رنا
دايم المجتمع ياثر وبنتك تشوف وعايشه بينهم فطبيعي تتاثر
لازم اهم شي بيتكم انتم اساسياتكم برامجكم اللي تشوفونها لازم تكون تربويه واسلاميه وتعلمها الدين وان احنا مسلمين غير عنهم
الوضع اللي انتي فيه صعب الله يعينك وييسر لكم مكان افضل من هالمكان

الله يكتب لكم الاجر والحمدلله الله عوضكم وعوضني كل شي باجره
الحمدلله على كل حال

يسلمو بنات ماقصرتو والله
جد صعب عليه كثير
وانا اهدي زوجي واقوله تصرفات طبيعي
وهي عقله صغير
لكن داخلي غير والله
انا اخاف من زوجي يمكن يأذيه لهيك اعمل شي عادي وهو يهدأ
لا من ناحية انو اقول لحدا او ادخله بالموضوع
مستحيل اقول

‏صباح هادىْ .. وَ آنفآس تَحمَل. تفآؤل وَيقيَن بآن كَل مآ سيكتَبہَ آللہَ لنآ فَي كَل صباح خير وجميل ..~ ‏صباح السعاده💜

رنا
ماشاء الله البنات كفو ووفوا
انا عندي بنت 12 سنة وبلغت مبكرة ومراهقتها مبكرة
دايم هالسن تحاول تفرض رأيها وشخصيتها
حتى وانا انصحها وافهمها تسوي نفسها مااقتنعت
لكن بعدين اشوف انه يأثر فيها
واحسن شي سويتيه ان ابوها ما يدري لكن خليه سلاح هدديها به قولي ترى بعلمه وانتي عارفة وش بيسوي لك بنتي كذا تخاف مرة من ابوها واخليه اخر حل اذا عجزت مرة
1-اول سبب هو الدعاء كل ماصليتي ادعي لعيالك بالهداية والصلاح وان يكونوا قرة عين لك
2- لابد تشوفين لها صديقات مسلمات وتكونين عارفة اهلهم
3- اتوقع المدارس الاسلامية انفع لها في زرع الهوية الاسلاميةوالبيئة الاسلامية
4- كرري لها دائما ان قدوتنا هو النبي صلى الله عليه وسلم وبناته وزوجاته وصحابته وكل ماطلبت شيء مخالف قولي مين قدوتنا ؟
5-وترى لو سفرتيها وابعدتيها عنك بتزيد الفجوة بينك وبينها وممكن تنظر لك بعدائية وانك ما تحبينها
6-ولابد تكون بيئة بيتك محافظه وقوانين داخل البيت مثل الصلاة ما تخليهاحتى لو مابلغت حثيهاعلى النوافل والسنن مثل الصدقة وحفظ القرآن وانواع الذكر جيبي لها قصص هادفة قنوات التلفزيون تكون شيء محافظ اشغليها باي نشاط يفيدها وينمي مواهبها اذا تحب تطبخ او ترسم او تخيط او اعمال فنية حطي لها ركن خاص بموهبتها خليها تساعدك في شغل البيت وافتخري فيهاوكافئيها اذا مثلا قرت قصص اذا حفظت قرآن اذا سوت شيء من السنن او اذا انجزت اي شيء
اذا بتشترين مقاضي او اي شيء من السوق خليها معك وشاوريها وش رايك بهذا والا هذا قولي لها يعجبني ذوقك ورايك من الآن علميها عن البلوغ وانها تكون مكلفه زي الكبار
المهم انتي اشغليها لا تصير فاضية
وان شاء الله فترة وتعدي بس يبغى لها صبببببرر وطول بال
واذا عاندت او صرخت لا تصرخين زيها حتى لو تكلمت عليك خليك هادية وحازمة بنفس الوقت قولي اللي تبين انصحيها او عاتبيها او اؤمريها واسكتي وخليها
هي تكسب الصفات منك تلقائي وتقلدك بدون ما تحسين سبحان الله فامسكي نفسك وخليك قدوة لها


طولت لكن لعل وعسى افيدك بشيء