السلام عليكم حبيباتي
انا كمان نفس المشكله واعيد واكرر الحجاامه والله انها تفيد في كل مشاكل الحيوانات المنويه لمده ثلاث شهور في كل شهر مره وكمان مثل ما الكل عارف خلطه العسل لمده ثلاث شهور مع العسل وان اشاء الله قبل ماتكملوا الثلاث شهور يحصل حمل وبالاخص حاالات الصفر والله اني شفت حالا ت صفر بعد الحجامه والعسل طلع لهم حيوانات منويه والله اعلم ربي يرزق الكل بالذريه الصالحه ...زوجي سوى حجامه بس مره وباقي مرتين وان شاء الله ابشركم قريب وراح اقولكم على النتايج واي سؤال انا حاضره

اللهم ارزقنا وانت خير الرازقين

مراحب حبيباتي

وانا بشارككم تجربتي ..

انا لي تقريبا 9 شهور من تزوجت ..زوجي كان مطلق من غير اطفال وطبعا لفت نظري هالشى من قبل الملكه ولما سألته قالي انه عنده مشكله بسيطه بحركتة الحيوانات .. فطلبت منه قبل الملكه انه يسوي تحليل جديد وعلى اساسه بقرر .

وفعلا راح حلل ورحت معه بنفسي للطبيب .. الطبيب قال نفس الكلام اللي قاله زوجي وانه شى بسيط ووصف له مجرد فيتامينات .

وظل فتره الملكه ياخذ الدوا علشان مانتزوج الا وهو صار احسن . وبعد الزواج بشهرين قلت انا بعد براجع احسن وطلعت الحمدلله سليمه .. وخبرتني الدكتوره اجيب لها تحاليله لما شافتها قالت لا اختي زوجك يبي له شى اقوى ويحتاج يزيد الحركه . ودلتني على طبيب راح يراجع عنده زوجي ووصف له فيتامينات وبعد شهرين صار احسن الحمد لله ..

وانا سويت شى مجنون مره وربي اعتبره اكبر خطأ بعمري زوجي من حبه للاطفال قالي وش رايك تستشيري طبيبتك نسوي تلقيح صناعي ولما قلت لها وافقت وسويت العمليه لكن مانجحت طبعا اثارها السلبيه علي كانت كثير الحبوب والابر اثرو على نفسيتي واجد وخلقت مشاكل بينا ابدا مالها داعي يمكن للحين اثرها مع انه نعرف انها بسبب الهرمونات ومااستفدت شى غير اني حملت نفسي وجسمي فوق طاقته ..

بعدها الدكتوره قالت لي اعصابك مره تعبانه وعندك تهيج في المبيض ووصفت لي مهدأ وقالت لي خذي سنه من غير ادويه احسن وسيبي الموضوع على الله وان ماصار الحمل ارجعي راجعيني ..

الدكتور اللي يتابع عنده زوجي غير المستشفى .. وهالشى كان صلاح لنا لان خلانا نراجع استشاري مره كويس والحمد لله زوجي مرتاح منه تونا زرناه أول زياره يعني لسا المشوار طويل.. طبعا هالاستشاري وبخني وهاوشني كيف لعبت بنفسي وسويت العمليه والمفروض انتظر سنه او حتى سنه ونص قبل مااخطي اي خطوة لعمليه .. وطلب تحاليل جديده لزوجي علشان يبدا معه رحله العلاج . وانا قالي بما انك سليمه ماابي منك ولا شى حاليا ..بس حرص علي مره على موضوع النفسيه وقال هي اهم شى وقالي انه في الجماع الطبيعي يكفي 100 الف مليون لحدوث الحمل وفي التلقيح او اطفال الانابيب مو محتاجين لاكثر من نص مليون قال كل شى يرجع للنفسيه مافي فايده اذا كنتي سليمه، التفكير والقلق يخرب كل شى ..

بس تعرفو خواتي انا الحين بدخل 31 يعني ماتزوجت صغيره وقلبي مألمني كفايه سنين عمري اللي راحت قبل .. احساس مؤلم انك تشوفي الايام تمر قدامك وانت ماجبتي اطفال خاصه وانك سليمه .. بس اجلس افكر طيب لو كنت انا اللي مريضه كان بيتخلى عني او لا .. او لو احتجنا بيوم نسوي عمليه ياترى راح يقدر الشى اللي بسويه ..

ابي اسهى وانسى علشان النفسيه ابي اهديها اذا تقدرون تنصحوني نصحوني بدل مااخزن عصبيتي واجي اتهاوش معه على توافه..
خاصه انه زوجي مستحيل يروح يسوي حجامه او خلطات مو مقتنع بهالامور ابدا .

وشى ثاني الناس اكلتني نظراتهم وسوالهم يقتلني كل مره ..

ومسامحه اختي اذا طلعت اشوي عن الموضوع لكنه بنفس المحور .

السلام عليكم

ان شاء الله يكون تجمع خير على الجميع
وربي يرزقنا الذرية الصالحة عاجلا غير اجل

بنات بسالكم ايش سبب التشوهات وايش علاجها وهل تنفع معاها خلطة العسل يعني خلطة العسل بتقلل من التشوهات عند الرجل او لا