هيفاءوالمستخبي :

مبروك صدفه الله يطرح فيه البركه ويثبته يارب بنات اليوم كنت عند الدكتوره وجلست جمبي وحده تبكي قعدت اهديها وقالتلي قصتها تقول شهر واحدهجري سوت حقن مجهري وفالسحب ماحصلو بويضات كلها اكياس فارغه تقول انتظرت الدوره ماجت حللت وطلعت حامل راحت تسوي سونار مافي شي بالرحم طلعت حامل خارج الرحم فالانبوب واعطوها ابر الكيماوي اللي تفتت الحمل وتقول جلسو يتابعون معي الهرمون فتره الى ان صار ١٩ وخلاص وتقول جلست ثلاث شهور كل ماجا موعد الدوره احلل سلبي مافيه حمل المهم سوت هالشهر من جديد حقن مجهري وفالسحب برضو ماحصلو ولا بويضه وتقول جاني نزيف شديد بعد السحب  وحللت دم بعد السحب بأسبوع فقط وطلعت حامل والنسبه جدا مرتفعه فوق العشر الالف سوولها سونار اكثر من مره مافي حمل لابالرحم ولابالانابييب   المهم نادوني دوري انا عند الدكتوره وسالتها عن البنت هذي ووش سالفتها وكيف كذا الدكتوره عيونها طايره تقول انا ماادري وش جالس يصير ولاقد مر علي زي حالتها تقول اتوقع ان الحمل فالبطن او الامعاء وحولتها الدكتوره عالحكومي تحويل طاريء يسوونلها فتح بطن ويدورون مكان هالحمل لن ماعندها تامين وعمليتها مكلفه الدكتوره تتوقع انه نفس الحمل للقديم مااننتهى اصلا ورجع غرس نفسه في مكان ثاني يالله قد ايش رحمتها وحمدت ربي عالعافيه 

مبروك صدفه الله يطرح فيه البركه ويثبته يارب بنات اليوم كنت عند الدكتوره وجلست جمبي وحده تبكي قعدت...

ترد الروح :

صباح الخير لأمهات وحوامل المستقبل القريب وانا اقرا بدايه الردود ماشاء الله الاغلب اسماء جديده بس حبيت ابشركم للي يذكروني واللي مايعرفوني بعد 😂 تاخذو جرعه تفائل وأمل ولدت بالسلامه قبل كم يوم وجبت ولد عن طريق فحص الكروموسومات وحددت الجنس اللهم لك الحمد والشكر على تمام النعم الولاده والطلق شي لايطاق من الآلم لدرجه وقت الولاده قلت انا ايش خلاني احمل 😭 ابي اموت وارتاح من الآلم وزوجي يقول استغفري 💔 مدري لان طلق الولد كان احر من طلق البنت بالنسبه لي بس سبحانه الله اللي يخلينا ننساه ونرجع نبي نحمل بعد كم فتره زوجي يقول بعدين بترجعي تقولي تبين تحملين بعد هالألم قلت له في طريقه ثانيه تجيب لي عيال بدون هالألم والتعب؟ انا مجبوره اتحمل الم العلاج والابر وغرف العمليات وبعد زياده الولاده لو في حل ثاني ركضت له بس ربي ممتحنا فيها الحمدلله على كل حال مابعد الضيق الا الفرح هذا اول ولد اجيبه بعد انتظار اكثر من ١٠ سنوات عقبالكم جميعا يارب تكونو امهات هذه السنه الله لايحرم احد هذه النعمه والأجر

صباح الخير لأمهات وحوامل المستقبل القريب وانا اقرا بدايه الردود ماشاء الله الاغلب اسماء جديده...

يمرني طاريك :

فيني غصة في قلبي وادري محد بيحس فيني من البشر مثلكم حمدلله على كل حال اليوم سادس يوم ترجيع وحللت منزلي بأكثر من جهاز وطلع سلبي والحمدلله على كل حال.. لان المرات اللي كان يصير فيها حمل واجهض يبين عندي سادس يوم الحمل لكن قدر الله وما شاء فعل.. ما ادري هل العملية فشلت بسبب الكورونا اللي جتني ع طول بعد الترجيع او في سبب ثاني.. جنيني كان ممتاز ومفحوص فحص شامل وكل شي كان تمام لكن ربي عزوجل له حكمه حزينه وقلبي مكسور.. جسمي كله كدمات وآلام من ابر التثبيت والسيوله ومو قادره اتحمل اكمل عليهم بعد ما حللت.. استغفر الله العظيم احيانا يجيني يأس واقول خلاص انا ليش قاعده احاول ونهاية الطريق إجهاض او فشل.. مشاعري ملخبطه وزوجي للأسف ما يحس فيني ولا عندي من يساندني بعد الله غيركم.. احساس الفشل جدا مؤلم بكل ما تحمله الكلمه من معنى

فيني غصة في قلبي وادري محد بيحس فيني من البشر مثلكم حمدلله على كل حال اليوم سادس يوم ترجيع وحللت...