جنى ،، شذى،، ليان،، لمى،، ربى،، منى ،، حور،، فجر

أحب اللي زي كذا يمكن اسمي جنى أو شذى 😊 ويمكن اغير مدري بشوف أن ربي كتب على خير ان شاء الله

ٱ‏نـِْ♡̨̐ـِْا  عمال افكر اسمي ليلى شور رايكم فيه

ما تقدري تستخدميها لوقت طويل واي حركه لطفل تقلبو وعيالي طفشوني عليها تفكك بسهوله رغم انها حديد بس تتفكك وتتركب بس ما عجبتني زي المثبته دايم

يالله نظام الردود يقهر .😟

ولافيه اقتباس متعدد ،، كلما جيت بكتب لاحد طار الرد .😠

بحاول استعجل وان شاء الله ما انسى احد .💕




ام ركوني وحمودي




الله يسهل عليك يارب . انا جربت الحمل ببنت والولد وحملي هذا نفس وحامي ببنتي لدرجة قلت خلاص شكلي ماراح احتاج اتاكد من نوعه من شدة التشابه والثقه اللي فيني .😍

وسبحان الله طلع ولد☺ ، فلاتعتمدي على اعراض الوحم مو ثقه خليك مع السونار والله يرزقك بالبنت عاجلا غير اجل .. ماتتذكري احلام كنتي تشوفيها بالشهور الاولى غالبا تصدق .👍🏻

وبشرينا عنك وطمنينا على احوالك .




نجمة ذات بريق




الحرس ايام تزداد فيه الضغوطات والزحمات والمراجعات وايام هدووووء ،، لو كان هدوء ومروقين لك راح يخدموك تمام .. اغلب الزحام يكون فترة الصباح ،، بعدها اهدا وافضل .


ولاداتي السابقه معهم وولادتي هذي ان شاء الله عندهم ،، هل جربتي مستشفيات غيره ؟

انا كنت بجازف واجرب مستشفى اخر لكن خفت خصوصا ان حملي هذا صعب شوي .. الدكتورة عطتني اشعه طارئه والله يستر يارب . 😓


والله يعينك يارب ليش تولدي لحالك ؟ لو اول حمل او اثنين لك ان شاء الله مايصير ذاك الضغط وتمشي الامور خصوصا لو عندك خبرة سابقه مع الاطفال . لكن لو اكثر حوسه ولخبطة والله يفرجها ،

الاستحمام انا شريت حوض من سنتربوينت زمان مالقيت له صورة لكن جدا نافعني وكل عيالي تبادلو السباحه فيه .😀

هو طبقتين السفلى حوض بلاستيك من تحت مبطن بماده مايزلق منها الطفل وتقدري تغيري وضعية الطفل فيه لو تبينه يجلس او يمدد شوي يستخدم من عمر اربع شهور الى سنه ،، والطبقه العلويه اسفنجيه تركبيها تركيب على هالحوض وتدعم الطفل مايتحرك ابد ومريحه جدا له وتغسليه ، يستخدم من الشهر الاول الى الثالث .

ماشفت مثله بالسوق واظن انقطع من سنتربوينت لاني كلما رحت لهم ماشفته .😟




الاخت اوس




الله يسهل عليك يارب ولاتياسي ابد ولاتزيدي الهم على امك ، انتي اخدميها بعيونك ولاتتكلي على غيرك يرعاك غير ربك .

ادعي لهم بالهدايه وتصدقي لو بالقليل بنية يفرجها ربي ويصلحهم ، واستغلي وقت الولاده في الدعوة لهم .

مهما كان هذا ابوك وملزمه ببره ، لاتنتظري مقابل لعطائك معه او غيره كل شي عند ربي مسجل ومحسوب مايظلم مثقال ذره .

واخوك اللي ابوك فخور فيه الان راح يعض اصابع الندم عليه بعدين لو ماتعدل اسلوبه والله المستعان .. اهم شي انتي ارعي امك لاتخليها تحتاج لاحد .




الاخت رفيعة الراس




حياك الله ،، متى ولادتك معنا انتي مشاركه من قبل ؟

يمكن معك لخبطة في نومك هو اللي يلعب في الراس ويجيب دوخه وقلة تركيز او معك فقر دم .




الشوشو




الله يثبت حملك ويرفع عنك مافيك ، اقري على بطنك ايات تثبيت الحمل باذن الله راح يتم لو ربي اراد من غير مشاكل .

وانتبهي من الالتهابات هي سبب مشاكل الارحام في نص الحمل.

سريرك اللي شريتيه روووعه تستخدموه بالعافيه😍 ،، انا جربته ممتاز جدا من سنتربوينت ايام التخفيضات قبل اربع سنين وماشاء الله كانه جديد .👍🏻

استخدمته لبنتي من عمرها خمس شهور وماشاء الله للان وهي تستخدمه .

لكن الان بما انها كبرت راح اغيره لها لسرير قريب من الارض وله فتحه تطلع وتدخل منها لوحدها .😎





حبيبة امها




ربي يعينك ، هذا من تمدد الرحم وتوسع الحوض لكن زاد عليك مع تعب الدوام ،، جيبي معك المخده اللي تنحط تحت الكرسي حتى تريحك اكثر ماعليك منهم اهم شي راحتك .

وبالبيت ريحي كثر ماتقدري .. بتفرج ان شاء الله وحافظي على فيتاميناتك والكالسيوم حتى مايزيد عليك الم الظهر .




المالكه الجنوبيه




لازم نشكر الدوامات اللي بدت تعدل نومنا غصب عننا .😅

الوزن الزايد بالحمل مخيف ، انا احس بالجوع اربع وعشرين ساعه لو اجلس عند الثلاجه فظيتها .🍔

لكن خوفي من الزياده اكبر من جوعي .. فاكثر من اكل التمر والماء واشغل نفسي حتى ما افكر اكل .. احيانا زيادة الجوع نقص في المويه والسوائل جربي تكثري منها واذا راحت فهو فعلا من الظما .




انت دنيتي سوسو




يامرحبا فيك ،، الله يسهل عليك يارب ويتم عليك ،

اذا في مراجعاتك السابقه كل امورك تمام فان شاء الله تطمني ،، اغلب وقت الجنين بالشهور الوسطى ينام فيها . تحري الحركه والرفرفه في الفجر او الصباح .




الاخت مريوم 14




الحمدلله على عودتكم من السفر سالمين والله يسهل عليك يارب وتشوفي طفلكم بين يديكم سليم معافى .

انتبهي من المشي الكثير لسى الوحده ماتعدي مرحلة الخطر في الشهور الوسطى ،، ودايم مددي وارفعي رجليك بوساده .

كثري سوائل الطفل يشرب من السوائل الموجوده بالرحم فتلاقي حجمه يتغير لين يكبر ويصير الطفل مالي الرحم وتصير حركته صعبه .😖

وابتعدي عن نومة الظهر ، نامي على الجنب اليسار اكثر لانها اصح نومه للحامل وجربي تضمين الوساده او تحطيها بين رجولك حتى تثبت وضعيتك وتريحك .


نصيحه الطفل بالشهور الاولى مايحتاج اغراض كثير فلاتكثري من اشياء راح تندمي بعدين عليها .. خصوصا الالعاب مايحتاجها ابد .😜


السرير مثلا خذي شي صغير يكفي حق شهوره الاولى ثم شوفي بعدين كيف وضعكم لو تاخذو اكبر .. لان بعض الحريم تبيه معها في سريرها لو كان سريرها وسيع .





اما لو تبون تاخذون شي ينفعكم سنين خذي نفس حق الشوشو انا احط عيالي فيه من الشهور الوسطى الى سنين .. لكن زيدي عليه مفرش يربط على جوانب السرير حتى ماتدخل يد او رجل الطفل فيه وتاذيه .

شوفي البطانه ذي موجوده لحالها بالسوق





وشوفي بالنت اشكال الاسره واختاري شي تحسي انه عملي .. فيه بالمحلات السرير اللي ينقسم نص للشهور الاولى والنص الثاني ينحول لمحبس .





استغلي ايام التخفيضات بالمحلات خصوصا راس السنه بيكون قريب .. وخذي شتوي وخريفي لان ولادتنا بتكون ايام البرد .




نسين




الله يسهل عليك ويكتب اجرك ، خذي معك مويه و وساد تجلسي عليه وبتتسهل ان شاء الله .