الله يبارك فيك سعادتي

والابر جونال اف 600 وحده باليوم وفيه ابره اخذها بيدي اسمها سوبر فاكت على مااعتقد

الحين مو شايله هم الا الاكل زوجي تكفل بالبيت ينظف والغسيل بالمغسله بس الاكل كيف حيكون عادي اقوم اطبخ او اجيب من برا المشكله اكل المطاعم مو كويس مايغذي الجسم في هاذي الفتره المهمه
كيف سويتو من ناحيه الاكل ؟

زوجة الغالي
مشكورة ياقلبي
بالنسبة للطبخ لا انتبهي الطبخ يبي له جهد وانتي لازم لكِ الراحة
ممكن تعملي فطور بيض شيء بسيط ممكن اما تنوع بالأكل وطبخ مره صعب خاصةً
الأيام الأولى وكمان الحرارة وحرارة المطبخ ضارة لكِ والوقوف الكثير وأكيد الفرن وبتشيلي ثقيل
هذا الشيء مو من صالحك ياقلبي وكمان أكل المطاعم مو صحي والله العالم وش حاطين من بهارات
وكمان سمعت انه المشويات إللي على الفحم والأدخنة تضر انتي حابة تطبخي اطبخي شيء بسيط
اكثري من الحليب وابتعدي عن الفلافل والمشروبات الحارة والأناناس والمأكولات النية مثل التونه والكبدة النصف استوى واذا شعرتي بإمساك تناولي فاكهة البرتقال جداً مفيدة أهم شيء الراحة أنا عن نفسي ما أطبخ وقت فترة الإنتظار تحركاتي فقط كانت للصلاة والأكل والإستحمام لا غيروالأهم من الراحة والأكل صدقيني النفسية الممتازة لها دور كبير وابتعدي أو قللي من صعود ونزول الدرج وضعي الدواء وإذا أعطوكِ التحاميل ضعيها بوقتها وتمددي وإذا كانت التحاميل 3 مرات باليوم أنصحك بعد العشاء إلى الفجر ومن بعد الفجر للظهر أكثر وقت تكوني مرتاحة فيه وتنامي لأنه مافي وقت صلوات وبعدها من الظهر للعشاء .
الله يقومك بالسلامة اهتمي بالأكل ياقلبي والراحة والله يسعدك وينولك إللي ببالك ومثل ما قلت لكِ شيلي الأفكار من بالك
وتأكدي أن القادم أحلى وأن الله بييسر الأمور والحياة سهلة لا تصعبيها ولا تخلينا نشوفك متواجده بكثرة هي كلها أسبوعين
اتحمليها بحلوها ومرها واستغليها فيما يرضي الرحمن .
أدخلي ملف المقبلات على عملية أطفال أنابيب أو الحقن المجهري يمكن يفيدوكِ بالنسبة للطبخ والأكل .

السلام عليكم..

مرة نفسسي انضم هنا بس محد يرد عليـآ...

ان مافهمت طريقه التقديم في التخصصي بليز فهموني., وسبق ان كنت اراجع ب مستشفى جامعه الملك عبدالعزيز...

طيب نصيحتكم لو بتعالج في خاص ب مين تنصحوني.؟

انا بس سويت تحاليل ومارتحت ل دكتتورتي مرة وحابة اغير ويارب التخصصي ., او خاص والله يعين عالتكالللليف....
بس ساعدوني الله يساعدكم

السلام عليكم ورحمة الله وبركاته
فرحت لما شفت التجمع احس في ناس مثل حالتي وتشاركني همومي الله يرزقنا من واسع فضله
طيب اذا بروح لتخصصي بجده يبدون معي من اول شهر في التنشيط ولا لا مع انه انا من المدينه
يااااااااااااارب الفرج من عندك يامجيب الدعاء

ميمو
ياقلبي أسألي وبإذن الله إذا عرفنا جوابك بيكون في رد وأوقات ننشغل او يعطل النت ولازم تعذورنا
بالنسبة للجامعة الحكومي تبي تعملي تحويل للتخصصي ممكن ينفع أو تذهبي للتنسيق الطبي
في مستشفى الملك فيصل التخصصي وتخبريهم انه حابه تتعالجي في قسم وحدة الإخصاب والعقم
ويعطوكِ الأوراق وتعبيها من دكتورتك ولازم أشعة الصبغة ما يمر عليها سنة وكل شيء مكتوب بالتفصيل
بالصفحة الأولى الأهم تجيبي الأوراق ومتى ما انتهيتي منها اعطيهم وبإذن الله الموافقة تيجي والله يوفقك
ويسعدك وينولك إللي ببالك وزيادة.

نفسي أحضن طفل
ياقلبي اول شيء تقدمي بالتخصصي وبعدها تيجي الموافقة واول موعد ممكن من شهرين لخمسة أشهر وبعدها تحاليل لكِ ولزوجك وإذا كل شيء سليم يبدأو معاكِ التنشيط والعملية وإذا التحاليل أثبتت لخبطة هرمونات تتعالجي وإلى ان تتعدل يبدأو معاكِ أتمنى أكون أفدتك وأي سؤال أنا متواجده .