Rozaleen_22 :

والله الحمل والهرمونات لها دور كبير بنفسياتتا فيه اشياء تصير بالاوقات العادية ماتزعلني وهذه الفترة مررره يحز بخاطري يعني تخيلي موقف تافه جدًا .. لما اروح عندهم اشغل المكيف ويبردون بالذات هالفترة الجو متحسن مرره عاد محد يطفيه من اخواني علشان يدرون اني انكتم حتى لما اوصل اول مايشوفوني ويكون التكييف طافي يشغلونه على طوووول وتجي أمي تقول الله يعينا بسس لين ماتولدين والله انها ماتقصد و تقولها عادي وهي تضحك بس أنا ازززززززعل واقول لها ما ازوركم الا مره او مرتين بالاسبوع وكل اللي اقعده ساعتين وتقولين الله يعينا !! علشان مكيف شدعوه يمه واقلب وجهي وأنفس عليهم واتصل على زوجي ويجي واروح شقتي حالتي صعبه مرررره انا اعترف بالذات من امي لأني احبها على طول ازعل ههههههههههههههههه واختي تقول الحمل الحمل عامل عمايله هااا هم عارفين كل شيء ويحكوا لي اخواني بعدين ان ابوي حبيبي يعصب عليهم يقول لحد يزعلها خلوها براحتها ان شاء الله نتجمد

والله الحمل والهرمونات لها دور كبير بنفسياتتا فيه اشياء تصير بالاوقات العادية ماتزعلني وهذه...

نوريتاا :

بنات من دخلت السادس وانا احس بضغط في الحجاب الحاجز منو تحس مثلي

بنات من دخلت السادس وانا احس بضغط في الحجاب الحاجز منو تحس مثلي

Rozaleen_22 :

شويقان .. الف الف الحمدالله على سلامة اختك ومبروك ماجابت .. عقبالنا كلنا نولد ونفرح ياااارب برنسيسة .. ههههههههههه قلبي انتِ خذي راحتك المهم انك طيبة وبخير وربي يعينك عالدوام وييسر أمورك وتكملين. شهورك بخير وعافية انتِ وجعبه 🙏🏻💙💙 ام سلطان ونجمة .. رحت المشفى وخبرت الدكتورة باللي صار وعلى طول قالت لازم سونار وسوت لي تحليل بول الله يعزكم ، ودكتورة السونار سألتني تشوفين بلل بسيط والا إندفاع وقت نزول الموية ؟ قلت لها مرتين جاني اندفاع لدرجة اني اضطر أغير ملابسي والحين مع الوقت اشوف مويات خفيفة بعد السونار قالت لي الموية حاليًا بالمستوى الطبيعي بس انتبهييييي انتبهي لو استمر هذا الوضع لاتهملي نفسك وتابعي على طول حتى مانوصل لمرحلة مو كويسة بس ماجابت لي طاري ان هذا ممكن يكون إلتهاب لا هي ولا الدكتورة نفسها !! بس تدرون .. أنا قلبي متطمن وعندي ثقة بالله وهذا أهم شيء وان شاء الله مافيني الا العافية وأموري حاليًا تمام بس بكرة بروح اشوف نتايج التحليل . والبنات اللي يعانون من الشد .. كان يجيني شد وقت النوم فقط في ساقي لما كنت حامل ببنتي والله إني ابكي من الوجع واسوي زلزال بالسرير لين يفك الشد مني لكن بحملي هذا حرصت على نفسي وصرت اسوي رياضة وتمارين للرجلين وماجاني شد ولا شيء .. اصلا انا مرعوبه من الشد واسوي رياضة لهذا السبب اكررهه يخوفني ويوترني وإذا على الكتمة وضيقة الصدر اااه بس فجأة بدون مقدمات انكتتتتتتم والله ماعاد اقدر اتنفس وفجأة تروح مني واحس الحياة ترجع لي 😢💙💙💙 قولوني يشد ويخف علي من فترة لفترة اتوقع الشهور الأخيرة عذابها مثل الشهور الأولى اللهم اللي زيادة عليه هو الثقل 😭💔 يارب تهون علينا جميعًا كنا مبسوطين من نص الرابع للسادس بس خلاص خلصنا من شهور عسل الحمل زي مايسمونها خخخخخ

شويقان .. الف الف الحمدالله على سلامة اختك ومبروك ماجابت .. عقبالنا كلنا نولد ونفرح...

Rozaleen_22 :

ابشركم قبل البارح طلعنا نتمشى بالسيارة وفجأة مرينا ع محل طابا إلا وانا اصرخ صووووت وقف وقف وقف والرجال انخرع وش صاير ؟ قلت له هذا طابا اللي قالوا لي عنه البنات خل ننزل يللا .. اول مره اشوووف المحل!! وهو يقول : أي بنات وش السالفة بغى يذبحني كثر ماصرخت ههههههههههههه طيب وين الفلوس؟ قلت له ماجبتها نسيتها بالبيت تعال نتفرج مشكلته سحب لي الفلوس من كم يوم واعطاني اياها كاش علشان البيبي ومقاضيه وانا الفاهيه حطيتها بالدرج ونسيتها قال مدام ناسية فلوسك وناويتها فرجه ليش ندخل ماله لزمه وبطاقتي اللي عندي الحين مافيها شيء يكفيك خل نمشي بس ماله داعي .. بغييييت اموووت وأصررريت عليه لين وافق ودخلنا ولما شفنا أغراض البيبي وجمالهم والأكثر من كذا أسعارهم قسسسم بالله ان تحمس اكثر مني وانا اشوف الأشياء مع بنتي ونقوول ياقلبي ياجمااااااله ونرجعهم بحزن فجأة ماشفته إلا جاب عربه وقال : خذي حطي اللي تبين وانا وبنتي قعدنا نصااارخ من الوناسة ونصفق بإيدين بعض هههههههههههه والله يابنات لقيت أشياء تجنن واخذتها من ضمنها : الاسفنجة حقت السباحة اللي تكلمتوا عنها وحطيتوا صورتها مخدة رضاعة .. سعرها 44 ريال بس وانا اللي اشتريتها ببنتي كنت ماخذتها من ساكو ب 200 ريال فرررق السعر واحس الجودة نفسها تمااااماً اخذت سرير صغير + الحامل حقه مع العجلات سعرة ماتجاوز 200 ريال ما اتذكر بالضبط كم بس للأسف مالقيت مدسات جميلة وتواجه اخذت واحد بس اللي أعجبني شوي والبطانيات اللي رووووعة اشتريت بطانية وحدة كبيرة شوي بستخدمها لقدام لما يكبر من بعد الثلاث شهور رهيبة سعرها 30 ريال وخامتها تجنن وملمسها حريري روعه وثلاث بطانيات صغار بحتاجهم بأول الأيام خفيفين وحلوين بس خيارات الالوان كانت محدودة مره يعني ماعندهم الا وردي وازرق واورنج مع اصفر هذا اللي ضايقني والا الملمس والشكل والحجم روعه واخذت اثنين من الشيء اللي ينحط تحت البيبي وقت الغيار او في السرير علشان ما يتوسخ المكان اللي اغير له فيه لو كان مسوي شيء عظيم او مايسرب على السرير ويخربه اخذت كم لفه .. ماعجبوني مره بس اخذت كم وحده وزي ماقلت لكم خيارات الألوان عندهم عدم بيج وردي ازرق واللون البيج مو حلووو اضطريت اخذ ازرق واخذت مقسمات للحليب وطقم مقص اظافر والرضاعات لقيت evnflo ولا أخذتها قلت بشتري نفس اللي مدحتوهم لي أضمن وو ايش بعد .. هذا اللي اتذكر مرررره انبسطنا مرررره مررررره حتى زوجي انبسط اكثر منا اي صح اخذت لي بلوزتين واسعين للحمل من عندهم هم احلى شيء شفتهم قدام عيني ماقدرت اكمل لان فوق مررره كتمه وحر ونزلت بسرعة كنت بموت من الخنقه عكس تحت وبسسسس والله كان يوم ممتع

ابشركم قبل البارح طلعنا نتمشى بالسيارة وفجأة مرينا ع محل طابا إلا وانا اصرخ صووووت وقف وقف وقف...

Rozaleen_22 :

المهم بعد ماخلصنا من السوق .. مرينا بيت أهلي والا بنتي الفضيحة تقول لخواتي وامي اشترينا اغراض للبيبي قد الدنيا بمليون ريال ههههههههه عاد تخيلوا مسكتها أمي قالت لها : وش ألوان الملابس اللي اخذتها الماما ؟ قلت لبنتي بسرعه : وش اتفقنا ياماما؟ قالت بنتي سر ما أقول وأمي مرررره مصرة لدرجة تقول لها بعطيك هدية !! المشكلة ان بنتي حقيقي حقيقي ماتعرف بالضبط وش بجيب وامي تعرف هذا الشيء علشان كذا سألتها وش ألوان الملابس اللي اخذتووهم ؟؟ قلت لامي وانا اضحك اترجاها والله .. يمه عااااد توك الاسبوع الماضي ماتبين تعرفين وقلتي مو لازم نعرف خليها مفاجأة احسن وش طرى عليك الحين؟ طنشتني وماردت علي وظلت مصرره قدام الكل تسألها وتغريها بالهدايا والتشوكليت وبنتي تناظرني وتضحك مو عارفة وش ترد هذا اللي قهرررني ما ادري يابنات انا سكت صراحة و شفت نفسي تضايقت والله .. ما ادري لو وحده منكم مكاني وهي اصلا من النوع اللي ماتحب احد يعرف بتتضايق أو انا مزودتها بحساسيتي ..؟ المشكلة ان الكل موجود وكلهم عارفين إني مابي أعلم وهالشيء مايرضيني يعني لو عرفوا حقيقي مابيكون برضاي بس نصيب بنتي ماتكلمت خافت من زعلي وانا بصراحة من بعد هالموقف اشتغلت عندي النفسية حقت الحمل هههههههههه اقول بداخلي .. مايكفي إن حتى نفاس محد بيكون معاي منهم !! ليش مهتمين يعرفون وش بجيب خل ولدهم اللي بيزوجونه ينفعهم هو ومرته ويحطون كل حيلهم بعرسه وانا بالطقاق اللي يطقني وظليت حاااااقده ههههههههههههههههه عاد الحين قلبي برد وخاطري طاب علشان كذا اضحك لما اتذكر وش كنت اقول بس والله والله والله كل هذا الكلام يدور بخاطري واقوله واتحلطم بيني وبين نفسي وما أعلمه لأي احد حتى زوجي ما اتكلم جنبه بخصوص هذا الموضوع ابداااااا بس أجي هنا افضفض لكم واطلع اللي بخاطري وبالنهاية للحين احس محد له حق يسأل هذا السؤال لو وش ماكان وانا مو راضيه بالذات صيغة السؤال تنرفز.

المهم بعد ماخلصنا من السوق .. مرينا بيت أهلي والا بنتي الفضيحة تقول لخواتي وامي اشترينا اغراض...