ماشاء الله تبارك الله ربي يحفظ لكم عيالكم ويعينا واياكم على تربيتهم خير تربيه على البر والصلاح والهدايه ويسخر لنا ازواجنا جميعاً


انا بالنسبه لي من اول ماتزوجنا وزوجي يتمنى نجيب عشر عيال!!
لكن بامر الله حصل تأخير واجهاض وولادة مبكره وماجبت ولدي الا بعد سبع سنوات وحملي كله نزيف وربط وبعد عن زوجي وبيتي وغربه وبعد ماولدت بالسلامه امتلت عيني وعينه وتغيرت حياتنا وحمد ربه الف مره انه قدر يشوف لو طفل واحد فَ خلاه يغير تفكيره وخلاني اخذ المانع سنتين ونص وحملت الحمدلله بعد ست شهور بحملي هذا بنفس التعب الاول نزيف وربط وغربه والحمدلله على كل حال


وبرضوا راح اخذ المانع هالمره ثلاث سنوات وبعدها ربي يرزقنا بالعدد اللي كاتبه لنا والحمدلله العمر قدام واللي يجرب التربيه والتعب والمصروف يتغير كلامه خاصه ان كل حاله تختلف عن غيرها بعضهم مايتعب لابحمل ولايحرص على التربيه لذلك تجيب واحد ورا واحد وتعدم صحتها وبيتها وتنفر زوجها وهي ماتحس


لكن الله يرزقنا وازواجنا الرضى ويرزقنا شكر النعمه ويعينا على تربيتهم ورعايتهم على اكمل وجه خاصه بهالزمن وهالوقت التربيه صعبه وتخوف ويبي لها ثقافه وقرايه وعلم كامل والله يعين الجميع

حلوه ومغروره .. سلامتك ياقلبي والنغزات طبيعيه جدا من الربط لان الرحم يتمدد ويصير الشد عليه اكثر بس اذا فيه افرازات لها ريحه او حمه هذي ممكن تكون التهاب !
وطمنيني عليك عسى خفت عنك الحين

توليب .. سلامتك من المغص والاسهال اكيد اكله شي مونطيف من مطعم او شي
اشربي الحليب مطهر للمعده وابعدي عن الدسم وطمنينا عليك عساك احسن الحين

كيك .. ولدي الحين عمره ثلاث سنوات وثلاث شهور واذا ولدت بيصير ثلاث وسبع شهور وهي مرحلة الغيره خلاص طالع قلبه 😥
بس من الحين احاول اقنعه ان البيبي له وهو اللي بيرضعه ويهتم فيه وينام عنده بس عشان يحس انه مميز عن اطفالنا الثانيين وكأن البيبي هديه خاصه له
بس ولدك اتوقع صغير مايمديه يعرف ولسى ما استوعب بس لازم تنتبهين له لايسحبه ولا يحط شي بفمه او يأذي عينه لانه بيحسبه لعبه له 😅

وردة الساقي .. هلا وغلا حياك الله
اتوقع قصدها ان الرحم صغير بس ان شاء الله مو خطير خاصه انه مو اول حمل الحمدلله
طمنيني على مراجعتك عرفتي جنس البيبي ؟