نوني ٢٣ :

السلام عليكم .. عبق الاندلس عظم الله اجركم الله يرحمها ويغفرلها ويسكنها الفردوس الاعلى .. هدى حبيبتي الله يشفيكم ويعديها على خير استودعتكم الله .. انا ولدي عمره ٣ شهور عادي اعطيه شاهي الاعشاب اللي اسمه بلفيت ؟ مين جربته لهذا العمر

السلام عليكم .. عبق الاندلس عظم الله اجركم الله يرحمها ويغفرلها ويسكنها الفردوس الاعلى .. هدى...

عبق الأندلس :

السلام عليكم ورحمة الله كيف حالكم؟ عساكم بخير؟ اشتقت لكم.. صح لهيت فترة وراح عن بالي المنتدى بس لظروف مريت فيها :" ولدي الحمد لله طيب وأموره تمام، باقي ٨ أيام ويكمل الشهر الثالث ♥️ أما عن انشغالي فبعد النفاس بكم يوم رجعت لزوجي لكن أسبوع بس ورجعت لأهلي بسبب وفاة جدتي الله يرحمها:" فقدها عظيم كانت تسأل عني وعن ولدي لآخر يوم وهي في العناية 😭 جدتي حبيبتي كانت تنتظر ولادتي بفارغ الصبر، وكانت موجودة معي في نفاسي لين كملت ٢٠ يوم بعدين أصرت علينا تبي تروح بيتها اشتاقت له💔 وقدر الله إنها تطيح عند عتبة مطبخها بنفس اليوم اللي نزلت فيه لبيتها وتنكسر رجلها وتدخل المستشفى يسوون لها عملية، العملية ناجحة وطلعت من المستشفى وتفاءلنا خير لكن مدري شلون تدهورت حالتها ورجعت المستشفى ودخلوها العناية عندها اشتباه تجلط في الرئة!!! وماتت جدتي الله يرحمها ويجمعنا بها في مستقر رحمته .. ما تخيلت إني بأفقدها، شهر تعبت فيه وبعدها ماتت الله يجعل ما أصابها كفارة ورفعة :" كانت تقول تعالي أنتِ وولدك عندي إذا بغيتوا تدفون من البرد ( احنا ديرتنا باردة وهي ديرتها جوها دافي بالشتا ) قلت لها أبشري، كنت متحمسة نزورها وتشوف ولدي يوم يكبر شوي ويتفاعل معها بس الحمد لله على ما قضى وقدر، الحمد لله إنها شافته قبل تموت وحبته وتعلقت فيه، حبيبي كان يتبسم لها 😭 ادعوا لها بالرحمة وإن ربي يصبر قلب أمي وقلوبنا ويجمعنا بها في الجنة أبي أقول لها إني أحبها وأفقد ابتسامتها النقية وطيبتها، وفاتها بتكمل شهر والحزن فيني يتجدد كانت داخلة بتفاصيل كثيرة في حياتنا، قريبة منا حيل، هي أمي الكبيرة 💔💔💔

السلام عليكم ورحمة الله كيف حالكم؟ عساكم بخير؟ اشتقت لكم.. صح لهيت فترة وراح عن بالي المنتدى بس...

صفاء رووح :

السلام عليكم 🌹 مساء الورد ❤️ كيفكم و كيف نونواتكم 😍❤️ اخر اخبار بنوتتي مثل ما قلت لكم قبل انها الحمد لله تحسنت مع التمارين بعد الله لكن كنت اقول دايم خل اخذ راي دكتور ثاني فحجزت بمستشفى حكومي و رحت للموعد قال الالتواء عنده يصنف من متوسط الى بسيط و الافضل نضع له جبيرة جبس لكن الله يهديه ما عطاني مجال اشرح او اسأل بس معصب ما يبيني اسأل يبي بس هو يعطي كلامه و اقرر بسرعه بدون ما استفسر و اخذ و اعطي معه و يشرح لي ما قدرت ارتاح لما شفته ما يبغى يشرح لي فما قررت الجبس طلعت و قال خوذي لها اشعه للحوض الزكتور الاول كان مسوي لها فخص سريري للحوض و قال لي سليم لما سويت لها اشعه طبيب الاشعه سألته قال عندها ارتخاء بالمفاصل 😭 انا هنا انصدمت و عبرتي وقفت بحلقي يعني ايش و اسأله كثيره براسي طمني طبيب الاشعه قال لا تخافين يشرح لك الدكتور بس سألني قال عندكم احد بالعائله كان فيه خلع بالورك قلت لا و رجعت للدكتور ابغاه بس يطمني على الاشعه و رفض قال خوذي موعد و تعالي شوفي النتيجه فيها 😭💔💔 انا وش يصبرني للموعد و هو ايش ضره لو طمني رجعت للبيت الحمد لله على كل حال راضيه بقضاء ربي بس ليش اطباء الحكومي كذا زاد هم و صرت خايفه عليها و انا شايلتها اخاف ازيد المشكله 😭 يارب تخيب ظنونهم و تحفظ بنوتتي من كل شر .. انا مو مرتاحه للدكتور و بنفس الوقت خليفه قررت اسوي الاشعه مره ثانيه بالحبيب اتأكد اذا كلامهم متطابق او لا دعواتكم 😭❤️

السلام عليكم 🌹 مساء الورد ❤️ كيفكم و كيف نونواتكم 😍❤️ اخر اخبار بنوتتي مثل ما قلت لكم قبل انها...

رمز الإخاء :

يروح الألم ويخف التورم كثير المره مضاد استخدميها مغطس 👌🏻

يروح الألم ويخف التورم كثير المره مضاد استخدميها مغطس 👌🏻