ام منار ١٤١١ :

الله يسخر زوجك يارب ويعوض امك الجنه ، اذا صبرت ع المر نفس الي صابره عليه باذن الله يكون تكفير لدنوبها ورفع لمكانتها فالجنه💕 وانا ياربي لك الحمد قنوعه بس ااحين عشان ع وشك ولاده عشان كذا مهمومه وجماعتنا يجون يومي صبح وعصر🤕

الله يسخر زوجك يارب ويعوض امك الجنه ، اذا صبرت ع المر نفس الي صابره عليه باذن الله يكون تكفير...

حكـاية قلـب♥️ :

حبيبتي لاتصيرين كذا حساسه مره بقولك شي وقيسيها من بعيد افرضي لاسمح الله بنتك ترملة واخوها ساكن عندها مهملها وطاير مع زوجته وعياله وتاركها وهي بامس الحاجه حتى بوجود اخوانها بامانتك ماتقطع قلبك الي من لحمك ودمك!! فكري والله مايسوي زوجك بيحصل البركه بعياله والي مافيه خير باهله مافيه خير لزوجته وعياله اعرف انه مقصر معك ومقهوره بس ماتدرين مع الايام وش ربي مخبي لك يمكن عيالك يسكنونك بقصر وخدم وحشم واوامرك مجابه ماتدرين اجر الايتام والارمله خير لك ولعيالك ولزوجك وتلقين زوجك محزنته ويحن عليها ويرحمها اكثر من اخوانه متقطع قلبه على وخيته اعرف يوم يهتم تغارين وتنقهرين بس بامانتك قيسيها ماتتمنين حتى اخوانك يجون مثل زوجك باخته

حبيبتي لاتصيرين كذا حساسه مره بقولك شي وقيسيها من بعيد افرضي لاسمح الله بنتك ترملة واخوها ساكن...

ام منار ١٤١١ :

والله الذي لا اله الا هو انا يفرحني اهتمامه باخته بس ياشيخه ولدي يطيح ع راسه ويطرش ويدوخ ومعد يتحرك ويسخن وما يودي ولدي ويوديها يكون عندي موعد فالمستشفى وانا ماعندي اي ملف فالحكومي ولا راحعة فذا السالفه الا مرتين وعند بنتها موعد تحليل يقولي انقلعي مو فاضي ويقوم يودي اخته! عيالي يمرضون يسخنون يروح الصيدليه وهي يودي عيالها المستشفى يجي ويضم عيالها وعيالي يطالعون فيه ماسوالهم كذا يروح قهوة العصريه عندها وانا يمين بالله مايقابل عياله امرض ويجيني طلق ومثبتات ويقولي روحي لها مسخنه يالظالمه يالي ماتخافين ربك سوي لها شوربا ويدق وكولي زيادي وانتبهي لعمرك وانا ماوداني مراجعتي ووداها! انا نا اقول لا يوديها بس اقول يعدددل بعدين والله العظيم يروح اول شهر يومياً مع ولدها المدرسه وبنتي روضه ومكان غريب عليها مارحت الا يومين!!!! وقال ناله داعي تعيش ولا تقعد خل تتعلم وهي تصيح وهو يقول دلع يروح يزور ولد اخته كل اسبوع مرتين وانا ممنوع اروح مدرسة بنتي اشوف ابلاتها معني بروح مشي بس ماله داعي اروح لعيالي الي هم عياله وعادي يروح هو ! والله لو اتكلم لا يشيب راسك ما اليك تاخذي فكره اني ظالمه بس الي يرحم يرحم عياله وبعدها يرحم الباقين وانا تكلمت وقلت هي مسكينه نالها ذنب البلا منه اشوفه يهتم وويودي ويجيب ويحط طيب للبيتين ومو لبيت واحد هي تقدر تدق ع غيره يخلص امورها وع كريم تروح ماتقصر ، بس انا ممنوع مع ابوي واخوان ناعندي وممنوع مع سواقين هنا الغبن وسامحوني والله الذي لا اله الا هو ماودي اكتب كلام ناله دخل بالتجمع بس مدري اشبني

والله الذي لا اله الا هو انا يفرحني اهتمامه باخته بس ياشيخه ولدي يطيح ع راسه ويطرش ويدوخ ومعد...

تواقه .. :

الله يلوم اللي يلوومك ي اختي .. اهله يخدمهم بقدر ومقدار .. واسلوبه المفروض يتعدل اجلسي مع ابوك واشرحي له اللي مضايقك .. اهماله للبيت .. للمسؤليه .. لك .. لبناتك .. وقولي له انا ماودي بالمشاكل ولا خراب بيتي بس مابي اكون مضلومه وماحد ياخذ حقي منه .. فهمي ابوك قولي له احتاجك سسند لي ابيه يخافك يهاابك .. والله يسخر لك ابوك ويوقف معك ويعينك على زوجك .. اخته على العين والراس بس عيالي موب اقل من عيالها حتى معامله زي الناس مافي !! لاا هذولا ضناه بعد .. تكفين كوني أقوى من كذا وقفي بوجهه وخليه يحترمك ويحترم بناتك .. انا كبرت وانا اشوف جدتي وامي قويات شخصيه وينحسب لكلامهم الف حساب سواءً اولادهم او ازواجهم ولايتهاونون ولايتنازلون وتعلمت منهم .. علمي بناتك القوه لاتعلمينهم الضعف .. عشان مايصير لهم اللي صار لك الحين .. قوي شخصيك واقوأي عن شخصيته واعرفي مفاتيحه .. وكيف تتعاملين معه غيري نفسك واسلوبك حتى ستايلك غيريه خليه يكتشف اشياء جديده فيك الفتي إنتباهه بطريقه ذكيه خليه يتفاجأ فيك يصير عقله دايم عندك .. الحرمه تجيب رجالها بذكاء قولي له كلمه تعرفين انها بتأثر فيه بتبقى داخله وده يسمعها منك مره ثانيه .. + الشكرر الشكرر الشكرر .. لو تشوفيني كيف اريش بزوجي الله يرده ب السلامه .. لو بس يجيب كرتون مويه م اخلي كلمه م اقولها له .. وابتسامته تصير من الاذن للأذن ماعاد يسكر حلقه .. وودي تعرفين شخصيته عشان تعرفين تتعاملين مته صح

الله يلوم اللي يلوومك ي اختي .. اهله يخدمهم بقدر ومقدار .. واسلوبه المفروض يتعدل اجلسي مع ابوك...

أولياندر :

يازين سوالفكم ادخل وكأن عندي واجب احاول الحق ع السوالف واقرأ الردود مااوصل آخر صفحة الا نسيت وش بقول 😂 بس كلما قرأت علامات الحمل لما تقولون لو كذا بنت لو كذا ولد مرا ماتخش مخي معليييييش كل علامات حمل الولد جتني في بنتي والعكس تماما بالاولاد وفي أشياء مشتركة بكل الحملات وفي فرق كمان كل حمل بوضعه الخاص احس ايش دخل عضو الجنين بالله في شهيتي وشكلي واحاسيسي 😂😂😂 مرا لااااا اا مااقدر أصدق ذي الاشياء تخيلوا بحملي الأول زدت 24 كيلو وانا دبه بحملي الثاني نزلت 15 كيلو واصلا كنت نحيفه بحملي ذا الوضع يخوف كنه بدأ يزيد هالشهر بسرعه بس برضو لايقارن بالحملين لازيادة مفجعه ولا نقص يخوف ببنتي انا عبارة براطم وخشم وكتلة سواد وبشاعه بس بشرتي رطبه بولدي صفاااااء بشرة شعر لامع واظافر رغم وزني كان ينزل بشكل وسوء تغذية واكزيما دمويه هلكني الجفاف الحين الحمدلله لاذا ولا ذا بس بطني جدا جدا كبير صدري مرا تغير الحجم والهالة احتجت اتقضى ملابس داخلية جديده الخشم بأمان للحين والبراطم بس لاحظت رقبتي هالاسبوع فيها خطوط مع انو محافظة ع السكراب من حملت مرتين اسبوعيا بسألكم ايش رايكم في اللهايات للأطفال لحد 6 أو 8 شهور فقط ؟؟؟ ببنتي عطيتها وفطمتها 6 شهور منها بولدي ماعلمته عليها اليوم فصلت سلاسل للهايات بالإسم لصاحبتي 2 بيولدون هالاسبوع ربي يتمم لهم و اشتهيت لنونتي وسويت له بالإسم بعدين قلت اشاور لو هي شي سئ اخليها لقدام اعلق له فيها العضاضه

يازين سوالفكم ادخل وكأن عندي واجب احاول الحق ع السوالف واقرأ الردود مااوصل آخر صفحة الا نسيت وش...