هناك وبس يروحوا ارجعي بيتك. والايام اللي يصير عندك فيها ظرف اعتذري من اللي بيزورك قولي عندي موعد او اي عذر وينتهي الامر ربي يسهل امورك.


حكاية قلب ربي يفرج همك وييسر أمرك اسمك مو غريب علي انتي اللي قلتي ان زوجك معطيك حظر بمواقع التواصل واكتشفتي انه يتابع حسابات وكذا؟؟


توتو ربي يسعدك والله اني احبك وتعجبني ردودك واحسك اختنا الكبيرة😘😘


الله يتم علينا وعليكم بخير يارب ويهون غلينا كل صعب ويسهل امورنا مافيه شي بالدنيا يسوى راحة البال والعافية عشان كذا قد ماتقدر الوحدة تكبر راسها تكبره ولاتدقق بتوافه الامور حتى تمشي الحياة وتتعدل النفسية

اعذروني لا أستطيع قراءة المشاركات السابقة وما أقدر أرد عليها
كنت بحالة نفسية لايعلم فيها إلا الله نوبة اكتئاب وبكاء ووسواس قهري بعد الأشعة والحمدلله لم أيأس من الدعاء ولم أستطع الخروج من هذه الحالة إلا بالرقيا والذكر والدعاء وشرب ماء زمزم والادهان بزيت زيتون قرأت فيه الرقيا عسى الله ينفع به نفسي وجنيني ويكمل نموه ويحسن خلقته وخلقه ..


لاتنسوا جنيني حبيباتي من دعواتكم بظهر الغيب كلما تذكرتم
النفسية لا أستطيع معها الدخول للمنتدى ،، ووقتي مشغول بالقراءة والرقيا والحمدلله حمدا تطيب به النفوس ...