الف مبرووك التجمع الجديد
قريت اخباركم لين دخت ووقفت ههههههه
هايدي انا اشوف قماطين كفايه وبيجيك هدايا وغالبا عيالي مايوسخونها بس الملابس يبغالك 5 غيارات
مبرووك اللي عرفو نوع الجنين

فروحه يما لما قلتي بني كثير انخرشت بس لاتخافي اعتبريه مب موجوده مدامه خارجي ويمكن من الضحك😂😂عساها دوم ان شاءالله
وبعدين فعلا دكتورتك غريبه المثبت ماله اي ضرر يعني هو يفيد ويرخي الرحم بس مادري عنها انتي توكلي على الله يالله انها هانت علينا جميعا

الف سلامه عليك
ماعندي علم به ان شاء الله البنات يفيدونك
بس لاتهملي الكحه خاصه مع الربط الله يعينك ويرفع عنك 💜

روح حبيتي انا هالفتره من دخلت السادس زادت علي الافرازت بشكل ملحوظ وافرازات مائيه احيانا تكون كثيره واحيانا عادي
بس قريت بالنت انه كل ماتقدم الحمل تزيد الافرازات وان شاءالله بموعدي الجاي بطمن وبخبر دكتورتي بشوف شو بتقولي

حلوه ومغروره
ياقلبي انتي تدرين دخلت على الدكتورة وانا متحروله يالله امشي وماسكه كرشتي تقولي وش فيك قلت كذا وكذا بعد ماشيكت بالسونار قالت عيشي حياتك طبيعي اقولها السياره قالت ماعليك اللي نزل منك مهو من الجنين من تحت وشيكت على كل شي قالت لاتسوين مجهود بس لكن ماقالت انسدحي ولاتحركين بالعكس قالت امشي وتحركي بس بهدوء وسألتها عن المشيمه قلت يمكن منها قالت لا ترى المستشفى اللي اتابع فيه اللي هو مستشفى ارامكو عندهم شي طبيعي ومايخوف ان الوحده ينزل معها افرازات زي كذا تقول من اعراض الحمل عادي ومهو اول مره نفس الشي لما كنت حامل بولدي الثاني اجيها منهاره اقولها معي دم تقولي عادي مافي مغص ولا الم ظهر والجنين كويس لاتخافين بينما لما كنت عند اهلي بمستشفيات هناك يخوفوني انه انذار وانتبهي تخيلي حتى الطياره قالت لي اخاف عليك منها فالدكاتره والاطباء يختلفون بالنسبه للمثبت قالت اتركيه اثبتت انه ماله فعاليه بس كذا هرمون مايضر ولايفيد لكن انا بكمل عليه لين نهايه الرابع ولا عطتني ابرة ولا شي
/
ملك
والله ماسويت اي مجهود وحتى طبخ ونفخ للحين ماشريت مقاضي للبيت كل اكلنا من برا اذا طبخت توست بالحماصه ولاانظف ولا شي بس اللي قلت لكم ضحكت بقوه وشديت على بطني
/
ام فطومه مهو كثير بس مختلط بالافرازات واكثر من قبل اسبوع كان خيوط قبل اسبوع هالمره اكثر شوي
وهي ماقالت يضر تقول مالي اي تأثير عليك عادي تبين تكملين ومرتاحه كملي ماتبين براحتك
/
نادين
والله مثلك مستغربه وترى مهو دكتوره وحده ثلاث مرو علي بنفس المستشفى كلهم نفس الكلام ان الدفستون ماله اي فعاليه اقولها يوقف الدم عندي تقولي طيب ليش ماوقفه الحين
وعلى فكره رأيهم ماتغير من اربع سنوات لما كنت حامل بولدي اول كانت تقول الدفستون مايسوي شي بس انا مكمله عليه ان شاء الله ماراح اتركه
/
روح
لاتخافين من الافرازات طبيعيه انا دايم احس برطوبه مويا صافيه مافيها مخاط وكذا مره اشيك على مويا الجنين طبيعيه