مراحب نجمة


انا في والدتين سابقة اخذه شنطة اللي من قماش. مو اللي لها كفرات. واضح الشرح🙈


احسها حلوة تعبينها وتتوسع. نسيت والله ماركتها


وعبيتها أغراض ولا استخدمت الا الربع


بس ع حسب الله يكفينا الشر لو عمليه تطويل بالمشفى فوزك بغيارات كثيرة


ولو طبيعي كلها يوم او يومين وانت طالعة باْذن الله


وانا مولودي الاول عمليه و الثاني طبيعي. بفضل الله


والله يسهل علينا ونولد طبيعي




والبنات ما راح يقصرون و يعطوك من خبرتهم🌹🌹

بالنسبة لشنطة المستشفى انا ولادتي قيصري واجلس3ايام احط فيها لبستين لي وغيارين داخليات وادوات النظافة الشخصية بشنطة صغيره داخلها،وللبيبي 3غيارات كاملة ومصاصة وشاحن،اما حفاظات واشياء ثانية مااستخدمها لان البيبي عندهم بس،يجيبونه اذا جو اهلي والممرضات يرضعونه ليما نطلع.والشنطة اللي استخدمها القماش بس بدون رسومات بيبي وكيذا. .بس🤗

هلا نجمه.

اذا بتولدين في الحرس راح يطلعوك ان شاء الله خلال يومين لو ربي كتب لك ولاده طبيعيه .. اما القيصري من ثلاث ايام الى خمسه بالكثير .

انا مجربه ولاداتي عندهم ،، يعطونك بعض الاغراض الاساسيه مثل كريم الجروح للمنطقه الحساسه لو حصل لك خياط ، الفوط لك انتي وحفايض للطفل .. خذي زياده معك كاحتياط لك من شركة لوتس للولاده ،، لكن ماعندهم شي اسمه رضاعه صناعي .☹

ممنوع الممرضات يعطونك اياها وممنوع عليهم يساعدونك باعطاء الطفل حليب صناعي الا لو شافوك تعاني معه صدق ومايرضع لان مافي صدرك حليب يسوو لك فحص للصدر .

لو رضعوه عطوه بالغطاء مثل حق الادويه او كاس صغير ،،ولدي بغى يروح فيها لان توه صغير ويشرب من الكاس؟؟ بلع هواء كثييير وتعب علي . 🙄

اذا ماعندك استعداد لهالمشكله استعدي وخلي احد يهرب لك حليب ورضاعه وشوي موية صحه حارة بترمس شاهي صغير .. لكن لايشوفونها معك انتبهي .😂

انا اخذ معي شنطتين ،، الاولى حقتي اللي اروح بها للسوق او الطلعات صغيره فيها جوالي وشاحن الجوال واذكار ورد الولاده ،،طرحه وعطر مخلط زيت عشان الفها برقبتي بعد الولاده وما استشم من العطور ، فرشه ومعجون وحلوياااات اهم شي الحلويات .. سنكرز كتكات تمر عبيط اي شي اهم شي انه سككككر .😂😋

مدري ليش الوحده اذا ولدت جااااااعت وماتشتهي الا السكر .. مجربتها بولاداتي ابموت انتظر اي احد يجيني عشان اكل من الحلويات اللي يجيبونها ، فاستحي على وجهي واجيب معي من البدايه .😅

الشنطه الثانيه فيها اللي احتاجها بعدين ، كيسه فاظيه من البلاستيك حقت المقاضي او البقالات للملابس اللي جيتهم بها لانها بتكون متبهذله ، قميصين غيار لك تكون واسعه مريحه لها صدر مفتوح حتى ترضعي وسنتيانه مريحه لك وسراويل كلوت اكبر من مقاسك بشوي حتى ماتضغط عليك وسروال طويل لو ماتتحملي البرد ،، غيارات للطفل بربطوزات ومهادين ولبس للخروج من المستشفى متين لاننا شتاء وبطانيه .. لكن لاتكثرين كل شي منه قطعتين لان ان شاء الله بتاخذي راحتك بالبيت .

والممرضات بيساعدوك ان شاء الله بامورك مع الطفل ويعلموك كيف تغسليه وكيف ترضعيه من الصدر ويتابعو معك دم النفاس اذا كميته طبيعيه او لا .

اول مره حوووسه بعدها خلاص تعرفين وش تبين .. ولو مررره متردده وتبين زيادة اغراض جهزيها وخليها على جنب واتركيها بالسياره مع زوجك ،، لو لاسمح الله حصل مشكله او نقص عليك شي تقدري تقولي له يجيبها معه وان شاء الله مايحتاج .

بنات فيه وحدة مرة سألت عن الطلب من كارترز...
بقولك عنها باللي اعرفه
جتني طلبيتي امس ولله الحمد.
اولاً/بالنسبة للمقاس طلبت مقاس6شهور لاني ابيها ل3شهور لانهم زي ماقالوا البنات مقاساتهم صغيرة ،وجت فعلاً كأنها 3شهور
ثانياً/بالنسبة للخامة خامتها جداً ممتازة ع حسب اللي شفته،طلبت قميص جنز ومن تحت يتسكر زي البربتوز قماشته جنز خفيف حلو مرة،وطلبت طقم من ثلاث قطع البنطلون اللي بشراب وتيشرت اكمام طويلة وقبعة قماشتها قطن راقي وناعم،وطلبت طقم من ثلاث قطع جاكيت وبنطلون اللي بشراب خامتهم زي الفوطة حلوة وناعمة ولها بربتوز داخلي قطن وطلبت اوفرول قماشته زي اللباد دافي .
ثالثاً/من ناحية الاسعار كلفتني اول شي عمولة الوسيط100والشحن103وقيمة الملابس 230
اعجبتني الطلبية الحمدلله..بس للأمانة ماجربت الخامة بعد الغسيل.
اللي تسأل عن جولي شيك..انا اطلب منه ملابس واكسسوارات وتاتو ،الاسعار مرررة حلوة واحياناً انصدم بخامة البلايز مرررة. خيصة وبسرعة تخرب،واحياناً روعة وفساتينهمغالباً الخامة حلوة،وقريبتي تسب شنطهم مرررة تقول خياطتهم مرة سيئة..اما الاكسسوارات والتاتو مرررة حلوة .وبس🤗

بالنسبة للفوط الصحية..انا الف شاش ع القطن اسوي لي كثير بس مااخذها الا اذا جو اهلي بالزيارة لان المستشفى يعطوني بحكم انه خاص
وبأول زيارة لازم المرة المنقعة ،ومشروب ساخن بدفاية للغازات