صباح الخير
شحالكم
أم الغلا أنا زيك كنت شايلة فكرة الحمل من بالي نهائياً يعني كلش مو مفكرين الحمدلله وفي شهر رمضان اخذت حبوب بريمرلوت حتى اوقف الدورة لان كانت معي بنهاية شعبان واخذت خمسة ايام ( المفروض ٤ ) بس الشك برمضان وكان موعدها على نهاية رمضان يعني بيكون اقضي ١٠ ايام او ازيد فاخذت الحبوب. وعقب رمضان وقفت وكنت انتظر الدورة بثاني االعيد وبعده وكنت احس بآلامها وكل يوم اقول بتنزل بس ما نزلت وصمت الايام اللي صادتني خمسة ايام وكملت ولا هي نازلة وظليت ازيد من شهر تعبانة نفسيا وجسديا احس بتعب ودورة وانا اساسا الدم عندي ٨ والحديد ٤ كنت اقول كل منه ومستبعدة الحمل تماماً عقب شهرين هلاص قلت اكيد حمل والا ليش ما شرفت الدورة وكنت احس بالم بصدري وانتفاخ مو طبيعي وكان يصيديني قبل الدورة بس من تزل خلاص يروح هالمرة مستمر وزوجي يقول لي اوديك المستشفى وانا مكابرة بعد احلم واقول مو حامل وبعدها استسلمت وسويت تحليل منزلي وكانت الصدمة كليرة وظلت نفسيت زفتة ودايما معصبة واصرخ على العيال بدون سبب بس عقبها خلاص سلمت امري لله وزوجي اتصل للمستشفى وحجز لي موعد وقالي خلاص لازم تروحي. والحمدلله على عطاياه اقتنعت وفرحانة بعد وودي اعرف شنو جنسه منشان اجهز ومع اني ما قلت حق عيالي بس ولدي دايماً يقول لي ان هو يبي اخو وصار له فترة ينتظر حتى مجهز له اسم ويجي يتحسس بطني ويخلي اذنه يقول لي اسمع صوت 😂 مع اني ما قلت له اي شي هو صار له اكثر من سنتين يسوي هالحركة ( بنتي الصغيرة هذا الشهر بتكمل ٦ سنوات ، يعني نسيت الحمل خلاص ) وكل يتخيل ان بيجيه اخو. واحيانا يقعد يصيح يقول جبت لاخته اخت وهو ما عنده منشان جذيه اتمنى يكون ولد منشانه لان بيفرح كثير مع انه حملي هذا كان نفس حملي فيه ووالحمل على حسب السونار وحساب الحمل صار وقت التبويض بس ما اقدر اجزم ان يجي ولد بس ادعي الله ليل ونهار ان يجبر بخاطري وخاطره ويرزقني اخو له
قرقت وايد وعورت راسكم من الصبح
وخلاص هاذي قصتي مع هالحمل والله يتمم لنا على خير ونولد بالسلامة
صباح الخير
شحالكم
أم الغلا أنا زيك كنت شايلة فكرة الحمل من بالي نهائياً يعني كلش مو مفكرين...
أعشق الناس اللي كذا اتحمس معهم بالحييييييل
االحمد الله امس مانمت غير وانا مخلصه البيت كله
ما احكيك عن المزاج وانا اشوف الفديو كذا قلوب 😍😍😍😍😍😍😍😍
انا عني ودعت التنظيف العميق من بدت الاجازه وجاء معها الحمل وكملت بس الحين الحمد الله رجعت لي الحياه احس علشان المدارس والوحم تقريبا خلاص فاللهم لك الحمد حمدا كثيرا طيبا مبارك فيك
عاد انا مثلك مقسمه كل يوم جزء مع التنظيف اليومي بيتي مو كبير ياربي لك الحمد 👍👍