اول شي اگلنا بصفه عامه يگون ( بر🌚) وشعبي😐
يعني الفطور مصابيب او عريگه او قرص بسمن
ونرش على الاگل فلفل اسود وگمون
ومعاها ترمس حليب بالحلبه 🤭
طبعا اذا صبينا الگوب نخلط معاه فلفل ابيض واسود
بعدها ترتاحين ابو ساعه ساعتين على حسب
القهوه نسوي قشر ونجهز معاه تمره معبوطه بلاعشاب
نمخمخ عليها لحد ما يجي الغداء
طبعاً غدانا وجبه ثابته 😂 ( مرقوق لحم ) نرش عليه بالصحن ماش مطحون وگمون وفلفل اسود وسمن اذا ماعندگ تنفع الزبده
وتشربين معاها حليب اذا شبعتي 😐
مو بيبسي وخرابيط😂
تريحين ابو ساعتين بعد هالغداء
يجي حزة العصر تشربين شاي النفاس
وتنتظرين احد يدق يقول باسبر عليگم😂
المغرب نسوي عصيده معى القهوه 🌚
العشاء شوربه عدس معى قرصان 🌚
ولاتنسين فيه لهوم الصباح وفيه لهوم بالليل
وبرضو تشربين حليب 😐
وحطي راسگ عقبها ونامي
وتستمر الحياه مره ثانيه ونعيد نفس السالفه😂
الحلبه بس ٢٠ يوم الاول
حاولي تبتعدين عن الحلا علشان الخياطه سريع تلتم
نستخدم الارطا غسول بس بعد ماتطيح الخياطه
يعني اخر ٢٠ يوم من النفاس
اهم شي تدفي زين ولاتجوعين ولاتمشين حافيه شرابگ لايطيح من گراعگ وبنطلون بجامه ماسگ لايدخلگ برد
المشد ادا ماتبين گرش🌚
طرحه ثقيله لراس علشان مايدخلگ هوا براسگ
امممممم اي وجيب لگ وحده تسولف على راسگ توسع صدرگ بالاربعين علشان ماتطفشين😂🏃🏼♀️
وسلامتگ
اول شي اگلنا بصفه عامه يگون ( بر🌚) وشعبي😐
يعني الفطور مصابيب او عريگه او قرص بسمن
ونرش على الاگل...
اهم شى بعد تدفين نفسك ماتتعرضين لبرد
والاكل الصحي بعد مفيد خضار فواكه سلطات 👌🏻
والمويا بعد مرررره مهم للجسم وللرضاعه استغرب كثير يقولون مايصلح ينشرب مويا بالدوره والنفاس سلاااااامات😢