نودي7 :

الواعظه اذا وزن البيبي كمل كيلوين بالضبط واخدتي ابرة الرئه باذن الله مايدخلونه حضانه وهذا كلام دكتوره وربي مو كلامي ويمكن يعطونك فرصه وباذن الله ح يزيد فوق الكيلوين وكلي امورك لله كل بناتي اوزانهم كذا ماشاءالله تبارك وربي الحافظ الله يطمن قلبك

الواعظه اذا وزن البيبي كمل كيلوين بالضبط واخدتي ابرة الرئه باذن الله مايدخلونه حضانه وهذا كلام...

الـ ع ـنـود :

مساء الخير كروشات ذاك اليوم كنت أشوف سنابات خبيرة الأعشاب منيفة العتيبي وتكلمت بس عن عناية الولادة بعملية ولخصت كلامها إلى نقاط وحفظتها عندي .. جا في بالي الان انسخها لكم واقروها وناقشوها واللي عندها رأي او وجهة نظر عن تجربة تطرحة ونستفيد منه جميع .. ، ، نظام أم جزاء العتيبي في إهتمام العملية القيصرية .. 1-بعد الولاده والعمليه مباشرة يكون معك في شنطة المستشفى المره المخلوطه مع خوا جوه تشمين منه وتحطين ورى اذانيك وتحت صدرك وشوي في الفوطة الصحية اللي بتلبسينها .. 2- اذا سمحو المستشفى بالشرب والاكل تشربين مباشرة الكمونية لانها بتطلع كل الغازات من البطن خصوصا للعملية 3- من البداية اول يوم ولادة يستخدم الخواجوا والكمونية وقشر القهوه فقط اما الدويات والحوايج واللهوم من بعد 12 يوم من العملية القيصرية ومن اول يوم ولادة ناكل تمر معبوج بسمن وكمون مطحون وكركم مطحون ويانسون مطحون هذا افضل شي 4- الحوامض والليمون ممنوعه اول العملية القيصرية واول الايام تحرص عالشوربات ويفضل باللحم مع كركم وعودان دارسين 5- السكر يستبدل تماما بسكر النبات لانه مايخلي الجرح يبرى والملح ينحط مليحه شووي عشان يتخلص الجسم من السوايل اللي فيه لأن الملح يخليها تتجمع 6- التمره تخليها دايم في قدر صغير او مطبقيه معدن وقبل الاكل تحطها عالدوه تدفى شوي لازم تاكلها دافيه ومع قشر قهوه 7- تحاول تبعد عن الحليب قدر المستطاع اول 12 يوم وتستبدله بمشروب شاي الأعشاب والكمونيه 8- الحلاوة الطحينية ممتازة للنفاس تنصح فيها مع البيض وقت الضحى 9- دواء الغوري يكون وقته ورى الوجبات على طول اما الكمونيه تكون ضحى وعصر 10- الخواجوا يكون اول 15 يوم وبعد السبوح ينمسح حوالين البلاستر يعني من منطقة العانه والسره وكذا 11- دواء الغوري ملعقتين كبار تنحط في دلة ماء مغلي وينشرب ورى الوجبات 12- الكبو يفضل كل عشر ايام مره ولااازم النوم مباشرة بعده مع التدفي ززين حتى يحصل التعرق 13- اذا شعرتي بحكة في جرح العملية بعد اسبوع او عشر أيام من العملية نقعي كسرة مرّة كبر الحمص في كاس ماء واشخليها واخذي محلوله وغمسي فيه قطنه وامسحي الجرح .. واذا شفتي صديد في الجرح نقعي ثلاث كسرات مرّة مع كسرتين علك لبان واشربيها شرب كل يوم كوبين كوب صباح وكوب مساء 14- ربط البطن ممنوع الا بعد 6 اشهر من العملية وتحاول اول اسبوعين ماتنام على جنبها تنام على ظهرها قدر المستطاع عشان مايتهدل البطن ويسبب لها إلتصاقات ومشاكل وتنتبه لاتضع بطانيه ثقيله عالبطن شرب كمون وشمر ويانسون مافي زيه للغازات 👍🏻

مساء الخير كروشات ذاك اليوم كنت أشوف سنابات خبيرة الأعشاب منيفة العتيبي وتكلمت بس عن عناية...

DeemF :

العنود بعطيك العافية على نقلك لمعلومات أم جزاء الله يجزاها خير، بصراحه قابلت كثير طالبين منها يمدحون نتايج شغلها والتزموا بنصايحها بعد من ناحية الأكل وكذا ف افكر اطلب منها اذا الله راد

العنود بعطيك العافية على نقلك لمعلومات أم جزاء الله يجزاها خير، بصراحه قابلت كثير طالبين منها...