قصتي في الولاده قبل ٩ سنوات وعندي حاليا ولد واحد الله يحفظه ياارب
كملت الشهر التاسع ولافي اي بوادر ولاده ولاطلق وكنت اراجع عند الخاص ،دكتورتي قررت لي طلق صناعي وتنويم ورحت المستشفى تنومت لي يوم ثاني وابتدوا معاي تحاميل طلق صناعي ولين فتح الرحم ٥ سم ودوني غرفه الولاده لين صار ١٠ سم خلاص ولاده وادفع وادفع وادفع واشكال الاللااام ولاراضي يطلع والممرضات حولي ولافي فايده ويحطون لي جهاز الشفط مرتين مافي فايده ويقولون لي احنا نشوف شعر البيبي بس دفعي مااااااااقدر وطبعا حزتها دكتورتي موموجوده لان يوم جمعه الله يسامحها ،
المهم تميت على هالحال لين خلاص قالوا نبض البيبي يقل لازم عمليه قيصريه ويدخلون زوجي يوقع ،
وتمت العمليه القيصريه وانا في العمليه بنج نصفي كنت اسولف معاهم عااادي مع اني خوافه بس حزتها كنت غير وقلت لهم اول ماطلعون البيبي لازم تراووني اياه قالوا لي اوكي ،
فجأه صار صراخ الممرضات يصرخون نادوا الدكتوره بسرعه لان اللي يولدني كانت اللي تحت من الدكتوره ، اللي صار ان راس البيبي منحشر في الحوض وموقادرين يطلعونه 😭😭😭
وانا معاهم في الحدث والاكشن واقولهم بالعدال واقرا المعوذات وخفت صج حزتها بس الحمدلله عقب طلع .
طبعا المفاجأه ان كان وزن ولدي ٤ ومحد كان يدري وحتى يوم نوموني محد سوالي سونار.
الحمدلله ولدي يه بالسلامه لكن وااايد تعبت حزتها وزوجي راح للدكتوره وهزأها على الاخر ويزعم خاص المفروض قيصريه من البدايه ويشوفون وزن البيبي .
طبعا بسبب اللي صار لي من جهاز الشفط صار عندي ارتخاء في عضله عنق الرحم ويوم حملت ثاني مره اجهضت في بدايه الشهر الخامس وماكنت عارفه السبب الا لين دكتورتي حاليا الي اراجع عندها اكتشفت وقررت لي عمليه ربط في هذي الحمله .
وبس كملت القصه.
اي ونسيت اقولكم بعد الولاده تميت ٣ ايام احلم اني اولد واتألم ولين اصحى من النوم اصيح من اللي صارلي لان تبهدلت ..
وطبعا كنت في الحمل اكل الخصر واليابس دهن مقليات فاست فود شوكلت ولايهمني شي وزاد وزني ٢٢ كيلو والنتيجه ولدي زاد وزنه ولاقدرت اولده 💔💔💔
قصتي في الولاده قبل ٩ سنوات وعندي حاليا ولد واحد الله يحفظه ياارب
كملت الشهر التاسع ولافي اي...
انا اخذ حبوب منع
بس سمعت ان في انواع تسبب عصبيه وانواع لا
اذا تشوفين الدكتوره تغيرها لك
وسمعت عن المنع بالابر بس ما اعرف اضرارها