دلع ..وروح خيالها ..باي وقت ولادتكم😟

انا ولادتي يوم 1/27 😖 وانتم
الله يسهل علينا يااارب ويجعل ولادتنا سهله ميسره ويسخر لنا وقت ولادتنا احسن خلقه

دورت مالقيت شي

وانا قبلك بيوم
طبعا هجري 26-1

اولا السلام عليكم والله يتمملكم يارب ع خير
ثانيا.. الحمدلله لقيت تجمع لكم يااهل الخميس مابغيتوا تطلعون
والله يمكن ع كلام عضوه هنا نقص الاكسجين يمكن مأثر علينا😂
ع العموم حياكم الله جميعا واتمنى هذا التجمع يعم بالفائده ع الجميع
اول شي انا حامل تقريبا ثلاث شهور اتابع عند الدكتوره ابتسام في الاسره الشامل
والولاده بصراحه باقي ماقررت وين بس ع كلام الدكتوره ابتسام مدحتلي العسكري مره ومانصحتني الا فيه
طبعا هي ماتدري اني لي تجربه كرهتني في العكسري بولادتي الثانيه حسبي الله لانظافه ولا تعقيم للجرح ولا شي وبعد ماولدت طلعوني من غرفة الولاده وحطوني في غرفة انتظار لين يفضا لي سرير في التنويم طبعا حطوني في هذي الغرفه وبنتي معي اقسم بالله من شده الالم في مكان الخياطه ماكنت اقدر اتحرك ولا اقدر انزل من السرير حتى بنتي جلست تبكي انادي عليهم عشان يعطوني اياها والله يمروني من عندي ولا جو... والمشكله يوم طلعوني لغرفة التنويم طبعا ماهي غرف سيب طويل بين كل وحده والثانيه ستاره والحمام مشترك بين اللكل هذا العسكري وهذا اللي شفت بعيني
المهم طلعت وحطوني ع السرير قلت للممرضه اعطيني بنتي قالت لا قومي انتي خذيها قلت مااقدر قالت لازم تتحركين انا ماقدر اتحرك اصلا وراحت وخلتني طبعا بعد ماطلعت البيت التهب الخياطه وجلست الاربعين كلها وانا اعاني منها رحت مستشفى خاص قالت عندك الخياطة تلوثت واعطتني مضاد مغذي وقالت كويس انه ماصارلك تسمم او انتقل التلوث للدم او شي زي كذا فكتها واعطتني معقمات وظليت ثلاث ايام اروح لها اخذ مضاد
عشان كذا متردده مره من العسكري المشكله رحت يمكن قبل العيد لان زوجي يقول لين نتاكد من الحمل بعدها نراجع بر رحت وياليتني مارحت تخيلو وحده ولدت في غرفة الدكتوره في الطوارئ ولا غيرها ثلاث والدين في الطوارئ والمشكله انه مافي كرسي في غرف الولاده فاضي
طبعا يابنات انا ماابي اخوووفكم بس معي حق اذا خفت منهم وعلى ذلك اخلاقهم شينه وينافخون ومايردون عليك علئ سيره مافيه تعامل ابدا وزحمه زحمه
طبعا ولادتي الاول كانت رووووعه والدكتوره هي بنفسها اللي ولدتني وكانوا رائعين في تعاملهم والاروع الدكتوره طبعا هي هنديه نحيف سمراء طويله نسيت اسمها بس قسم بالله اهتمام ونظافه وهي بنفسها تخيلو تشطفني بمويه بارده ومعقم وبعدها جلست معي ممرضه هنديه طيبه وعسوله جلست معي لدرجة دخلت معي الحمام تمسكني لين خلصت ولبست ملابسي ونقلوني ع التنويم
تشوفون الفرق في المعامله كيف ؟؟؟؟
اسفه ع الاطاله بس محتاره وين اولد احس خلاص شطبت ع العسكري وباقي بسال الدكتوره وعلمها بتجربتي واشوف رايها وارجع اقولكم دعووواتكم تكفون لان عندي انقبضات في الرحم واعطتني مثبت ادعولي ربي يتمم لي حملي ويرزقني بولد يارب
انا ذكرت تجربتي للاستفاده وابغى الافاده