Mryoom_14 :

صباح الخير كروشات احس خلاص مابقى شي هذي الأيام كلها بتكون ذكرى و كل ماقرب الموعد يزيد فيني الخوف على كثر ماكنت انتظر ، ي ربي الساعة السهلة و الميسرة لي ولكم الحمدالله اليوم خلصت 32 اسبوع و دخلت 33 الله ايسر الباقي ، للحين ماخلصت اقضي لي و للبيبي كنّا مشغولين بملكة اخوي و زواجه ف بداية يناير الله اعلم احضر او لا و الحمدالله ع كل حال الأسبوع الماضي كان عندي مراجعة و الضغط كان نازل وتجيني دوخه و مقدر أوقف منها تعبت منها ، و هذا الأسبوع نفسي مكتوم مقدر اجلس او انام حتى ينكتم نفسي و صدري يوجعني ماعاد في نوم خلاص 😫 تجيني الام ف البطن والظهر مثل الم الدوره طبيعي ولا ؟

صباح الخير كروشات احس خلاص مابقى شي هذي الأيام كلها بتكون ذكرى و كل ماقرب الموعد يزيد فيني الخوف...

ضوء حلم :

الله يسهل عليك يارب ويتمم لك بخير . هانت ان شاء الله ماباقي الا القليل . كلما زادت الاسابيع تطمنت الوحده اكثر على جنينها وزادت الرهبه من الولاده .. لين توصل لمرحله تقول متى يظهر هالبزر ويفكنا ؟ 😂 لكن نتوكل على ربي ونتفائل بالولاده السهله . تاكدي انك تاخذي فيتاميناتك وحبوب الحديد ومامعك انخفاض بالضغط . الالم اللي تقوليه طبيعي جدا هذي التفاريع او الطلق الكاذب يشبه الم الدورة كثييير . انا معي حاليا ويجي كم مره باليوم واحيانا معه تجحر . والله لو مالكرشه قدامي تثبت الحمل كان قلت الدورة بتنزل علي .😂 الالم والمغص راح يزيد بالتدريج لين توصلي لمرحلة ماعاد تفرقي صح بين الطلق الصدق والكذب . لو مضايقك كثير خذي شور دافيء او تمددي وريحي نفسك شوي في مكان مريح على الجنب وبيختفي ان شاء الله .

الله يسهل عليك يارب ويتمم لك بخير . هانت ان شاء الله ماباقي الا القليل . كلما زادت الاسابيع...