بنات من دخلت السادس وانا احس بضغط في الحجاب الحاجز منو تحس مثلي

أنا وذبحتني الكتمه .. 😢

الحمدلله ع كل حال

ياربي كلما جلست في موضوع التجمع صار لي شي يشغلني عن الكتابه ثم افقد الذاكره تماما اني ماكتبت فيه شي .😐
حالة نسيان فظيعه .😭


شويقان
الحمدلله على سلامة اختك ومبروك ماجابت.🎉
والله الولاده الطبيعيه نعمه من ربي الله يديمها عليها .


نجمه
ملابس سنتربوينت نكرف ابوها ونتوارثها بعد ،، ولاتتغير ولاتتمدد .👍🏻
اللي يتغير هي ملابس سيتي ماكس وبعض الملابس من ريد تاق .🙄
فكرة الاخت رفيعة الراس حلوة مره تصوري السرير اللي يعجبك وتخلي زوجك بعدين يشيك اذا شمله العرض وياخذه لوحده بعدين ،،
وملابس المواليد نصيحه لاتكثري منها خصوصا انك بتاخذي محايد خذي من عندهم ملابس الطلعات بعدين تكشخو بها بالعافيه .
اذا تبين الملابس العاديه حقت الطفل فالهرم والله مايقصر .. عندهم اشياء حلوة وخامتها ممتازة وسعر ولا احلى .😁


مدلعه نفسي
خذي حبوب الكالسيوم اذا كسرتيها بالنص ولفي عليها قطعة تمر او دخليها بقطعة موز صغيرة وابلعيها بتكون اسهل بكثير في البلع .
او اذا حاولتي تبلعيها لحالها لاتشربي معها مويه كثير راح تلزق بسقف الحلق او تبدا تذوب بالفم ثم تتورطي بها .


روزالين
الحمدلله على كل حال .
الحياه تجارب ويتعلم منها الواحد مع الوقت ،، فيه دروس تاخذيها مايعلمك عنها احد .
الناس مو كل قلوبهم سوا وماتدرين ايش فيها من غبطه او زعل .😟
ومبروك على عودة خشمك لوضعه الطبيعي .😂


سفانا
مرحبا فيك .
ماتشوفين شر من هالالتهابات .
حاولي قد ماتقدري تتجنبي هالحمامات او تاخذي احتياطك بالغلافات اللي تباع في الصيدليه ، او تمسحي الكرسي بمحلول الكحول .
وايضا لاتعالجي نفسك فقط ، احيانا الالتهاب ينتقل للزوج خصوصا الفطريه ، ثم اذا تعالجتي منها ترجع لك منه . ويدور عليكم الالتهاب وماتدرين ليش .


اوس2009
اسماء البنات توجع الراس ،،وكل واحد بيعطيك الاسم اللي يعجبه هو .
فانتي خليك مستمعه فقط لاتتاثري بقرارهم للاسم ،، اسمعي اللي يعجبك وسجليه بمذكره بالجوال .
وجمعي لك مجموعه طيبه وتناقشي انتي وزوجك او احد قريب منك على اختيار واحد منها .

لو تتركي الموضوع للاخير او بعد الولاده راح تعاني اكثر واكثر وتزيد الاقتراحات ووجع الراس 😔



برنسيسه ديفا
ماتشوفين شر والله يهون ويسهل عليك .
بنات المدارس مره مره صعبات .
كلما زادت السنين كلما كان تدريسهم اصعب .
ما اتذكر جيلنا او جيل اللي قبلنا بهالصعوبه في التعامل .
مدري هو التفتح الزايد او عارفين مافيه ذيك الصرامه في العقوبه .
الله يستر على بناتنا وعيالنا ويحفظهم من كان فيه شر .


حبيبة امها
عن نفسي عاجبني اسم حور كثييير ،، وكنت مخليته بقائمة الاسماء اللي تعجبني قبل ما اعرف النوع .
لكن لاتستعجلي في اتخاذ القرار لسى باقي عندك وقت ، شوفي هنا وهناك يمكن تلاقي شي يعجبك اكثر .


اتين
خلاص لاعاد تحاولي مع زوجك تقنعيه يغير رايه بنوع الجنين .. خصوصا يقول عندي احساس ومتامل كثير .
لانك راح تتعبي نفسيا بانكاره .
خليك مع المحايد في المقاضي لاتاخذي لا زهري ولا ازرق ،، خصوصا ان الشهور الاولى الطفل يبي بس شي يلبسه واحيانا تغيري له باليوم كذا مره .
واللبس السنع والكشخه يكون بعدين لما يكون متفاعل مع الناس او لما تطلعي من الاربعين بالسلامه وتاخذي شي يناسب نوعه والجو .



الى الان ماقضيت ولاشي واللي يمنعني هو المغص والتحجر المتعب .

ان شاء الله بروح موعدي ونشوف ايش تقول الدكتورة .

اعتقد انه الاسبوع الجاي والله ناسيه كالعاده .😅😂

ضوء حلم .. الله المستعان كلنا النسيان لاعب فينا ..


الحمدلله خفيت من الالتهاب وجاني امساااك وانتم بكرامه لعب فيني مع اني اشرب واكل برتقال وكذا ودايم بولادتي يجيني شرخ اتعب منه الاسبوعين الاولى ويبدا يخف بس اقعد معاناه كم شهر ...
Ateen
زوجك نفس زوجي للحين يحس ان الي ببطني بنت 😂😂لانه ما راح معي للسونار واقوله والله شفت بعيني وعرفت حتى قبل تقول الدكتوره انه ولد وباقي مأمل عاد الي يجي من الله بنفرح فيه ....

شويقان .. الف الف الحمدالله على سلامة اختك
ومبروك ماجابت .. عقبالنا كلنا نولد ونفرح ياااارب
برنسيسة .. ههههههههههه قلبي انتِ خذي راحتك المهم انك طيبة وبخير وربي يعينك عالدوام وييسر أمورك وتكملين. شهورك بخير وعافية انتِ وجعبه 🙏🏻💙💙
ام سلطان ونجمة .. رحت المشفى وخبرت الدكتورة باللي صار وعلى طول قالت لازم سونار وسوت لي تحليل بول الله يعزكم ، ودكتورة السونار سألتني
تشوفين بلل بسيط والا إندفاع وقت نزول الموية ؟
قلت لها مرتين جاني اندفاع لدرجة اني اضطر أغير ملابسي
والحين مع الوقت اشوف مويات خفيفة
بعد السونار قالت لي الموية حاليًا بالمستوى الطبيعي بس انتبهييييي انتبهي لو استمر هذا الوضع لاتهملي نفسك وتابعي على طول حتى مانوصل لمرحلة مو كويسة بس ماجابت لي طاري ان هذا ممكن يكون إلتهاب لا هي ولا الدكتورة نفسها !!
بس تدرون .. أنا قلبي متطمن وعندي ثقة بالله وهذا أهم شيء وان شاء الله مافيني الا العافية
وأموري حاليًا تمام بس بكرة بروح اشوف نتايج التحليل .
والبنات اللي يعانون من الشد ..
كان يجيني شد وقت النوم فقط في ساقي لما كنت حامل ببنتي والله إني ابكي من الوجع واسوي زلزال بالسرير لين يفك الشد مني
لكن بحملي هذا حرصت على نفسي وصرت اسوي رياضة وتمارين للرجلين وماجاني شد ولا شيء .. اصلا انا مرعوبه من الشد واسوي رياضة لهذا السبب اكررهه يخوفني ويوترني
وإذا على الكتمة وضيقة الصدر
اااه بس فجأة بدون مقدمات انكتتتتتتم والله ماعاد اقدر اتنفس وفجأة تروح مني واحس الحياة ترجع لي 😢💙💙💙
قولوني يشد ويخف علي من فترة لفترة
اتوقع الشهور الأخيرة عذابها مثل الشهور الأولى اللهم اللي زيادة عليه هو الثقل 😭💔
يارب تهون علينا جميعًا
كنا مبسوطين من نص الرابع للسادس بس خلاص خلصنا من شهور عسل الحمل زي مايسمونها خخخخخ