السلام عليكم ورحمة الله وبركاته
اليوم ثاني يوم بالدورة بعد عملية حقن مجهري فاشلة ولله الحمد
رحت التخصصي واعطوني اوراق نعبيها من دكتوري وطلبوا مني اشعه الصبغه لم يمر عليها سنة
وانا سبق وعملتها قبل 5 سنوات هل ممكن تقبل لانها جدا متعبة
واذا ضروري اعيدها في اي يوم بعد الدورة ؟
واذا ممكن تقولوا لي بأي مستشفى عملتوها في جدة انا سبق وعملتها بفقيه ومرة تعبت

وعندي كمان كم سؤال تحملوني
انا سويت عمليتين تلقيح صناعي و3 حقن مجهري وكلها ما صار حمل
والمشكلة عند زوجي ضعف وتشوه الحيوانات المنوية
وانا خلل بهرمون الغده الدرقية وهرمون الحليب ومرات تكون تمام
دورتي منتظمة ولله الحمد ولما سويت اشعه الصبغة تبين ان عندي نصف رحم
لكن دكتور مجدي طمني وقال حجم الرحم طبيعي وممكن تحملي ب4 ولكن لايوجد وحدة من قناه فالوب
وفي كل عمليات يارب لك الحمد اموري تمام والاجنة من الدرجة الاولي لكن مايتم الحمل
وحابة اسوي المنظار الرحمي هل تنصحوني..؟
وهل له وقت محدد بعد الدورة..؟
والمعذرة عالاطالة

كيفكم حباايبي ... انا اليوم سويت عملية سحب سحبو منى 15 بويضه ماني فاهمه كدا كويس والا لا قولولي؟ ,,, الدكتور احمد الصانع خلاص رجع الرياض موجود دكتور جديد اسمه خالد عرب كلامه مره مريح ويجي يكلمك قبل العمليه يشرحلك انو لازم تساعدينا وتريحي نفسك...والترجيع عندي يوم الاثنين اعطوني مضاد اخده كل 12 ساعه وتحاميل بس قالتلي الممرضه اخديها بعد ماتجي موعدك يوم الاثنين يعني يوم الترجيع ... والحمد لله رب العالمين على كل حال ..الله يوفق الجميع ويرزقنا الذريه الصالحه

السلام عليكم ورحمة الله وبركاته
كيفكم حباايبي ...اليوم ثالث يوم بالدورة

ورحت التخصصي في جده وقالولي الدكتور مازن ماراح يرجع الا في سبتمبريمكن بعد الحج

والحين أنا بفترة نقاهه


الحمدلله و يارب يرزقناا جميعا بالذرية الصالحة

الله يرزقنا جميعا الذرية الصالحة
وجزاكم الله خيرا على هذا التجمع

وعليكم السلام ورحمة الله وبركاته
ياقلبي أشعة الصبغة مثل ما طلبوا منك ما يعدي عليها سنه والأفضل لو كانت في CD أنا أخذتها أشعه عادية.
لأنه لو كانت الأشعه لها اكثر من سنه تنرفض المعامله ويقولك عيدي الأشعه
وأغلب الأوقات إذا دورتك 7 أيام اعملي الأشعه باليوم الـ 10
انا سويتها في مستشفى د.عرفان ود.باقدو
عند د.فاطمة زينهم جداً طيوبه وصدقيني كلها 5 دقائق والآلآم بتكون بسيطه مثل الدورة أكرمك الله
وكمان الآلآم بتكون محتمله بس انتي لا تشدي أعصابك خليك ريلاكس واستغفري
طبعاً قبلها الممرضات يجهزوك ويعقموا المنطقة إلى ان تيجي الدكتورة كلفتني الأشعة 740 ريال
مع فتح الملف .
إذا حابه روحي بهذه الأيام وخذي موعد منهم .
يا قلبي أسألي إللي تبيه هذا التجمع علشان نفيد ونستفيد
بالنسبة للتخصصي حبيت اوضح لك نقطه مو تخصصهم فقط أطفال أنابيب
وعمليه وابر لا ياقلبي إذا عندك خلل بالهرمونات يعالجوها لكِ وإذا حبيتي تتعالجي
عندهم بعيادتهم استمري وإذا حبيتي عيادة ثانية بنفس التخصصي يحولوك إلى ان
تتعدل هرمونات وإذا ظهر في تحاليل الزوج أمور غير جيده يتحول على د.مسالك بولية وعقم .
الحين انتي تقولي تستخدمي دواء وتوقفيه لا ياقلبي دواء الغده ما يتوقف من تلقاء نفسك
لازم لازم إشراف طبيب ويحدد الجرعه المناسبة افتحي تجمعات ارتفاع الغده او اي
موضوع خطأ توقفي الدواء وبالنسبة لدواء هرمون الحليب قال لي طبيبي اقل شيء سنه ونص
لاتستخدميه شهر وشهرين وبعدين تحللي تلاقيه انخفض تتركيه لا هذا خطأ :rotaeye:
لازم تستمري سنه ونص حتى لو انخفض من استعمالك للدواء شهرين
او وقفي الدواء لمن تبدأي بأخذ ابر التنشيط.
والتلقيح الصناعي يفيد الأكثر إللي هي طبيعيه وزوجها طبيعي .
والمنظار الرحمي ما اعرف عنه شيء أعذريني
وبالنسبة لوضعك لازم تغيري من وضعك بالعمليات السابقة في الإهتمام
بأكلك وبراحتك ونفسيتك لأنها سبب في نجاح العمليه بعد توفيق الله عزوجل.
وتأكدي ان القادم أحلى .



حمداً لله على السلامة
سحبوا كثير بيشوفوا الأفضل واللي تلقحت وبيرجعوها لأنه بعضها تكون أكياس فارغة من التنشيط
العملية كانت بنج كامل او موضعي؟
التحاميل هي مثبته ولكن على ايام د.مازن كانوا يقولوا استخدميها بعد العملية إلى آخر يوم للتحليل وبعدها يقرروا حالتك بعد التحليل إذا تكملي التحاميل او لا.
وانا أشوف الأفضل تستمعي لكلام دكتورك ياقلبي هو أدرى بحالتك :)
والله يوفقك ويرزقك الذرية الصالحة البارة الحافظة لكتاب الله.
وان شاء الله ما ننساكِ من دعوة في ظهر الغيب.


وعليكم السلام ورحمة الله وبركاته
ياقلبي في دكتور آخر متواجد والله يرزقنا ويرزقك ما نتمنى وكل من أرادت يارب يا كريم.
والدكاترة هم اسباب فقط سواءً د.مازن او أي دكتور آخر.
استخيري بكل أمورك وتوكلي على الله.


اللهـــم آمين
ولـــكِ بالمثل
ويجزاكِ جنة الفردوس:)