كيف اللي قبل من سنتر ؟ أنا يختي ماحب وقت السفر أشيل أشياء كثيرة وقروشه كيف كنتي تشلين الكرسي ؟

مساء الخير 🙊
ماشاء الله مبروك التجمع الجديد غبت فتره و قلت أكيد راح يفتحون تجمع جديد ^^
اشتقت لكم و لاخباركم و سوالفكم ولو أني ما أشارك كثير بس أحب ادخل اتطمن عليكم 😘
انشغلت كثير قبل العيد و بعد العيد
الحمدالله خلصت الشهر الخامس ع خير و دخلت السادس من أسبوع
سافرت الكويت فالعيد الحمدالله على كثر المشي اللي مشيته هناك ماتعبت أبدا كانت جميلة الكويت كلها مطاعم 😂
بس حركة البيبي كانت قليلة و كان بطني بس يتحجر و يتكور من كثر الحركة ووقت رجعت الإمارات تعبت بشكل من الطيارة و صرت ما أتحرك حتى من السرير اروح الحمام و ارجع عزكم الله و كان باقي على موعدي عند الدكتوره ثلاث ايام لكن انا ماكان فيني صبر كنت ابي اتطمن ع البيبي لن صرت ما احس بحركته ورحت للدكتوره و قلت لها أني سافرت و كذا و كشفت على البيبي و الحمدالله طلع كل شي تمام ي ربي لك الحمد 😭 بس قالت عندج نزول خفيف بالمشيمة لااتحركين كثير و ارتاحي و استمري ع الكالسيوم و الحديد اللي صارلي شهر ماخذتهم و عطتني فيتامينات بعد ووزني زايد ثَلاث كيلو ماشاء الله لازم أخفف اكل و حلويات و قالت تعالي بعد أسبوعين عشان تحليل سكر الحمل و الله يستر صايره ما اصبر عن الشوكولاتة ابي أكلها طول الوقت 😫
و الحمدالله حركة البيبي صارت بشكل واضح و تبان لما يتحرك ويرفس 🙈 ومن أمس حاسه بطني صار صغير مدري ليش كاني موحامل ولا هذا شي طبيعي مدري 🙄
و النوم قصة ثانية معاناة لما انام على جنب اتعب و أبدل ع الجنب الثاني و هكذا مافي نوم و فجاة الاقي نفسي نايمة ع ظهري 😖
وصح عن التجهيزات كنت ناوية بعد شهر لكن فالكويت شفت أشياء كيوت و خذت بدلتين للبيبي حسّيت بشعور جميل ي رب لاتحرم حد من هالشعور 💕
ابي اشوف شو راح تأخذون و أستفيد منكم لني جد مو عارفة شو أخذ لا انا ولا زوجي 🙄 وماريد أخذ أشياء ماراح استخدمها لن زوجي الحمدالله ع قد حالنا مايريد اخسره كثير 😁
كاني كتبت قصة حياتي ههههه بس حبيت افضفض

مرحبا بناات ماشاء الله كل شوي فاتحين تجمع جديد ...من امس ابكي على حاجات تافهه وازعل بدون سبب واليوم بكيت لأني مارحت أهلي مع اني عندهم قبل اسبوع 😂والله النفسية لكم عليها ومدري وش قصة البكاء ...😢

رحت موعدي امس لاني سويت تحليل سكر
والحمدلله سليمة
لكن ضااااااااااق صدري من سالفة المويه زااااايدة
والحديد نازل 9
انا بنص السادس الاسبوع 25
وانا دوام الحين لهجرة 3 ساعات رايح جاي
قالت الطريق عادي اهم شي مايخبط بطنك شي
ربي استودعتك جنيني
فيس حزين

وشو الكرسي مافهمت
انا ماكنت اشيل كرسي معي بالطياره لا كنت اخذ سريره ينصفط و يطلع شكله صغير
بس انا ماكنت احب ان ولدي ينام ع اي شي غير اغراضه ووقت السفر بالفندق يجيبون سرير طفل اذا طلبنا بس مو نظيفه مره و انا ولدي بشرته حساسه فصرت اخذ سريره و عادي ما ازعجنا نقل السرير مره لانه مايبين اصلا انه سرير

و الكرسي اذا قصدك الجلاسه
جتني هديه من عمة ولدي كانت من سنتر بوينت بس ما اعجبتني ماحسيتها عمليه و لا تجلس البيبي زين يجي شوي منسدح
بحط لك صورتها
الافضل للبيبي تحطينه بالجلاسه من الشهر الثالث بس مايطول يعني بالتدريج اول مره 10 دقايق و تريحينه كم ساعه منسدح عقب تحطينه بالجلاسه 10 دقايق بعدين يرجع ينسدح
بعد كم يوم زيدي المده يصير يجلس ربع ساعه و يرجع ينسدح يرتاح
عشان ظهره مايعوره و هو يبدا يتعلم الحلوس شوي شوي