درة وطن :

اناةعازمتكم على الفطور الصباح بيوم عرفه

اناةعازمتكم على الفطور الصباح بيوم عرفه

احلى دنيا دنيتي :

بنات التجمع اللي قبلنا مسوين قائمه لاغراض البيبي وبماان بعضكم بيبدا يجهز اخدتها وقلت اسدحها هنا وجزاها الله كل خير اللي سوتها . . . . . . تجهيز المولود .. لاحظي حسب احتياجاتك وطبيعة طفلك.. واذا عندك احد يغسل باستمرار او لا .. ممكن العدد يختلف من طفل للثاني .. بكتب شي عام وانت خذي الي يناسبك .. المحلات: سنتر بوينت.. نكست.. مذركير (ملابس المواليد من تجربتي ناعمة وحلوة لكن تتمطط مع الغسيل).. الهرم.. 1/ بربتوزات داخلية 8-10.. انتبهي لا تاخذي الا الي اكمامها تجي كت ولا تاخذي علاق .. وتكون فتحة الرقبة دائرية من الامام وبدون ثنيات .. احرصي تكون سادة وبدون الوان حتى ما تبهذلك بالغسيل .. الطقطق السفلي يكون معدن مو بلاستيك .. الافضل من نكست ثم سنتر بوينت ثم الهرم من وحدة من هالعلامات اما الي عليها صنع في انجلترا او الي من كيدز وورلد او بيبي كير .. <<< من تجربتي .. 2/ بربتوزات خارجية كاملة 6-8.. باقدامها باكمام طويلة .. مهم جدا ازرارها تكون من الامام يفضل طقطق ناعم حتى ما يضغط على البيبي.. لا تاخذي اي شي له ازرار من الخلف تألم ظهر البيبي .. خذي قطنيات 100٪ وابتعدي عن اي خامة ثانية ممكن تسبب تحسس للبيبي .. لا قدر الله .. او الحر او غيره .. برضو انتبهي ان تكون فتحة الرقبة لها مثل ثنية القميص .. وما تكون فتحة دائرية واسعة .. او ثنيات عند الاكتاف .. لان غالبا تطلع منها اكتاف البيبي ويتبهذل .. حاولي تاخذي الوان فاتحة حتى تناسب بشرة البيبي وما تغمقه .. افضل شي بالنسبة لي ابيض .. ليموني .. المقاسات اذا طفلك في سونار الشهر التاسع قريب من الثلاثة كيلو خذي 2 نيو بورن بس والباقي من صفر -3 .. واذا اصغر من الثلاثة فخذي من النيو بورن 4-5 والباقي 0-3.. 3/ اللفات او المهادات او الكوافل حسب التسمية عندك .. خذي 5-7 حاولي تكون بيضاء ..واذا تبي ملونة فتكون الوانها على الوان اغلب اللبسات.. او لايقة معاها .. انتبهي لعرضها وطولها .. خذي شي مناسب لحجم البيبي لا يكون صغير مرة .. اما الكبير عادي تقدري تثنيه.. خاصة ولادتنا على وجه البرد فعادي لو صار طبقتين.. قطنية 100٪ طبعا.. 4/ صدارات 6 حبات غالبا تجي اطقم ملونة تلاقيها بسنتر بوينت وممكن تاخذي سادة بالحبات وتشوفي اذا طفلك كثير الترجيع او لا .. خذي شي قطني ناعم انتبهي من بعض انواع الصدارات تكون خشنة .. وراح ترجع على وجه البيبي كثير فقد تسبب له تحسس او حكة . 5/ قبعات 4.. على الوان ملابس البيبي مهم يكون في منها ابيض .. وطبعا قطنية .. 6/ ممكن قفازات زوجين منها حتى ما يمهش البيبي وجهه بس انتبهي ما يظل فيها طوال الوقت حتى ما تتعفن اليدين خاصة بين الاصابع .. 8/ مفارش حمل وتقديم البيبي 2-3 حسب اذا بتاخذي مدس او لا.. ضروري ما تكون منفوخة مرة .. قماشها ما يزلق منه البيبي .. الوان مناسبة للمهادات.. 9/ غيار للتغير للبيبي جهة بلاستيك حتى ما بتسرب البلل وجهة قماش تسدحي البيبي عليها اثناء التغيير.. 10/ فوطة للاستحمام للبيبي.. 11/ شنطة لاغراض البيبي .. سواء شنطة مخصصة للطفل.. او شنطة عادية حجمها مناسب يكفي الاغراض.. 10/ اغراض الصيدلية: أ- بامبرز اصغر مقاس..واصغر كيس حتى تسوفي يناسب طفلك تستمري عليه والا تغيري النوع .. ب- مناديل تغيير البيبي اما بالزيت سيبا ميد مثلا او مناديل مبللة العادية مثل جونسون او بامبرز وغيره .. وبرضو خذي علبة وحدة حتى تشوفي تناسب طفلك او لا.. ج- كريم التسلخات سودو كريم.. د- مصاصة اصغر مقاس وشوفي الاشكال بالنت اختاري الي يناسبك .. مع سلسلتها.. هـ- 3 رضاعات زجاجية 2 للحليب.. وحدة للماء والنعناع وغيره .. مع مقسم الحليب وحافظة الماء وجهاز التعقيم اذا حابة ..فرش لتنظيف الرضاعة تكون مناسبة لحجم الزجاجات .. اما اذا ناوية تعتمدي طبيعي فيكفيك وحدة للماء واذا تعطي يانسون او نعناع .. و- مسحات طبية تعصريها على السرة .. ز- شامبو وصابون جسم واويل للبشرة ممكن تاخذي مجموعة وممكن مفرد والاحسن المفرد حتى تشوفي تواريخ العلب وكذا .. وكمان ما تاخذي شي وترميه .. مثلا بودرة الاطفال مو كويسة لا قدر الله تسبب حساسية الصدر .. مع ملاحظة ان كثير من هذي الاغراض ممكن تحصليها عند محلات تجهيز الاطفال وعادة اسعارهم افضل .. فانت شوفي الي يناسبك واشتري منه.. شي اخير حابة اضيفه ممكن تشتري من محلات ماركات عالمية الي عندهم اشياء للاطفال.. مثل موسكينو.. بيربري .. قوتشي.. ديور.. كڤالي.. الفيرو مارتيني .. تاخذي منهم لبس للتقديم ومفرش متناسقين.. وتقدمي فيهم طفلك ..

بنات التجمع اللي قبلنا مسوين قائمه لاغراض البيبي وبماان بعضكم بيبدا يجهز اخدتها وقلت اسدحها...