الدكتوره اسماء شحرور ؟؟ احد يعرفها ؟؟

د.أسماء شحرور
بعيادة نورا قريبه من مستشفى د.سليمان فقيه.
لكن لم أتعالج عندها يقولوا انه كبيرة بالسن وتعالجك لوحدك وما يدخل زوجك معاكِ .

اللهم ما أمسى بي من نعمة أو بأحد من خلقك فمنك وحدك لا شريك لك فلك الحمد ولك الشكر

السلام عليكم
كيفك يابنات اخباركم
مشاء الله فتحتوا تجمع جديد غير تجمع التخصصي :)
:
اول شيء احب اسلم على الجميع واخص بالسلام زوجة فني اشعه وسعادتي بصبري ( إذا مفتكريني ولا لا )
لأني مشاء الله مستمرين في التجمع من ايام ماكنت فيه ههههههه الله يمدكم بالصحه ويرزقكم
:
طمنوني عن اخباركم واخبار البنات الي كانوا بتجمع بنات التخصصي ههههههه
احب اطمنكم عني انا الحمدلله وبالف صحه يارب لك الحمد
اعتقد اني دخلت التجمع بعد ماولدت واعطيتكم خبر اني ولدت وجبت بنتين زي القمر هههههههههههه بدري مرا صح ^!^
والحمدلله بناتي الحين كبرو وصاروا عرايس وصار عمرهم تسع شهور وينقلبون ههههه
بجد الاطفال نعمه يارب لاتحرمنا منها ياااارب ويرزق كل وحده فيكم بدرزن عاجل غير أجل
اوقات اجلس مع نفسي اعيد شريط ذكرياتي واحمد ربي كنت وين وصرت وين اجلس افكر لما كنت افتر بقسم تأخر الحمل وادور علاجات ودكاتره لزوجي عشان يراجع عندهم وبالصدفه دخلت تجمع بنات التخصصي وتعرفت على طريقة التقديم من زوجة فني اشعه ورحت قدمت وقبلوني
وسويت عملية الحقت المجهري عند مازن بشاره ولما حملت ومراجعات الحمل وتعب الوحم
ولما جاتني ولاده مبكره في السادس وجلسوا بناتي بالحضانه شهرين ونص والحين منورين بيتي
بجد شريط من الأحداث اخذ من عمري سنه ونص ونهايته كانت حلووه يارب لايحرمكم الفرحه الي عشتها
ويرزقكم بالبنين والبنات يارب
:
سعادتي بصبري انتي وزوجه فني اشعه طمنوني عنكم ماسويتو العمليه ؟
وحبيت اسال كيف نظام التخصصي الحين ؟؟
بالتقديم لان وحده من صديقاتي سالتني وقلت لها الطريقه بس تقولي النظام اتغير وماصاروا يقبلوا اي احد عاد انا لي سنه ونص من تقديمي فماعرف وش تغير
لأن صديقتي حابه تقدم وحابه اساعدهاااا

السلام عليكم ورحمة الله وبركاتة
كيفكم ياحلوات ... الله يرزق كل محرومه من الذريه يارب ويرزقني ... انا متزوجه من 9 سنوات وماحملت زوجي عنده نقص في الحيوانات المنويه في العدد وانا الحمد لله سليمه مافيا مشاكل الحمد لله رب العالمين ... بدينا في مستشفى التخصصي في جده علشان نسوي اطفال الانابيب وانا بصراحه ماعندي خبره فيها ولا اعرف خطواتها ابغى اعرف منكم احنا دحين خلصنا تحاليلنا وبديت اخدت الابره التحضيريه وقالولي بعد 3 اسابيع عندي موعد ابغى اعرف ايش يصير في الموعد دا وايش الخطوات اللي بعده الله يعطيكم العافيه اعطوني كل حاجه بالتفاصيل انا احب اعرف كل حاجه .وشكرا مقدما لكل من حيرد عليا