مساء الخير شلونكم؟؟
انا بناتي كلهم مرضوا حراره وزكام والتهاب في القصبه 💔
الصغيره لين امس وهي حراره والثوم احسن ومرضت انا والخدامه وامي لقطت عدوى من بناتي 😭
حالياً قاعده انقل لبيت ثاني ودوامي الاسبوع الجاي وللحين ماعندي الا خادمه وحده والوضع صعب بالنسبه لي
مس از الطفره قريتها من ايّام بناتي 😂😂
واذا شفتهم في اليوم يصيحون صياح متواصل اقول طفره 😂
بدون امل انا بنتي جاتها حساسيه من الحليب وعطاني الدكتور حليب بريميالاك الذهبي اتوقع cma مب متذكره نسبة البروتين فيه 25% فقط يعني بنتي نزل وزنها معاه وتميت عليه لين كملت عمر السنه ورحت للدكتور قال عطيها مثل اختها وعطيتها ورجع لها الترجيع ورجعته قال بعطيها حليب الارتجاع وعطاني ووقفته ورجعتها على ابتاميل مع اختها وحالياً ماعاد تشرب ماتبي مادري شفيها مع انه للحين مافطمتهم بس هي فطمت نفسها اتوقع انه شي موقت هي ماتعبتر حساسيه في دكتور ثاني قال لي يقول هذا شي موقت وبعدين يروح
مساء الخير شلونكم؟؟
انا بناتي كلهم مرضوا حراره وزكام والتهاب في القصبه 💔
الصغيره لين امس وهي...
ان شاء الله كلكم بخير 💗💗
اليوم طعمت قمري هل ضروري تصير مع التطعيمه حراره ؟؟
طول اليوم اراقب حرارتها عايشه بخوف والله ولها فتره اكثر من اسبوعين ماترضع وتبكي واعطيها صدري شوي وترجع تفكه وتبكي و ارجع اصلح لها رضعه ترضع وهي تبكي وابكي معاها والله تعبتني اوديها الدكتور ويشوفها وهي تتبسم له ماكأن فيها شي واعطيها اللهايه وحنا اند الدكتور وترضع عادي قالي الدكتور مافيها شي فحص انفها واذنها وحلقها وصدرها مافيها شي
بنات مين مر عليه نفس حالة بنتي ووش الاسباب اللي تخلي الطفل مايرضع !؟ لان بنتي قاعد وزنها ينقص مايزود وقت النوم فقط ترضع رقم الى رقم ونص