يسعد مسااكم بنات
تقبل الله طاعاتكم ..سبحان الله مااسرع الايام باقي اسبوع ويخلص رمضان الله يجعلنا فيه من المقبولين ويعتق رقابنا من النار ..
ماشاءالله مو ملحقة على سوالفكن الله يجعلها كلها خير ومحبة♥️♥️

ام فارس ماشاءالله البنات كفن ووفن اسأل الله ان يعطيك حتى يرضيك ويكتب لك الخيرة
ادعي الله بهالايام الفضيلة ..
والحمدلله اللي يشوفك يقول عندك عشر بنات وانتي توك شباب اللي رزقك هالاميرات قادر يرزقك الولد انتي احسني الظن بالله ..
امي ماشاءالله جابت عشر بنات وولدين قسم ان مانافعها الا حنا يالبنات صح اخواني ماهم مقصرين بس مايبردون الكبد الكبير متزوج والصغير توه بالجامعة عسى الله يصلحهم ويسخرهم لأميبس دايم امي تقول مانافعني ومسنعني الا انتن

ا

هلا بك الين حي الله هالطله
مشاءالله الله يخليكم لبعض
هذا اخر اسبوع لك بالخامس صح
اي والله راح رمضان رمشه عين مابقى شي الله يتقبل من المسلمين

السلام عليكم
كيف حالكم؟
ليلة جمعة وليلة وترية، قد تكون ليلة قدر 🌙
اللهم إنك عفوٌّ تحب العفو فاعفُ عنّا.
هالليلة غنييييمة عسى الله يقدّرنا على اغتنامها، ولا يجعلنا من المحرومين :"
مواضيعكم الفترة الماضية تحمّس للنقاش خاصة موضوع أم فارس الكويت، الله يرزقك ( فارس ) يا رب 💕 بس ترى خلفة البنااات نعمة ولما تربينهم يعني أنتِ تربين أجيال لأنهم بكرة بيصيرون أمهات مربيّات!
والمجتمع اللي يقدّس إنجاب الذكور هذا مجتمع فيه جاهلية، الإسلام جاء بعكس هالأفكار الجاهلية وذمّها في القرآن!
الله يرزقنا البنين والبنات، لكن لو كان عندي خيارين إما يكون عندي بنات فقط أو أولاد فقط، بأختار البنات بلا تردد، لطافتهم وحنيّتهم وصحبتهم لك لما تكبرين شيء عظيم، والشواهد كثييرة على إن البنات يكونون نافعات أكثر، ذي وحدة أعرفها ربي رزقها ماشاء الله بنات وأولاد.. البنات متفوقات وموظفات وظائف ممتازة ومدلعات أهلهم، والأولاد العكس تمامًا الله يصلحهم متعبين والدراسة ما هم حولها.
غير قصة مشابهة لقصة ذكرت هنا واحد جاء له خمس بنات وكان مبسوط ومكتفي فيهم، وبعد فترة - ما كانوا مخططين للحمل - حملت زوجته وجابت ولد عنده صعوبات تعلّم، طبعًا فرحوا فيه ويحبونه، لكن الشاهد إنه مب لازم إذا جاء ولد معناته جاء الفرج وزانت الحياة، استمتعوا بخلفتكم ذكورًا أو إناثًا فيه ناس محرومين، وسلامتكم ☺️