ward22 :
مسائكم ورد وخير عسى الله يفرح قلوبنا جميعاا .. اقدر انظم ? لاحظت الاغلب يتكلم عن التخصصي .. وانا ابي اسويها بخاص والاغلب بفقيه عند مجدي الشيخ .. بس محتاااارة كثير وعندي شوي اسألة لو احد عنده خلفيه او تجربة عن المستشفى ياريت تقولووا عشان اسال اسألتي .. وبرضه مين هتبدأ الشهر الجاي بمشيئة الله ?مسائكم ورد وخير عسى الله يفرح قلوبنا جميعاا .. اقدر انظم ? لاحظت الاغلب يتكلم عن التخصصي .....
ward22 :
سعادتي .. مشكووورة حبيبتي ماقصرتي .. هرمون الحليب والغدة يتحللوا باي يوم اصلا عادي فانا بحلل لما اروحله بعد 12 يوم مثلا ان وقتها التحليل تمام يصير تمام ان لا هيديني دوا اخر للحليب لمدة الاسبوعين او الثلاث الابر التحضيرية .. اما الكسل مايأثر . هذا اللي انا اعرفه ولو غلطانة صححيلي .. اما زوجي متابع مع دكتور ذكورة ممتاز وعلاجه كمان لكن التحسن بطيء لان المشكلة كبيرة من 100% تشوه صار 97 خلال شهرين ومن بعدها الان 6 شهور مستمر بالعلاج بس ماحلل وبيحلل للعملية ****لله .. بالنسبة لي انا بدات من اكثر من اسبوعين فيتامين سي + الفوليك مرة باليوم هذا من زمان وزوجي ع علاجاته وفيتامين سي ولما نبدأ خطوات العملية هاخذ فيتامين هاءورويال جل وقت التنشيط حنا ودنا بمجدي بس انا متخوفة من موضوع نائبه وسفره هو يعني/هل اضمن هو بنفسه يعملي السحب والترجيع مو الاقيه نائبه ? وكمان قريت انه ماصار يسوي ترجيع منظار .. وانا كان ودي لان فرصه اعلى بعد مشيئة الله .. نايف السحلي يسوي بس زوجي مرتاح لمجدي اكثر من حكي الناس والتجارب .. وكمان افكر اسوي فحص اجنة بس ماعندي خلفية بعد الفحص اقدر اجمد ? لان انا ودي لو نجمد في حال ماقدر الله النجاح .. اما مازن هو ممتاز من القراءه عنه بس اعتقد اغلى + يسوي العمليه بالطبي الدولي وتطلعي بعد كم ساعة وفقيه لك الغرفة 24 ساعة فطبعا فقيه احسن .. و****لله للكل فال الخير بس نعمل بالاسباب والله كريم ..سعادتي .. مشكووورة حبيبتي ماقصرتي .. هرمون الحليب والغدة يتحللوا باي يوم اصلا عادي فانا بحلل...
سعادتي بصبري جزااااااااااااك الله الف خيرسعادتي بصبري جزااااااااااااك الله الف خير
مساء وصباح مليء بالطاعات وذكر الرحمن
اللهم آمين
حياكِ الله يا الغالية بين أخواتك
انا كنت خاص في مستشفى د.سليمان فقيه عند د.فاطمة العتيبي والآن في التخصصي صح تعب المواعيد بس أرحم من الخاص في الميزانية.
إذا تبي أي استفسار عن التخصصي وإذا نقدر بنفيدك ياقلبي .
وإذا تبي خاص ما شاء الله د.مجدي الشيخ كما ذكرتي ممتاز في مستشفى د.سليمان فقيه.
ود.مازن بشارة في 1-عيد كلينك .
2-العيادة الأولى الحديثة "خاص"
ويتواجد في التخصصي "حكومي"
في دكاتره كثيرين ممتازيين والتوفيق من رب العباد
انتي قرري أي دكتور واذكري اسمه واحنا نعطيك رأينا لأنه كثيرين ما شاء الله
ومعروف د.مجدي ما شاء الله والكل يمدح فيه وتأكدي كل شيء توفيق من الله.
وبالنسبة لزوجك خليه يتعالج في فقيه أفضل إذا حابه تتعالجي عند د.مجدي
علشان الدكتور يطلع على النتائج والتقارير.
بالنسبة متى تبدأي الأغلب التحاليل المتعلقة بعملية أطفال الأنابيب لا تتم إلا ب3 او 2 يوم من الدورة والإبرة التحضيرية عادةً تكون باليوم الـ 3
نصيحتي لكِ:
ايش رأيك تعملي فحوصات عند الدكتور وتنسقي معاه وأعتقد اللي المفروض يصير
انه هذه الدوره تحاليل والدورة إللي بعدها الإبرة التحضيرية وبعدها التنشيط
السبب:
الأفضل تطمني على هرمون الحليب وعلى الغده علشان ترتاحي
لأنه إذا هرمون الحليب مرتفع بيخرب عليكِ كورس العملية لاتبدأي بالعملية وانتي شاكه انه هرمون الحليب مرتفع وإذا منخفض قبل البدء بإبر التنشيط وقفي الدواء وأسألي الدكتور.
والغده تطمني عليها وإذا بدأتي العلاج وهي مرتفعه مو مشكله ما عليكِ إلا الدكتور يزيد الجرعه فقط لأنه إذا صار حمل بإذن الله لا تتعرضي للتسقيط ودواء الغده يستمر معاك لا تفكري توقفيه من تلقاء نفسك أنا أتكلم عن كسل الغده.
تطمني على هرموناتك وصحتك وبعدين قرري البدء بالعملية وكمان لو تأخذي معاك نتيجة تحليل السائل المنوي والدكتور يطلع عليه يكون أفضل.
هذه أساسيات اقدمي عليها.
والأفضل قبل البدء بالعملية تستخدمي حامض الفوليك 3 أشهر وجواسبرين بس كمان تأكدي من دكتورك مو اللي يفيد غيرك يفيدك.
:heart:
ياقلبي
توكلي على الله ولا تخافي وإذا ربي أراد شيء يقل له كن فيكون.
والتقديم ميسر بأمر الله ومن ثم الملك ما قصر كل شيء ميسر وسهل
انتي ما عليكِ فقط أو زوجك الذهاب للتنسيق الطبي
وأخبارهم بانه حابين تتعالجوا لعملية أطفال أنابيب أو متأخرين بالإنجاب
يتم اعطائكم ورق بيانات خاصه فيكم وورق تعبئة نتائج بعض الهرمونات
ويتم تعبئتها من طبيبتك ويتم ختمها وكذلك عمل أشعة الصبغة لا يكون قد مر عليها سنه
وبعد تكملي التعبئة والأشعه قدمي أوراقك للتنسيق الطبي وفي خلال من يومين لأسبوع او أسبوعين تيجي الموافقه بإذن الله.
:heart:
ياقلبي
لاتوقفي الدواء وإللي تعاني من كسل لازم باستشارة طبية قد تزيد الجرعه في فترة الحمل حتى لا تتعرض للتسقيط طبعاً بعد التحليل والإطمئنان على نتيجة الغده إذا تحتاجي زيادة او لا.
آمين يرزق الجميع الذرية الصالحة البارة التقية الحافظة لكتاب الله.
:heart: