حبيت اوضح نقطه احيانا يكون عدم التوفيق والانجاب بسبب عين او سحر او حسد الله يكفينا الشر وتزول هالاعراض بعد ماينفصلو ويتطلقون

اعرف وحده جلست مع زوجها 10 سنوات بدون انجاب هو كان معه ضعف بسيط مش صفر وتعالج بدون فايده وبالنهايه هي طلبت الطلاق اول ماتطلقت بعد العده انخطبت واتزوجت حملت من اول شهر وعندها اطفال الحين
وزوجها برضو تزوج على طول وحملت زوجته وعنده اطفال الحين شفتو كيف سبحان الله

اشكركم على دعائكم لي واسال للجميع ان يفرج همكم جميعا

حبيت اوضح نقطه الطلاق على كثر ماهو صعب ومؤلم بس فيه راحة من التفكير

وانا مااقدمت على هالخطوة الا لما وصلت مرحله انه لعقلي حق علي


درست الموضوع وانا بيت اهلي فكرت بالجوانب السيئه رغم ذلك كنت اقول مابي اظلمه واصير نفسه بظلمه لي لما تزوجني وحسب علي زواج وكانت بدايته كذب وغش لي وكنت استخير كثير وسبحان الله كنت كاره ارجع له وصارت مواقف بينا وتوضح لي مايستاهل اضحي له وهنا قلت مايستاهل حتى دمعه وماراح اذكرها لانها مؤلمه وابي انساها


بعدها كنت افكر مابي اطلق ومين بتزوج والخ وبعدها قلت اريح لي على الاقل بيت اهلي مرتاحه ولا اعيش في الم ومعاناة خاصه لما اتامل انه بنلقى علاج واسهر على الايباد واحفظ بالخلطات وافكر كيف اقنعه يستخدمها

رغم مرات يهاوشني ويعصب علي انا مابي والخ

اناالحين بيكون لي الطلاق الثاني والحمدلله على كل حال مرات اقول كيف بتتقبل اتزوج ثانيه كرهت الرجال

بس عشان عاطفه الامومه هي الي تخليني اتقبل الموضوع مره ثانيه رغم اني ماعشت مرتاحه بالزواجين وكنت مكسوره واحتسب الاجر لدرجه اقول وش فيه حظي بعدها استغفر واقول ابتلاء

والله اني حبيت الي في التجمع وصرت ادعي لجميع المحرومين من الذريه بالذريه الصالحه


وانصح الكل ماتقدم على هالموضوع الا بالاستخارة

نصيحه الي بتقدم على عمليه الانابيب او بتتجهز تفكر بوزنها راح يزيد كثير حدود سبعه كيلوا الى عشره

انا باذن الله راح اروح نادي انزل وزني لانه زاد وكرهت حتى ملابسي

ودعوواتكم لي بان ربي يعوضني ويعوضكم جميعا

رقم Pin 7432BF96

للي حابه تتواصل معي تضيفني بس رجاء ارسلوا لي رساله هنا بالمنتدى

او لما اقبلك قولي انك من حواء ماحلل اي وحده تنشره لرجال وللعلم بين رب العالمين

الله يلوم اللي يلومكم، صراحة انا افكر في الانفصال، من سنة تقريبا بعد ماجربت الانابيب وفشلت ثلاث مرات، متتتالية، زوجي لا مبالي ولكن طيب، انتم ازواجكم اغلبكم صفر لكن هو جاب لي الالم النفسي باهماله لنفسه، مايخذ الادوية ويحتاج يسوي حميه ويخفف وزنه، تصدقون هذا سبب ماساتي في الحياااة بروده مو عقمه، قتلني بعناده، ياخذ العلاج خوف من كلامي لا لاننا روحين مشتركين في كل شي وندور حل، عمره ما اطلع على اسلوب لعلاجه، ولا اهتم، هذا هو اللي يخليني افكر في الانفصال فقط، لانه ما له امان ، يفكر في نفسه وبس ولا يبغى يتعب نفسه بشي، لكن ارجع واقول هو شخصيته كذا وحرام اسيبه ، وارجع كمان افكر في نفسي ومن بياخذني وكيف بيدبر وضعي بعد الانفصال، خاصة ان عمري كبير انخطبت 24 والان انا 33 عمر صراحة راح معه، تعبانه نفسيا، احاول افكر بايجابية واكفل يتيم، واكسب اجره ويعوضني عن الحرمان، بس ارجع افكر في الا مبالاه حقت زوجي واتخوف من الشي اللي بيواجهني بكرة، ادعولي يا بنات ربي ينجح عمليتي الجاية وارتاح من كل شي، على فكرة احس بينا حسد ونصحتني امه قبل فترة اننا ننفصل، يعني لو كبرت اكثر مع اصرار اهله وتفكيره بنفسه ممكن جدا يرميني بدون مبالاه

انا الحمدلله مافكرت بالطلاق ومااتوقع ان بيجي في بالي حتى لو الله ماكتب لي عيال
يمكن لاني تزوجت كبيره 31 سنة , كنت اصلا محرومه من الزوج والعيال
والحين الله كتبلي زوج الحمدلله اطيب من قلبه مافي, اكيد كل انسان فيه عيوب بس حسناته تغطي على عيوبة
فمااحس ان الله حرمني من شي بالعكس, الله عطاني الزوج الصالح واذا الله كاتبلي بيعطني الولد الصالح

فكرة اني اكون مع ريال ثاني غير زوجي علشان اجيب اولاد مرفوضة عندي تماما
انا الحين محرومة من شي هو اصلا مو عندي (اليهال) الم هالحرمان اقل بواااااااااااايد من اني انحرم من شي موجود معاي احس فيه واحبه ومالي علي حياتي زوجي حبيبي, طلاقي منه معناته حرماني منه وهالشي الي جد جد جد مااقدر اعيش بدونه

نصيحة للبنات الي يفكرون بالطلاق , اذا انتي مرتاحة مع زوجج قولي الحمدلله الف مليون مرة
غيرج عندهم عيال بس كارهين حياتهم , ارضي بالي الله كتبه لج , احنا مانقدر نغير اقدارنا . واذا ربي حرمج من شي صدقيني بيعوضج بشي ثاني. صج الكل يتمنى الامومة واليهال بس راحة البال والسعادة شي صعب ان الواحد يلاقيه بهالزمن
اذا حاولتوا وحاولتوا ومافي امل , خلاص اتركي الموضوع انسيه وعيشي حياتج مع زوجج بدون هم ونكد وصياح.