ام ريان
الف سلامه عليك ماتشوفي شر
انا ولله الحمد ماانفس الا في بيتي هذا رابع حمل لي حتى لما ولدت قيصري انا قمت بنفسي ولله الحمد
مااحب احتاج لاحد الحمد لله ويازين النفاس في بيتك راحه صراحه والحمد لله ماعندي معارف ولا اقارب يعني ارتحت من الزيارات يمكن بس جاراتي الي يزوروني
لما ادخل الشهر التاسع ابدا افرزن لي كل شي يخص النفاس
حتى اسلق الحمه والمرق وافرزنه واعبيه في اكياس وكل يوم اطلع لي كيس قدي بس حق اسبوع
وافرزن لي عصيده تمر حق اسبوعين فقط
واجهز التمر في علب على كميات صغيره
واجيب الاكياس اللبتون الفاضيه من دايسوا واعبي لي فيها اعشاب لشرب من ينسون وشمر وبابونج وزهورات وشاي اخضر وزنجبيل
واخليها في علبه واحطها جنب سريري واجيب غلايه مويه وترمس ومتى مابغيت اشرب اسوي لي
مره الحركه مريحه بذات ان بيتي دورين والمطبخ تحت
راح اجهز لي في الصاله العلويه سرير وعندي مطبخ صغير مره اخليه لي وعيالي حولي
وبكذا يكون الدور الاول نضيف في حال جاني ضيوف وكذا
المشكله الحين زاد على اني لازم افرزن حق رمضان من سمبوسه واسبرنق رول وفطاير والله يعين وفي رمضان ماستخدم الا صحون بلاستيك
والحين قررت اعلم بنتي طبخات النفاس عشان تساعدني هي صف سادس الله يصلحها اعلمها القرصان البر والحنيني الحاجات الي تحتاج عجن وطبخ في نفس الوقت صعب افرزنها
والحمد لله انا اشوف نفاس رمضان حلو لان العيال صايمين وماشيل هم اسوي فطور وغدا خلاص اذ اذن ياكلون
حتى زوجي من النوع الي مايحب يكثر اكل في رمضان ياكل صنف او صنفين فقط واي شي ياكله ماعنده مشكله البلاء في العيال يتشرطون الله يصلحهم كل واحد يبغى له صنف وماعندي الا ولد خمس سنين ياكل اي شي
والحمد لله ربي ييسر لنا جميعا ويهون علينا يارب

دلع
ملبوس العافيه الله يكرمك بشوفه طفلك بصحه وسلامه يارب

انا باقي لي بس اجهز اغراض الاستحمام والنظافه الشخصيه للبيبي وباقي شوي اغراض بسيطه واخلص مشتريات البيبي لان وقت اجازه لزوجي فقلت خلني اخلص كل شي قبل مايرجع لدوامه
وسرت الفتره هذي ماقدر امشي كثير. من وركي بس اعرج وزاد علي الم في باطن قدمي يجيني شد عضلي لدرجه اصبع رجلي الكبير ينشد ولاقدر ارجعه اجلس اصيح في عيالي لحد ماحد يجي ويضغط رجلي ويسوي مساج لقدمي وارتاح
اعوذ بالله مولم جدا الشد العضلي بالقدم حتى وقت الصلاه سرت اخاف يصيبني
الحمد لله على كل حال اصبر نفسي اقول هانت باقي ١٥ اسبوع على الولاده 😢😢😖😖😫😫

سلامتك أم ريان طمنينا عليك
اما الشد العضلي بدا يزيد وقت النوم خاصة رجلي اليسار مستحيل اقعد على جنب واحد نص ساعة والحمدلله الله يسهل لنا الباقي

ماشاءلله جدااً حلوين واسعارهم رخييصه
ملبوس العافيه يارب