ياعمري عليها الله يخليها لك صادقه امك روحي اسبوع ولا اتنين وارجعي لبيتك بعدها وبنتك ابوها او احد من اهلك يوديها المدرسه والمذاكره حق الروضه لعب حتى لو غابت عادي
انا امي اول ماحملت كانت تقولي اولدي فبيتك احسلك لانها تشيل هم الضيوف وتتعب وهي تخدم وتحوس فالمطبخ مع انو في شغالات بس مرره تبالغ ودحين لما شافتني معزمه اولد فبيتي عشان بنتي عندها مدرسه وكمان احس انو اريحلي حنت علي وتحاول معي اجلس عندها لو اسبوعين تقولي تونسيني شويا
المره اللي راحت ولدت عندها واغلب اهل زوجي جوني فالمستشفى بس لانو البيبي اتوفى بس الان اذا ربي كتبلي وجا ولدي بسلامه ان شاءالله حيجو فالمستشفى والبيت وانا ماابغى اتعب امي واشيلها هم وقروشة الضيوف
الله يتمملي حملي ويرزقني شوفته بصحه وعافيه يااااااااارب
ياعمري عليها الله يخليها لك صادقه امك روحي اسبوع ولا اتنين وارجعي لبيتك بعدها وبنتك ابوها او احد...
بس تطول وتتعب في ولادتها اكثر الطلق يستهلك الطاقه والمستشفيات مايسمحون للوحده تاكل او تشرب يخافون تتحول لقيصري فيخلونها مستعده وزود عليها يعطونها المحلول او التحميله اللي تفرغ البطن .☹
الولاده الثانيه والثالثه يطنشوننا شويه لانهم يتوقعون ان الوحده خلاص عارفه السواليف حقت الولاده .. فمايبون يشوفونها تتدلع وتتوجع عليهم .😆
ياحليلها جارتنا ماشاء الله عليها هي اللي عارفه لهم صح 😂،، اذا حست ماباقي الا شوي على الولاده تروح للمطعم وتطلب دجاجه مشويه .. وتوقف بجنب المستشفى وتاكلها 🍗.. ثم تنزل لهم مايمديها تدخل الا ماشاء الله والده . 😁👍