almoooon :

مرحبا بالسهرانات 👋 اشلونكم ؟؟؟؟  قبل لا انسى وع طاري الولاده ،،، اعرف وحده باكستانية وهي تحف لي وانا حامل بولدي ،،، وقالتلي ليش ما ولدتي وانا بآخر التاسع مستغربه اشلون تميت لآخر التاسع وما تدري أني اعوشر بحملاتي 😭،،، وكان آخر اسبوع قبل الولاده والمستشفى قالوا لازم اجيهم يعطوني طلق صناعي عشان أولد لانه ولدي وزنه 4 كيلو ،، فجبت الباكستانيه تحف لي قبل لا اروح المستشفى ،، المهم قالت احنا في باكستان مستحيل نولد آخر التاسع من ندخل التاسع خلاص اول اسبوع نولد ،،، وقالتلي بسرعه جيبي حليب فرش ونص كوب زبده وقعدي شربي مرتين لثلاث مرات باليوم  ،،، سألتها شنو فايدته ،، قالت يرطب الرحم ويساعده يفتح بسرعه ومن تولدين البيبي بسرعه يطّلع ،،، حتى تقولي ما يحتاج يخيطونهم ابد لانه المنطقه خلاص رطبه من الزبده ،، انا شربت مرا قبل لا انام ومرا قبل لا اروح المستشفى ،، ما شاء الله من عطوني الطلق الصناعي بساعتين الرحم فتح 4 سم ومن نزلوني ما تأخرت بسرعه ولدت ،،، انا مب عارفه من الطلق الصناعي ولا من وصفة الباكستانيه فما اقدر أقرر بس كانت ولاده سهله ما شاء الله ،، بس سويتها بولدي الكبير اما بعيالي الصغار الصراحه خفت اسويها لأَنِّي كنت اسوي دايت وفيني سكر والمعده تتعب من الحليب وخوفي الزبده ترفع السكر ،، فخليتها وما سويتها مرا ثانيه ،،  وأنتو بعد حوامل سألوا عن هالشي ،، انا اشوفه احسن من الأعشاب وهالسوالف ،، اللي تتعب الحامل والجنين ،، أضرارها اكثر من نفعها  عني هالمرا قررت أني امشي كل يوم من ادخل التاسع ،، واكل تمر واشرب لبن كل يوم وبس ولا اخذ شي 

مرحبا بالسهرانات 👋 اشلونكم ؟؟؟؟  قبل لا انسى وع طاري الولاده ،،، اعرف وحده باكستانية وهي تحف...

almoooon :

غيروا السالفة خلاص ماني منتكلمه عن الولاده ابد ،، بس حبيت انصحكم ما تأخذون اعشاب كلش كلش ،،  اللحين متى ناويين تجهزون لكم وللبيبي ؟؟؟ ووين خاطركم هالمرا تجهزون ؟؟؟ 

غيروا السالفة خلاص ماني منتكلمه عن الولاده ابد ،، بس حبيت انصحكم ما تأخذون اعشاب كلش كلش...