انا ماعندي اقارب في المنطقه اللي انا فيها بس عمتي.
صراحه قرف قرف على ان لي عشر سنين فيها لكن انتظر اليوم اللي انقل فيه منها فكرت اروح لاهلي اولد عندهم بس اولادي بيتعبوني اختي الكبيره منفصله عن زوجها واولادهامعها واذا تجمعو عيالي مع عيالها هواش ومضاربه وابوي وامي ياقلبي مايتحملون اروح اخذ ذنب وعقوق وارجع بيتي فكرت اخليهم مع ابوهم بس صعبه يقعدون حول الشهرين معه انا اذا رحت لاهلي اجلس الغالب عشر ايام واخلي الكبير مع ابوه بس شهرين صعبه لكن الحل الاخير اللي قررته اني اولد واجلس في بيتي اسبوعين اكون صرت طيبه وبعدين اروح اكمل معهم باقي النفاس واخلي اولادي الكبار مع ابوهم
بيت الوحده اريح لها صراحه اذا معها عيال انا ولدي البكر والثاني نفست عند اهلي وجاني اجتئاب كل يوم ابكي لاني كنت اتضايق ماودي اشوف امي تخدمني وانا جالسه وغير كذا مافيه خصوصيه على قولتكم وبنتي الاخيره ولدت في بيتي وربي ارتحت ولاشفت الاكتئاب على اني كنت شايله همه طول فترة الحمل لكن الحمد لله مره ارتحت في بيتي وعمتي ساكنه تحت وهي تسوي اكلي والشغاله حقتها ماتقصر تطلع تنظف بيتي الله يكتب لنا الخير يارب وييسر امرنا
ليش حكره وتكنه مشعوذات بالعكس حبي حالك ودلعب عمرك بالنفاس مناكير وكشخه وكل يوم تروشي وحطي ميك اب والبس لبس حلو ،، انا كنت وانا نافس عند اهلي زوجي يستحي يدخل في بيت اهلي لان عندي اخواتي بالبيت فياخذني يمشيني انا والصغير الصباح او العشاء بعد مايروحوا الناس نسولف ونغير جو ،،،، النفاس لتفكرونرانه لبس بنطلون وفوقه روب وشرابات ولفه راس وتحت البطانيه مااتحرك بالعكس اصلا الجلسه ع السرير تعمل التهابات وتتعب في الخياط عشان كذا الدكاتره يقولون امشوا وتحركوا ،،، اذكر قصه قريتها ان وحده جلست نفاسها كله بالسرير ولاتروح ولا تجي من الحمام تكرمون للسرير وبعدين صار عندها التهاب شديد وتقطعت الخيوط والتهب الجرح غير عملوا لها اعاده خياطليش حكره وتكنه مشعوذات بالعكس حبي حالك ودلعب عمرك بالنفاس مناكير وكشخه وكل يوم تروشي وحطي ميك اب...
ايوه انا مااحب كذا بس انا ساكنه في ديره واهلي في ديره فلما اروح لاهلي زوجي مايقدر يجي ع طول يادوب يجي كم يوم بعد مااولد يسلم علي ويرجع فأتوهق عند اهلي واخجل اطلبهم كل شوي جيبو لي سوو لي مو مثل زوجك تمونين عليه وغير كذا كانت امي كل ماشافتني اقوم تهاوشني اجلسي وارتاحي انتي نفاس فمااحب كذا ابد طبعا. الاعشاب وذي الخرابيط والبخورات لا مااسويها في بيتي اخذ راحتي وادلع نفسي وبعيد عن الناس بس اذا جاو الناس اسوي نفسي تعبانه لاني اخاف تجيك الوحده وتصرعك من عيونها اذكر وحده من صديقاتي كذا كانت اذا جاو الناس تدلعت اخر دلع ومكياج وملابس والناس ماقصرو بالكلام اخر شي تعبت بغت تموت معاد قدرت تتحرك ولاتقوم من الفراش وجلسو يقرون عليها لين الحمد لله ربي شافاها الحريم الكبار الله يستر منهم بس احنا بنات هالايام فاهمين بعض اذا جاو صاحباتي اتدلع لهم اخر دلع بس العجايز لا والله اتحرول اذا جاو هههههههههه
ماتلاحظون اننا سباقات بالاحداث ههههههههه الحين المفترض نفكربصحتنا و بالتجهيز للمولود والولاده الايام تطير سبحان الله كنا نبشر بعض بالحمل الحين كل وحده تفكر بالنفاس ومابقى شيء على الولاده راحت خمس شهور الله المستعان بقى اربعه ونبشر بعض بالولاده بس رجاء اي وحده تولد تطمننا عليها وتتواصل معنا وتفيدنا بتجربتها اتمنى ماننقطع عن التجمع بعد الولاده
الصفحة الأخيرة
لذلك شايله هم نفاسي لانه بالنسبه لي ام النفسيه وماارجع طبيعيه الا اذا طلعت من النفاس بشهر اوشهرين