السلام عليكم ورحمة الله
اعذروني ماقدرت أدخل اليومين اللي راحت كانت تعب وخوف وتوتر وبكى وألم والحمدلله في كل حين
وقفوا عني إبر السيولة الكلكسان واقراص الاسبرين اليومين اللي فاتوا ، والمستشفى الحكومي اللي متنومة فيه ماعندهم إبر تثبيت البرولوتون ولا تحاميل مثبتة فقط زادوا لي جرعة الدوفاستون الأقراص أخذت حبتين منها ثلاث مرات باليوم ، والحمدلله ملتزمة سورة البقرة وأشرب موية مذوب فيها نشا ، و الحمدلله استقر الوضع وتوقف سيلان الدم الأحمر بفضل الله ورحمته يارب يجعلني ماشوفه غير بالنفاس على خير ، لكن باقي افرازات دم سوداء بسيطة واليوم رجع علي الاستشاري إبر الكلكسان وقالي استمري ع الكورتيزون والدوفستون المثبت واقطعي الاسبرين حاليا وأجلس تحت الملاحظة لين بكرة يشوفون إذا مارجع نزيف أو حدثت مضاعفات بعد جرعة الابرة المسيلة الكلكسان اللي اليوم لين بكرة إن شاء الله بحول الله يخرجوني بكرة ...
بس اليوم جاني ألم شديد بالمسالك البولية وحصر بالبول وكتبولي مضاد بالوريد وسوولي مزرعة بول أكرمكم الله والله يشفيني ويثبت لي يارب ويفرح نظرتي ويتمم حملي على خير وإياكم جميعا يارب يفرحكم جميعا ويهون عليكم
أول ما استقرت حالتي حبيت أطمنكم خواتي اللي ماجابتهم أمي وربي يجزاكم خير على دعواتكم
والدكتور يقول النزيف اللي جاك إجهاد و قررت ما حاداوم طول فترة الحمل لأن شعور تأنيب الضمير اللي جاني كان صعب جدا والله يابنات اني ممكن كنت سبب في النزيف بروحتي للدوام والشغل والكرف والضغط والدرج بس الله يسهل لي الاجازات يارب مشددين عليها بس ربي يعلم حالي ويسهل لي كل عسير يارب يارب يارب
السلام عليكم ورحمة الله
اعذروني ماقدرت أدخل اليومين اللي راحت كانت تعب وخوف وتوتر وبكى وألم...
اي نكهه تتقبليها