مو شرط انه ثلاثه منشطات تصير نادرا
دكتوري قال لي ابدا لاتجيبين طاري انه حقن ولا انك اخذتي منشطات طبعا دكتورس متعاون لابعد حد الحمدلله حتى بالمستشفى نفسه اللي هو فيه قال لاتقولين لهم

بنات ترا فيه فرق بين المستشفيات الحكومية و بين مستشفيات العسكرية ، المستشفيات العسكرية صحيح حكوميه بس فرررررق عن المستشفيات الحكومية العاديه .. لان المستشفيات العسكرية كل الي فيه استشاريين كبار و حتى الممرضات يجيبون افضل شي لانه مستشفى للعسكر و عوائلهم و يهتمون فيهم اكثر ..
اما المستشفيات الحكومية الثانيه للاسف مافيه دكاتره صاحين و حتى الممرضات حدث ولا حرج مافيه خبره و إهمال مو طبيعي و حتى حضانات اطفال مايجي فيها اهتمام و تعقيم و هالشيء ضروري لنا لان بنولدهم بدري و يحتاجون رعاية و مكان نضيف ..
عشان كذا الي عندها تأمين تروح خاص ولا تفكر تروح لحكومي الا اذا كان مستشفى عسكري ..
بالنسبة لتأمين فعلا بعضهم مايغطي الا بعد سنه بس بعضها اذا صار قوي يغطي على طول .. اخذوا اعلى فئه و بيغطي على طول و انبسطوا بالخدمات 👍🏼

الله يحفظكم ويحفظ أجنتك ويرزقكم ولادة ميسرة وأطفال بصحة وسلامة يارب


بالنسبة للحركة حسب وضعهم ببطنك
لو كانت رجولهم ويدهم متجهه على ظهرك فأنتي ما راح تحسي بالحركة كويس
فلا توسوسي دامك تشوفي بالسونار امورهم طيبة فالحمدلله
بالنسبة لي اطفالي الي قبل من بداية الرابع احس بالحركة وتوقعت حمل التوأم احس قبل لكن الي حصل اني تاخرت في الاحساس
كمان ما كنت اميز مين يتحرك فيهم الا نادرا واكون فاهمة بعد السونار لاني شفت وضعيتهم فخلاص اعرف لكن او ما تتغير وضعيتهم ما صرت اميز
وحركتهم بالنسبة لي اشوفها اضعف من حملي السابق يمكن لانهم اغلب وضعهم متجهين للظهر
فالحركة ووصفها واحساسها يختلف من وحدة لوحدة اهم شي انك تتابعي مع المستشفى وامورهم طيبة فالحمدلله


المشيمة كثير يسألوا عنها
انا من بداية حملهم كانت تبين مشيمة وحدة كبيرة
فهي التصقت من بداية الحمل لان البويضتين جنب بعض فالتصقت المشيمتين مبكر
لما عملوا سونار تفصيلي اتضح لهم ان فيه خط فاصل بين المشيمتين
وفعلا لما ولدت كانت مشيمتين
والغالب تلتصق المشيمتين في المراحل المتقدمة للحمل لانه يكبر حجمها فتقرب من بعض وتلتصق
فالموضوع طبيعي ومافيه اي مشكلة ..


المستشفى الحكومي افضل اذا تيسر لكم
انا كمان تابعت فيه وكان فيه اهتمام ورعاية حتى السونار الرباعي عملوه فالحمدلله على النعمة


ان شاء الله احاول زي الغالية لوز 😍 اجتهد في مشاركتكم تجربتي والله ينفعكم بتجربتنا ويبارك لنا ولكم

الله يسعدكم ويجزاكم خير ياليت الي ولدو يقولون باي مستشفى راجعو وولدو وكيف الحضانه والدكاتره انا كنت اولد بمستشفى خالدالجامعي حلو هو بصراحه والممرضات عسل بس اخرولاده ولدونا حقين تطبيق وحلفا ماعاد اولد فيه طيب وش رايكم في مستشفى العسكري الرياض حلو مشكلتي مافتحت ملف

بنات تتوقعون حمل التوام مايكملون التاسع لان اخت زوجي تقولي بتولدين بثامن انا ولاداتي السابقه كلها قيصري