sandra2008 :

امي دايما تهزئني لما تجي هرجة ومثلا اقولها لا زوجي حيسويها ( مثلا تقولي حطي الغسيل قبل ما تروحي الجامعة ) زوجي وقتها فاضي فهو الاولى انه يحط الغسيل وينتبه عليه .. المهم تعصب وتقولي انتي قليلة ادب فعجبني ان اخيرا لقيت وحدة تأيد ان الزوج يساعد ويوقف يساند وتصدقي ي جنان عندي وحدة من اخواتي من اول ما تدري انها حامل تشيل عفشها وبزورتها وتجلس عند امي الين تكمل الاربعين اللي لاحظته انه زوجها شاف موضوع الحمل سهل انا بحكم غربتي وكمان ما قلت لاحد اني حامل فاضطر زوجي يساعد ويعاون حتى لدرجة لاحظت انه حاسس ان الموضوع مو سهل ويساعدني ولله الحمد في اشياء كثير ساعات قرب الوحدة من اهلها بيضرها اكثر من افادتها زي مثلا لو انتي قريبة من اهلك اخوانك او سواق اهلك هو المسؤول عن مشاويرك وسيد الشباب متكي مع اصحابه ونفس الشيء مع الحمل يشوف الموضوع سهل لانه ما عانى ولا تعب فالاخير الاهل شايلين البنت مجرد فضفضة ي عسل والله ما يعجبها كلامي عادي تتطنشه 💋😘😊🌹

امي دايما تهزئني لما تجي هرجة ومثلا اقولها لا زوجي حيسويها ( مثلا تقولي حطي الغسيل قبل ما تروحي...

^Ro0oZ^ :

ساندرا انا أأيد كلامك وبششششده ،، وزي ماقالت ام اياد انه الرسول عليه افضل الصلاة والسلام كان يساعد اهل بيته يعني هذا الشيء الصح والمفروض انه يصير ، وترى سبحان الله الرجال لمن ينحط ف مواقف صعبه حيقوم يساعد لمن يكونوا ف غربه وبعيد عن الاهل وعندها اطفال لكن الوضع يختلف لمن يكونوا عند الاهل وبالاخص اهلها خلاص يقولها روحي مع اهلك بس تتوحم روحي عند اهلك ف مايحس بتعبها ومعاناتها ،، هذي الاشياء كنت حاطتها ف راسي من قبل مااتزوج واقول لااهلي ماابغى واحد شغله ف جده والحمدلله جاني زوجي شغله برا جده لا اهلي ولا اهله وامي مضايقه بالذات اني اخر العنقود ومحد عندها ف البيت غيري ف صارت تدعي ليل نهار اني انقل وسبحان الله بس سنه ونص ورجعت جده 😂، وليا دحين 4 سنين ف جده وهو شغله قبل اسبوعين صار ف الشرقيه بس مو مرتاح مره ويبغى يرجع جده لو ماتسهلت اموره 😞 ، وصرت ادعي انه لو خيره لنا النقله تتسهل يارب طبعا لو اهلي يدروا اني انا الي فوق راسه وابغاه ينقل حيزعلوا مني ،، والسبب بس جيت سكنت ف جده مررره تغير كل شيء اهلي يسوه ليا يرسلوا السواق انا اودي بنتي المدرسه واروح السوبر ماركت واقضي وارجع البيت واطبخ حسيت اني رجال وحرمه مع بعض 😒، ومشاويري اغلبها ع اهلي عكس لمن كنت برا جده .. وحتى تدخلات الاهل تزيد والزيارات لازمه وغير المناسبات << عقدتها 😭، مااحب اروحها مره مره مره وحالات اروح غصبن عني لانه قرايب مره ، بس الله يعين ويسهل الامور وانقل الشرقيه ع خير يارب ..

ساندرا انا أأيد كلامك وبششششده ،، وزي ماقالت ام اياد انه الرسول عليه افضل الصلاة والسلام كان...