والله مااعرف كيف عرفت بس ع الاغلب هيا جالسه ترمي اقتراحات ومارست على بر بس عشان تقول سرقوا افكاري وفنهايه ماحتسوي شي اصلن دام دا هرجها
حبيبتي السابع حفله للاهل والاقارب ونسوي فيها عقيقة البيبي ونغني الاغاني الشعبيه حق اهل اول كلنا مع بعض"يادايا هري هري ""حالم بالم""اسمع كلام امك ولاتسمع كلام مدري مين "ونجيب الهوند وندق وكمان نحط البيبي فالغربال زي فالافلام المصريه في ناس تسويها فبيوتهم ويعزمو الحبايب وعشاء وخلاص وهذا انا ماني ضده لانو فالحالتين العقيقه مسويتها مسويتها فليش مااعزم ،وفي ناس تبالغ وتتكلف ويعملوه فقاعات حفلات وكدا وصراحه هيا حلوه ومررره بسطه ومو كل الناس تعرفها بعض اهل الحجاز يعملوها على حد علمي
افتكر اول ماتزوجت حضرت سابع اول مره لولد عم زوجي عملوها فقاعه صغيره ومطربه وانزفت الام والاب والجد ومررره كان اوووووفر، انا عن نفسي لو سويتها بعملها فستراحه لانو بيتي صغير وبعزم اهلي وحبايبي المقربين فقط ولوحصلت مطربه رخيصه بجيبها تونسنا هههههههه
والله مااعرف كيف عرفت بس ع الاغلب هيا جالسه ترمي اقتراحات ومارست على بر بس عشان تقول سرقوا...
عطشانه احنا مثل اهل زوجك لازم السابع لو مختصر في بيت العيله
انا مره أحب أسويه بدون مبالغه عشان هو فرحه للاطفال مررررره ينبسطوا لمن يكون عندنا سابع ويقعدوا يحسبوا الايام لين يجي ذاك اليوم
نسوي فيه مثل ماقلتي ونزيد عليه ( غربلوا ) ونجيب توزيعات للكبار واشياء فرايحيه للصغار ومع الاناشيد واحيان مسابقات معاها للصغار والكبار وهدايا تصير ليله ولا أحلى
وفيه بعض لا ماعندهم شي غير كم أنشودة يشغلونها ويرقصون الاطفال عليها
وأمي الله يحفظها لي هي كبيرة العيله ودايم تخطط للسوابع ومن الحين قاعدة تجمع لي أفكار الله يسعدها وتكتب شعر في النونو الجديد وتتعزل فيه فديتها الغاليه
يعني الكل يطلع مبسوط وسعيد ودايم يوصون البعيدين قبل القريبين لا صار عندكم سابع علمونا من بدري نستعد له
وفيه نقطة ايجابية فيه ناس ماتقدر تجي تزور بدري فيتجمعون في ذاك اليوم بدل ما كل شوي زوار وقت النفا