السلام عليكم ورحمة الله وبركاته
صباح التفاؤل والبشاير بإذن الله
كيفكم يا بنات انا اتابعكم من اول مابديتوا كل يوم ادخل واشوف اوضعكم وادعيلكم وادعي لنفسي معاكم لاني نفس وضعك رجعت اجنه مجمدة اليوم 12 من الترجيع
صارت لي مواقف باال12 يوم هذي يعجز لساني عن وصفها صارت أشياء ماهي بالحسبان كنت احسب اني بكون مرتاحه راحه تامه عشان يثبتون بس صار العكس مرتحت المواقف الي صارت اول شي؟
1_انا رجعت الاجنه في مصر ولما جينا نرجع السعوديه اضطرينا نرجع 2 يوم فاليل من الترجيع امنا باالله وتوكلنا ورحنا وحجزنا رحنا للمطار قبل الرحله بساعتين وقدر الله تتأجل رحلتنا من عندهم من الساعه 12 إلى 4 الفجر وانا كله جالسه بالمطار (الحمدلله )
ارتحت اليوم 3 و 4 و 5 راحه تامه
2_تعب ولدي علي من 6يوم الترجيع وشلت هم الدنيا ونسيت نفسي واظطريت اسافر فيه إلى مدنيه 300كيلو لاني في قريه ولا في مستشفيات
ورحت المدينه و3 مستشفيات وحالتي حاله وتنومت عليه نص يوم والحمدلله هذا الكلام إلى اليوم 10من الترجيع والحمدالله طاب
ارتحت يوم ال11 و
واليوم كان ال12 من الترجيع حللت تحليل منزلي
وطلع لي خطين ماشاء الله تبارك الله واللهم لك الحمد والشكر
كلامي هذا مو عشان تسوون زيي وتتعبون أنفسكم بالعكس عليكم بالراحه التامه انا صراحه كنت شايله هم والحمدلله كان إيماني باالله كبير انها راح تنجح وإذا الله ارد لها أنها تثبت راح تثبت
قلت هالكلام عشان تعرفون قدرة الله وأنه أمره بين الكاف والنون إذا ارد شي قال له كن فيكون
اول مارجعو لي اجنتي وانا باالمستشفى استودعتها الله وقريت عليها سورة البقره كامله ودعيت الله يثبتهم
كنت يوميا أقر سورة البقره لو 10 صفحات
بخصوص الأكل والأعراض
الأكل كنت محتجبه عن أي شي اعرفه ضار للجسم والحامل
أكثر شي كنت أكله بيض وخيار ورز بحليب بدون بهارات ولا شي
اشرب ماء وحليب ولبن وعصير برتقال وتفاح
الحليب مره كثرت منه
الأعراض ولا حسيت بشي غير ألم الظهر فقط لا غير لا دم ولا إفرازات ولا غثيان
لالا صح قلبت علي بطني وحسيت اني برجع مره وحده بس شعور لمدة 10 دقايق فاليوم التاسع بس
هو أكثر شي ذبحني ألم الظهر والى اللان
الله يفرحكم زي مافرحت
ملوك فيصل قبل فتره قلتي انك بديتي توسوسين انو اجنتك من الدرجه الثانيه شوفي انا ماشاءالله تبارك الله مجمده ومن الدرجه الثاني والحمدالله ي رب
شموعي لا تدققين باالاعراض راح تتعبين خلي عندك امل كبير اعتبري نفسك حامل تصدقين انو انا جلست احسب متى ولادتي وانا كنت لسى ماحللت
ربي عز وجل يقول انا عند حسن ظن عبدي بي
حبيت اعطيكم امل وتفاول واعذوني إذا كثرت هرج عليكم
دعواتكم لي انهم يثبتون كلهم واجيب احلى توائم لاني خلاص ولا افكر ارجع اسوي مره ثانيه
يارب تباركلي فيهم وثبتهم ياذو الجلال والإكرام
السلام عليكم ورحمة الله وبركاته
صباح التفاؤل والبشاير بإذن الله
كيفكم يا بنات انا اتابعكم من...
صلاتي سعادتي لا تدققين باالاعراض فكري انك حامل وحسبي موعد ولادتك فكري وش راح تسمينه أو تسمينها فكري بغرفة الاستقبال
انا كذا كنت لدرجة عرفت موعد ولادتي وسميته وكل شي وانا ماحللت😅 اللهم لك الحمدالله
تصدقين من قوة ثقتي بالله انو راح أحمل ألغيت بعض الأشياء من حياتي لأنها توافق ولادتي 😊
ليش اقولك واقول للبنات لا تفكرون باالاعراض
اول شي اذا دققتي خلاص يومك كله هاه حامل ولالا هاه ثبت ولالا وهذا تفكيري سلبي وتتعب نفسيتك وتتاثر هرموناتك
ثاني شي الحمل ماتظهر أعراضه إلا بعد الشهر الأول وحنا نعتبر بالشهر الأول
الله يرزقكم جمعيا ويفرحكم ويقر عيونكم بااطفالكم بااكمل صحه