ام اصيل الحجازيه :

اوكي كيف جدولي رح يكون مع كميه هالاشياء الي اخدتها ⭕اولآ قناع الطين الاوربي تجي زي البودره واخد ملعقه منها واخلطها مع مويه حتى المزيج يكون متماسك لكن انا رح استبدل المويه واحط بدالها مويه الورد لكن مويه الورد الي اخدتها فيها فيتامينات رح اتكلم عنها بعد شويه واخلي القناع على البشره ربع ساعه واغسلها وبعدين ضروري البشره تترطب وقررت اني استخدمها مرا وحده بالاسبوع طيب اكيد حابين تعرفو فوائدها : اولا فوائد الطين الاوربي ،، هي طبيعيه 100٪ يعمل على ازالة الاوساخ والشوائب وتصغير المسامات وتحسين لون البشره ويشد البشره الي بشرتها جافه تحط الطين مع مويه مع نقط من زيت الجوجوبا اذا متوفر عندها وزيت الجوجوبا متوفره من نفس الماركه والي بشرتها دهنيه مرا مرا حيناسبها ،، وغيرها من الفوائده وزي ماقلت قبل شويه اني اشتريت مويه ورد ومن فوائدها : هو مطهر طبيعي من ماء الورد والصبار خالي من الكحول وفيه جلسرين ينعم ويصفي البشره ويسد المسام له عده استخدامات ممكن يستخدم مرتين باليوم بعد ماتغسلي وجهك بالغسول حطي من ماء الورد رح يشد بشرتك ويعطي نضاره وممكن تستخدميه بعد الميك اب لما تغسلي وجهك وتمسحي مرري قطنه بماء الورد رح يزيل اي بقايا من الميك اب وكمان من فائدته ينظف ويخفف المسام وممكن خلطه مع الاقنعه زي ماقلت اني رح اخلطها مع بودره القناع الاوربي ⭕الشي الثاني اخدت ماسك هيلين كوين بالطين من فوائده ينظف البشره من السموم ينشط الجلد يكافح الشيخوخه يزيل الشوائب يخفف من المسامات ينظف البشره من الزيوت والدهون يترك البشره نضره وصحيه يوزع على البشره مع تجنب العينين لمده ويغسل بماء دافي وبرضو القناع جميل اذا عندك مناسبه وقبل المكياج تعملي دا القناع وترطبي بشرتك وتتمكيجي👍 رح استخدمها مره وحده بالاسبوع ⭕الشي الثالث اخدت زيت النارجين الطبيعي له عدة استخدامات وياكترها ماشاء الله لانها طبيعيه 100٪ حتى تنفع بالطبخ لكن انا قررت استخدمها بشعري مره وحده بالاسبوع وممكن ادهن فيها بطني عشان اتفادى التشققات وممكن اسوي فيها مقشر للشفايف اخلط سكر مع زيت النارجين بنفس الكميه وافرك الشفايف وبعدين احط مرطب وكمان ناويه استخدمها لبشره ولدي مرا جافه ف الزيت كويس له وطبعا الزيت يتأثر بالعوامل الخارجيه بالصيف يكون سائل وبالبرد يتجمد واذا كان متجمد ممكن تسخنيه شوي بالمكرويف قبل الاستخدام ⭕الشي الثالث اخدت مايونيز الشعر هو عباره عن ماسك ترطيبو مكثف وعلاجي للشعر يرطب ويقوي خصل الشعر مكون من البروتين المستخلص من البيض وزيت الزيتون وفول الصويا وزيت جنين القمح وغني بالبروتينات والفيتامينات والمعادن ومضادات الاكسده الازمه للحصول على شعر صحي ولامع وطبعا مع الاستخدام رح يخف التساقط وينشط ويجدد الشعر التالف ويعالج ويقوي الشعر الي دايما يستخدم فيه الاستشوار ويرجع حيويته ويكثف ويطول الشعر بأذن الله مع الاستمرار وطريقة استخدامها وزعي المايونيز بالشعر كامل مع الفروه واذا عندك مشط اسنانها كبيره مشطي شعرك فيها عشان يتسهل التوزيع وبعدين غطي شعرك بنايلون لمده 15- 45 دقيقه عشان ياخد حراره وبعدين شطفي الشعر بمويه دافيه والطريقه الثانيه : تتحممي بالشامبو وبعد ماتغسلي شعرك من الشامبو وتنشفيها حطي الماسك بالشعر لمده 15-45 دقيقه وغسليها بمويه دافيه انا رح استخدمها مرا وحده بالاسبوع او مرتين اذا كنت فايقه على حسب ⭕ الشي الثالث اخدت فيتامين e من فوائده مضاد للأكسده ويعطي كولاجين للبشره و تقدري تحطيها تحت العين قبل النوم تخفف الهالات فقط بالليل ماتطلعي فيه بالشمس والي بشرتها جافه تحط بوجهها شوي قبل النوم ويقلل من الخطوط والتجاعيد ومرطب فعال للبشره ويزيل تشققات الشفاه ومزيل للمكياج ولها عده استخدامات ممكن تضيفيها بااي خلطه تبغيها تحطي قطرات من الفيتامين استخدامتها كتيره جدا لكن انا رح اخليها يوميا قبل النوم احط تحت العين لانها تخفف الهالات وادهن فيها بشرتي اهم شي قبل النوم عشان مااتعرض للشمس وبرضو قبل النوم ادهن اضافيري منها وممكن تضيفي فيتامين e مع اي زيت شعر وتخلطيهم سوا رح تعطيكي نتيجه حلوه ⭕الشي الرابع اخدت زبده الشيا رح ادهن فيها بطني وجسمي مرطب جميل للجسم وتنفع للبطن بالحمل عشان لاتطلع علامات التمدد وتنفع لترطيب الشفايف وممكن تعملي منها مقشر ومرطب شفايف بنفس الوقت وطريقتها ملعقه ونص صغيره سكر ناعم ملعقه صغيره زبده الشيا وملعقه عسل اخلطيهم سوا وحطيها بالثلاجه وكل مااحتجتي خدي شوي وحطيها بشفتك وبعد ماتنتهي رطبي شفايفك واستخدامتها كتيره ⭕ الشي السادس اخدت زيت اللوز الحلو جدا جميل لتمسيح الكحل والماسكرا من العين وطبيعي وماتضر العين وفيها فيتامينات وممكن تضيفي زيت اللوز بـ اي خلطه تسويها وممكن تدهني فيها وجهك اذا حابه وفوائدها واستخداماتها كتيره ⭕⭕⭕⭕ وهذي الخلطه رح اعتمدها ان شاء الله بنفاسي وحده من الاخوات بالتجمع فادتنا فيه وانا احتفظت بالطريقه ومن فائده هالخلطه توحد اللون وتشيل سمار الحمل الطريقه 4 ملاعق زبده الشيا 2 ملعقه زيت جوز الهند 2 ملعقه جلوسليد 2 ملعقه زيت فيتامين e تخلطيهم وتحطيهم بعلبه وبالليل تستخدميها تحطيها بكل الجسم ماعدا المنطقه الحساسه وبالصباح تتروشي ومع الاستمرار يروح السمار والبشره تطلع ناعمه وموحده اللون

اوكي كيف جدولي رح يكون مع كميه هالاشياء الي اخدتها ⭕اولآ قناع الطين الاوربي تجي زي البودره واخد...

ام اصيل الحجازيه :

الحمدلله يارب اليوم دخلت الشهر السابع بحساب الاسابيع الله يتمم علينا جميعا باقي الاشهر على خير يارب

الحمدلله يارب اليوم دخلت الشهر السابع بحساب الاسابيع الله يتمم علينا جميعا باقي الاشهر على خير...

^Ro0oZ^ :

ام اصيل شركة موستيلا اسعارها غاليه بس انا كنت بس حخذ الزيت والشامبو بس عرضهم انه تاخذي 3 اشياء من الشركه وارخص شيء فيهم يسوله خصم 50٪‏ ،، عرض البامبرز عندهم قوي لرقم 1 و 2 بامبرز عنايه مميزه ..

ام اصيل شركة موستيلا اسعارها غاليه بس انا كنت بس حخذ الزيت والشامبو بس عرضهم انه تاخذي 3 اشياء من...

دودي باشا :

الله يسلمكم حبايبي ام اصيل بكم اخدتي الاغراض وايت موقع ارخص يعني تنصحيني من فين اخدها

الله يسلمكم حبايبي ام اصيل بكم اخدتي الاغراض وايت موقع ارخص يعني تنصحيني من فين اخدها

# جنآآن آلورد # :

ويسعدك يارب ايوا عندي هالحساب اللي طلبتي منو وحيل عاجبني بشوف طلبيتك اذا كل شيء تمام ف بطلب منك لان الثانيه عمولتها 20 بالميه بس انا حابه عندها بطانيه قالت عليها العضوه ام إياد ع ماظن يكتبو عليها اسم البيبي مرره حلووه صراحه وشكلها مميز بس سعرها غالي ب 450 بس يلا اول نونو كل شيء لعيونو يهون 🙈 وننتظر الصور 🌁 ومشكورررره ي قلبي والله افديتني الله يرزقك ماتتمنين يارب ياكرريم ويعطيك حتى يرضيك 😘❤️❤️

ويسعدك يارب ايوا عندي هالحساب اللي طلبتي منو وحيل عاجبني بشوف طلبيتك اذا كل شيء تمام ف بطلب...