بنات مين فيكم ناويه تسوي اشعه ثري او فور دي خاطري فيها ولامره سويت ويقولوا كل ماسويتها متاخر افضل يكون واضح تجاربكم

صباح الخير

كيفكم صبايا موضوعكم حماس اليوم هههههه المهم ببكري حاولت اربط بالشماغ ماعرفت جيت يمين جيت شمال ماعرفت له المهم كلمت زوجي وجاب لي مشد من الصيدليه ارتحت عليه صح بالبدايه يضايق ويكتم بس تتعودين عليه خلاص يصير عادي

وببنتي اشتريت مشد من المشاط والحمدلله ناسبني وناويه اروح اخذ لي كمان من المشاط بس غلطت اخذت مشد للبطن والفخذ وكان يضايقني يجي زي الشورت من تحت الصدر الين نص الفخذ لكن المره هذي بااخذ للبطن ويجي زي الكولوت من تحت

المهم شفت حساب دايسو بالاستقرام تحفه منزلين اشياء ميني تهبل وفيه اكواب تجي بغطاء اشكالها تحفه واللي بتتشطر زي حضرتونا وتسوي توزيعاتها بنفسها عندهم شرايط واشياء روووعه ان شاءالله بروح لهم واخذ منهم

صباح الخير
اليوم غاطين مافي احد صاحي يلا اصحوا وراكم مدارس ياامهات وموظفات اصحوا

اهلا صباح الخيرات..
لالوشا.. بالنسبة للشماغ ابدا اثنيه من طرفه الي يكون تحت على جوا يمكن يصير ثلاث ثنيات.. وبكذا يصير عريض كانه شريطة باطراف مايلة
بعد كذا امسكه من احد الطرفين وابدا الف على البطن من تحت الصدر وانزل الين ينتهي الطرف الثاني ما اعقد ولا شي طبعا اكون شادة بطني وساحبة نفس .. الطرف الاخير ادخله بين اللفات.. واعمقه .. والحمد لله يثبت .. يعني ما في عقدة ولا شي.. وممكن تركب لك تشك تشك .. بس انا ما افضل لان كل فترة باذن الله راح يتغير مقاس الربط وبالتالي ما يتطابق التشك تشك مع بعض..
حاولت اشرح بالتفصيل حتى يوضح واي استفسار انا حاضرة..

بنات على طاري الربط لازم نصيحه خاصه للبكريات سبحان الله بعد الولاده تحسي بطنك فاضي وداخله هواء ماتقدري تتكلمي او ترفعي صوتك مع الربط تحسين براحه